JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MEJD ofisialmente anunsia rezultadu ezame nasionál, Aprovadu 44.756 no reprovadu 644

MEJD ofisialmente anunsia rezultadu ezame nasionál, Aprovadu 44.756 no reprovadu 644

Ministériu Edukasaun (MEJD) liu husi Ministra Edukasaun Juventudi no Desportu, Dulce de Jesus Soares, iha Kuarta loron 5 fulan Dezembru tinan 2018, ofisialmente anunsia rezultadu jeral ikus ezame Nasionál  katak, ba tinan ne’e estudantes  ne’ebé mak aprovasaun ka passa hamutuk rihun 44.756, ne’ebé korenponde ba 98,6% no reprovadu hamutuk 644, koresponde ba 1.4%.

“Total alunu ne’ebé inskritu iha 2018 hodi tuir ezame Nasionál , total ensinu baziku no ensinu sekundariu hamutuk hotu iha 47.325 alunus.  Entre 47. 325 mil alunus ne’e, 45.400 mak tuir ezame koresponde ba 95,93 %. I ne’ebé mak la tuir ezame 1925, korenponde ba 4,07%. Ne’e total jeral husi ensinu sekundariu jeral no ensinu baziku. Tuir fali ensinu baziku deit alunu ne’ebé mak inskritu ba tuir ezame hamutuk rihun 30.291, sira ne’ebé mak tuir ezame rihun 29.005 koresponde ba 95,8%. La tuir ezame rihun 1286 koresponde ba 4,2%. Husi sira ne’ebé mak ohin inskritu iha ensinu baziku aprovadu ka sira ne’ebé mak pasa rihun 28. 634 koreponde ba 98,7%. Reprovadu ka la pasa 371 koresponde ba 1,3% mak la pasa. Hakat ba ensinu sekundariu jeral total alunu inskritu ba tuir ezame Nasionál  hamutuk rihun 17.034 alunus, husi 17.034 alunu ne’e tuir ezame rihun 16. 396 koreponde ba 96,2% no la tuir ezame 634 koresponde ba 3,8%. Arpovadu ka pasa ezame rihun 16.121, koresponde ba pursentu 98,3% no reprovadu 273 koresponde ba 1,7%. Ikus liu total jeral husi alunu sira ohin 45. 400 ne’ebé ne’ebé mak tuir ezame, total jeral hetan aprovasaun mak rihun 44.756 ka koresponde ba 98,6%. Taxa jeral reprovasaun ka la pasa 1,4% ka 644 mak la pasa”, informa MEJD, Dulce de Jesus Soares, liuhusi anunsia rezultadu izame Nasionál  nian iha salaun MEJD Vila Verde, Díli, ne’ebé akompanha mos husi Ministru Edukasaun, João Zacarias, Diretur Nasionál  no Munisipal sira hotu.

Lee hotu :   Joaquim Couto: Lian Português ponte Ligasaun TL-Portugal

Dulce husu ba diretur munisipal sira atu fo hatene ba estudante nia inan aman sira mak foti rezultadu ezame Nasionál  ne’ebé tuir planu sei distribui ba eskola sira iha kada munispiu ne’ebé sei hahu iha loron 17 fulan ne’e.

“Husu ba diretur munisipiu hotu atu fo hatene ba inan aman sira iha prosesu distribuisaun re zultadu ezame Nasionál , Ministériu edukasaun husu atu inan aman sira mak bele mai foti oan sira nia rezultadu ezame. Karik rezultadu ezame ita sei bele simu iha loron 2 tuir mai, fahe rezultadu ezame Nasionál ”,hatutan Dulce.

Diretur Edukasaun Munispal sira sente satisfeitu no orgullu ho rezultadu ezame Nasionál  ne’ebé publika husi Ministériu edukasaun, tanba sira nia eskola bele hetan klasifikasaun diak husi tinan ba tinan

Entretantu total alunu loloos ne’ebé rejistu ba tuir ezame Nasionál  iha tinan ne’e hamutuk rihun 47.325 no husi numeru refere alunu ne’ebé tuir ezame hamutuk rihun 45. 400 no sira ne’ebé la tuir ezame hamutuk rihun 1925.

Enkuantu prosesu distribuisaun sertifikadu ba alunu sira iha kada eskola iha kapital no iha munispiu sei hahu iha loron sanulu resin hitu fulan dezembru tinan ne’e.ías

Add to Comments Here!!!!

error: Content is protected.
Secured By miniOrange
You might also like:
VIII Governu sedu liu mehi remodelasaun

Observador pólitika, Camilo Ximenes, hateten, VIII...

JORNAL NACIONAL GMNTV MEIU DIA, Loron-5 Fulan-Dezembru Tinan-2018

JORNAL NACIONAL GMNTV KALAN, Loron-4 Fulan-Dezembru Tinan-2018

Close