HORTA ORGULHU TIMOR OAN HARII ESKOLA INTERNASIONAL

Eis Prezidente  Prezidente Repúblika José Ramos Horta, orgullu ho Timor oan Cristina  Yuri Dias,  ne´ebé mak iha inisiativa harii eskola Internasionál Santo Antonhoniy´S (Sais) ho kuríkulu padraun Australia no Inglaterra.

Eskola  ne´e harii iha loron lima  fulan Agostu tinan 2017 no  kompleta ona ezistensia tinan ida iha Domingu (05/08/18). Eskola ne´e lokaliza  iha eis edifisiu IOM Farol Díli.

“Orgullu teb-tebes, tanba  primeira vez  Timor oan ida harii eskola ida  nivel  internasionál ho kurikulu Australia nian, ita hatene kurikulu  ne´e diak teb-tebes  hanesan Amerika nian, hanesan Englatera. Inisiativa nune´e ha´u hanesan sidadaun Timor hanesan eis Prezidente Republika sempre apoia, apoia moralmente politikamente, mas sei buka mós haree oinsa  tulun sira finansiarimente bele apoiu liu tan,“Eis eis Prezidente Repúblika José Ramos Horta, ba jornalista iha hafoin partisipa aniversariu Eskola Internasional Santo Antonhoniy´ s (SAIS) iha eis  edifisiu IOM Farol Díli..

Tuir Horta, eskola  ne´e internasionál ne´e importante  tanba  eskola nia kobra  baratu du que eskola internasional sira seluk.

“Ne´eduni  ema barak osan ladun  iha para selu eskola Amerikanu ka Australia nian  bele mai eskola  iha  eskola Intenasionál  ne´e, tanba  nivel hanesan de´it  maibe baratu liu, i kualidade diak teb-tebes, ne´e duni ha´u fó parabens ba fundador nain rua señor Cesar ho  ne´ebé ho korazen no kbiit, hanoin ida  ne´e ho difikuldade oi-oin maibe konsege halo projetu ne´e ba oin,“dehan Ramos Horta.

Alende ne´e,  Diretor Jeral Ministériu  Edukasaun, Antoninho Pires, promete sei hala’o levantamentu dadus ba eskola internasionál sira iha Díli  inklui Eskola Santo Antonhoniy´ S (Sais) atu bele hetan akreditasaun husi Ministériu Edukasaun.

“Ami foin mak halo tipu  de levantamentu de dadus, ami sei halo regulamentu ida kona-ba para bele hetan akreditasaun ba eskola  ne´ebé funsiona iha Timor, tantu ba eskola internasional husi nasaun sira amigus ninian ne´ebé loke iha Timor,“dehan Antoninho Pires

Nune´e mós  Fundador eskola Internasionál Santo Antonhoniy´ S (Sais) Cristina  Yuri Dias hateten, harii fofoun  iha tina  2006, maibe iha momentu ne´eba ho de´it estudante nain tolu, depois  ema komesa hatene fatin ba  eskola  ne´e  inan aman barak mak lori sira nia oan mai rejistu hodi eskola.

“Tanba  ne´e iha tinan 2017, ami disedi loke tan hodi estabelese eskola Internasionál kikoan ida  iha Timor-Leste, iha tinan kotuk ami nia estudante hamutuk  40, maibe  ohin loron 2018 ami iha estudante 70,“dehan

entretantu prefesores sira ne´ebé mak hanorin iha eskola santo antonhoniy´ sais) farol    iha kombinasaun   husi filipina  no proefesor barak liu husi oan.

Ba dadauk  ne´e eskola  internasional  atinji ona great  6 no planu sei aumenta ba great 9

Sidadaun estranjeiru ne´ebé mak eskola iha eskola refere husi Indonesia, Filipina, Portugal, Brazil, Australia no Timor oan sira.avi