JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Enfrenta krizi finanseira, Klínika Bairo-Pité sei husu kontribuisaun husi pasiente

Enfrenta krizi finanseira, Klínika Bairo-Pité sei husu kontribuisaun husi pasiente

Atu fasilita fundu transporte funsionáriu klínika Bairo Pite nini’an, iha semana ne’e nia laran posibilidade klínika Bairo Pite sei husu kontribuisaun husi pasiente sira ne’ebé hala’o tratamentu.

“Atu kontinua fasilita prosesu atendementu iha klínika labele paradu, posibilidade iha semana ne’e nia laran ami sei halo diskusaun ho funsionáriu sira, ho mós dotór sira ne’ebé durante ne’e servisu iha klínika ne’e, oinsa atu bele husu kontribuisaun ba pasiente sira, oinsa sira bele fó netik USD0.50 ou USD1, hodi bele fasilita funsionáriu sira nia transporte ba mai”, Jestor klinika Bairo Pite, Inácio dos Santos ba GMN iha ninia kna’ar fatin, Bairo Pite-Díli, Sesta (25-10-2019).

Inácio realsa, dau-daun ne’e, klínika Bairo Pite hasoru hela krizi finanseira, tanba ne’e aktividade atendementu ba pasiente sira, ikus-ikus ne’e aplika la hanesan ona iha tinan hira liu ba kotuk.

“Ami halo rotasaun ba funsionáriu sira, maibé dalaruma iha funsionáriu loron ida rua la tama servisu, tanba sira kontaktu katak, ami atu ba servisu, maibé ami nia osan laiha atu selu transporte ba mai, entaun ita mós labele obriga sira. Klínika refere, hala’o ona audensia ho Ministériu Saúde no promete atu ajuda, maibé to’o ohin loron kontinua laiha rezultadu”, tenik Jestor klínika Bairo Pite ne’e.

Diretor klínika Bairo Pite, Daniel Murphy, hateten, klínika Bairo Pite prontu atu fó atendementu ba pasiente, maibé problema ne’ebé sira hasoru mak laiha osan atu selu funsionáriu sira.

“ Ami tinan rua ona orsamentu menus, tanba donasaun menus, klínika Bairo Pite presiza pelumenus fulan ida hetan  USD rihun 50, mais agora ami hetan menus, tanba agora dau-daun ai-moruk karun, kombustivel ba ambulansia, depois staff hamutuk 100 resin vensimentsu selu sira fulan-fulan ami laiha osan, ami buka ajuda iha Governu Timor-Leste, America, Australia hetan uitoan deit”, tenik Murphy.

Lee hotu :   Halakon lian Materna, PM Rui: Lakohi antisipa tanba prosesu la’o hela

Enkuantu funsionáriu sira ne’ebé servisu iha klínika Bairo Pite hahú husi fulan Setembru to’o ohin loron, hala’o servisu sein saláriu, tanba klínika hasoru hela krizi finanseira.

Antes ne’e, klínika Bairo Pite mós hetan ona apoiu husi kompañia Mauhoka, Jonize ho sosiedade sivíl sira, maibé orsamentu hirak ne’e la sufisiente atu hala’o aktividade to’o tinan lima.

Tuir observasaun GMN iha terrenu nota katak, maski klínika refere hasoru hela krizi finanseira, maibé pasiente sira kontinua ba halo tratamentu saúde loro-loron. eni

 

Add to Comments Here!!!!

error: Content is protected.
Secured By miniOrange
You might also like:
AME kondena aktu profesór haruka estudante rei-malu

Autoridade Munisípiu Ermera (AME) kondena maka’as...

PR Lú Olo aprova ona embaixadór 14

Prezidente Repúblika (PR), Francisco Guterres Lú...

Eis prizioneiru polítiku hari’i OPPLN

Eis prizoneiru politiku 1975 – 1979,...

Close