JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Francisco Fernandes: Durante tinan 20 edukasaun TL kontinua vulnerável

Francisco Fernandes: Durante tinan 20 edukasaun TL kontinua vulnerável

Sindikatu Profesor Timor-Leste (SPTL) konsidera durante tinan 20 nia laran setór edukasaun iha Timor-Leste kontinua vulnerável no infrenta problema oi-oin.

Dezde primeiru governu to’o mai VIII Governu, governante sira sempre deklara katak, sei tau importánsia ba área prioridade sira, hanesan edukasaun, saúde no agrikultura, maibé realidade hatudu iha área edukasaun kontinua sai vulnerável tebes no infrenta problema oi-oin, hanesan falta ekipamentu eskolar, hanesan kadeira, meja, professor, matéria didátiku no mós direitu retro-ativu ba profesor sira.

“Exijensia mai husi munisípiu hato’o ona ba Ministériu Edukasaun, maibé to’o ohin loron seidauk, iha munisípiu Baucau nia dokumentu proprio, ba deklarasaun SPTL estrutura nasional foti, tantu mos iha parte eskola sira iha Díli laran mós hato’o ona, maibé to’o ohin loron Ministra Edukasaun seidauk bele esklarese, tanba sá maka fallansu sira hanesan ne’e akontese ba públiku, liu-liu ba profesor sira, sé akontese bei-beik hanesan ne’e prejudika mós ba prosesu aprendizajen iha eskola hotu, tanba deit katak sira nia direitu, tuir loloos sira hetan, maibé sira nia direitu ne’e violadu, tanba ne’e mak sira laiha vontade, laiha ema ida ne’ebé manda mós otomatikamente prejudika mai husi salariu bazeia ba lei, rejimi kareira profesor ni’an”, Prezidenti SPTL Francisco da Costa Fernandes ba jornalista sira liu husi konferensia imprensa, iha sede Sindikatu Jeral Traballador Timor-Leste, iha Santa Cruz, Díli, Kuarta (09-10-2019).

Ho ida ne’e SPTL exiji ba Ministra Edukasaun Juventude no Desportu (MEJD), Dulce de Jesus, atu aplika loloos lei númeru 23/9/12/2010 kona-bá rejimi kareira dosente, atu nune’e profesor sira labele sai vítima.

“Profesor sira ne’ebé kontratadu iha tinan 2016, iha ona dalan oinsa profesor sira ne’ebé kontratadu, maibé kompete ona iha rejimi kareira katak, kumpri ona sira nia diploma bazeia ba iha lei refere no sira sei hola parte ba iha teste konverte, agora sira ne’ebé menus husi diploma D3 ka diploma 3, ne’e mak foin halo ezame asesu ba iha formasaun profesor sira ni’an, iha universitáriu, maibé realidade to’o ohin loron seidauk hamosu ida ne’e, parese ita haree katak, ida ne’e hela ho promete deit ka tenki iha rezultadu ruma ba profesor sira katak, iha tinan 2017 loke ona dalan hein deit ona prosesu para VIII governu mai ezekuta dalan ne’ebé antes ne’e loke ona para bele transfer profesor sira ne’e ba permanente, ha’u hanoin liu husi konferensia imprensa ida ne’e bele prepara lista lori ba Konsellu Ministru atu bele transforma ba permanente, iha posibilidade ne’e ha’u hanoin tenki liberta sira atu sai professor ne’ebé permanente ona, prense ona ba lei refere, tama ba iha nivel salarial tuir rejimi kareira haruka”, dehan Francisco.

Lee hotu :   Inan sibuk ho Facebook, oan sai vítima iha eskola

Prezidenti SPTL, hateten, durante tinan lima ona profesor barak mak hetan ona progresu eskalaun no kompleta ona kategória professor, maibé MEJD la kria kondisaun hodi fó teste ba profesor sira atu tama iha kategória profesor senior, tuir lei númeru 23/9/12/2010.

Antes ne’e Diretor Eskola Nobel da Paz mos deklara katak, sira desidi ona atu harí tan tenda iha eskola liur, atu bele akumula estudante finalista sekundária Nobel da Paz, hodi bele hala’o izame nasional, tanba aula la sufisiente. mya

Add to Comments Here!!!!

error: Content is protected.
Secured By miniOrange
You might also like:
Governu rekoñese menus investimentu nune’e dezempregu aumenta

Ministru Estadu Koordenador ba Asuntus Ekonómiku...

Dia 09/10/2019 || GMNTV LIVE STREAM || JORNAL NASIONAL KALAN

Dia 09/10/2019 || GMNTV LIVE STREAM || JORNAL AS 12

Close