JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PPN lamenta atitude profesór haruka estudante rei-malu ■ MEJD sei fó sansaun ba profesór

PPN lamenta atitude profesór haruka estudante rei-malu ■ MEJD sei fó sansaun ba profesór

Prezidente Parlamentu Nasional (PPN), Arão Noe, lamenta ho atitude profesor ou edukador ne’ebé haruka estudante feto na’in rua (2), rei-malu iha eskola 20 de Agosto-Ermera.

Xefi Órgaun Lejislativu ninia lamentasaun ne’e, hato’o liu husi Vise Prezidente Parlamentu Nasional (PN), Maria Angelina Sarmento, iha kongresu nasional rede Feto Timor-Leste ba dala-5, iha Centro Convenções de Díli (CCD), relasiona ho video ne’ebé sai virál iha Média Sosial (MedSos) facebook, ne’ebé hatudu profesor ida haruka estudante feto na’in 2 rei-malu iha eskola laran.

“Ita bele uza hodi ajuda situasaun ida ne’e, edukasaun hanesan kilat ne’ebé boot, ita bele uza situasaun oi-oin iha mundu no pobreza estrema, liu husi meius hanesan ita presiza hamosu plataforma asaun balun hodi advokasia feto sira, hetan edukasaun no hadi’a situasaun eskola ni’an”, Xefi Órgaun Lejislativu nia deklarasaun ne’e hato’o husi Vise Prezidente PN, Maria Angelina Sarmento, iha kongresu nasional Feto Timor-Leste, Kinta (24-10-2019).

Maria Sarmento hateten, atu hadi’a situasaun hirak ne’e, papél feto nia ida mak atu muda situasaun hirak ne’e, hodi eduka ema hotu-hotu atu respeita mós feto nia dignidade.

“Iha eskola feto sira aprende moris ho ninia pontensialidade tomak la ho violénsia, asédiu sexual, loloos ne’e halo sira tenki sai husi eskola lejislasaun oi-oin, lei kontra violénsia doméstika kódigu penal, rezistensia, ensinu rekorente primaria, tanba labarik feto sira atu aprende, nune’e, ho situasaun hirak ne’e ita presiza muda buat barak ba feto sira iha dezenvolvimentu”, haktuir Vise Prezidente PN ne’e.

Antes ne’e, reprezentante povu iha uma fukun PN husu governu atu fó xamada atensaun ba profesor ne’ebé haruka estudante na’in 2 rei-malu iha eskola.

Lee hotu :   Dívida sa’e ba USD 58.000, Daniel Murphy husu jerente Klínika Bairro-Pite lalika preokupa

Nune’e mós, Ministériu Edukasaun Juventude no Desportu (MEJD) hola kedas pozisaun hodi halo komunikadu imprensa ba públiku, kondena hahalok profesor refere, tanba viola dever profesor no Diretor ni’an, tuir diploma ministeriál númeru 4, loron 7, fulan Marsu.

MEJD sei fó sansaun ba profesór 

Ministra Edukasaun Juventude no Desportu (MEJD), Dulce de Jesus, hatete  Ministériu Edukasaun Juventude no Desportu  sei fó sansaun ba profesór ne’ebé haruka estudante feto na’in Rua rei-malu iha sala laran.

Konaba lalaok mestre ne’e nian iha tempu badak hau sei hola sansaun preventiva ida ,wanhira prosesu investigasaun remata ona ,prosesu ne’e hala’o hela tuir dalan legal ,tamba ministeriu edukasaun rasik iha Dekretu Governu ba disiplina professor sira nian” Ministra Edukasaun Juventude no Desportu Dulce de Jesus,hatete asuntu ne’e, hafoin partisipa reniaun konselu ministru iha Palásiu Governu,Kuarta (24/10).

Iha semana kotuk liubá iha rede media sosiál facebook virál ho vídiu ida, ne’ebé hatudu profesor ida , haruka nia estudante feto na’in rua rei-malu , iha sala prosesu aprendizajen.Kazu ne’e sai preokupasaun boot ba públiku , hodi halo diskusaun maka’as.

Ministra Edukasaun Juventude no Desportu Dulce de Jesus, mós lamenta tebes , tan ne’e halo ona investigasaun , no sei foti medida hasoru profesór ne’ebé nu’udar mós, hanesan diretur.

Ministra Edukasaun Juventude no Desportu , husu deskulpa ba públiku tomak , relasiona vídiu la edukativu ne’ebé lansa iha rede sosiál media.Ety/Tos

 

Add to Comments Here!!!!

error: Content is protected.
Secured By miniOrange
You might also like:
Laiha prosesu justisa ba autor krimi, Bernardino desidi hapara servisu KPK iha Madohi

Suku Madohi, postu administrativu Dom Aleixo,...

Fransisco: Ha’u laiha koñesimentu ba prosesu sosa kareta Prado

Tribunal Distrital Díli (TDD), kontinua hala’o...

Mosu tan EA, FRETILIN konsidera líder AMP sira laiha kapasidade

Vise Xefe bankada FRETILIN, Francisco Miranda...

Close