JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia pesoal saúde lori ai-moruk sai husi HNGV, Aniceto : Sei iha prosesu investigasaun

Deskonfia pesoal saúde lori ai-moruk sai husi HNGV, Aniceto : Sei iha prosesu investigasaun

Diretor ezekutivu Hospital Nacional Guido Valadares (HNGV), Aniceto Cardoso Barreto,  hateten, deskonfia pesoál saúde ida, lori sai ai-moruk balun husi HNGV dala-rua iha loron ne’ebé diferente.

“Ha’u hanoin saída mak fó sai husi Média Sosial (MedSos), iha loron 4 liu ba ligasaun ho pesoal balun lori ai-moruk ho sasan ospital sai sein iha autorizasaun no sein koñesmentu no objetivu lori sai atu halo saída, loos duni iha loron 8, fulan Novembru, ema tula sasan kaixa 2, depois iha loron 12 kalan, fulan ne’ebé hanesan akontese tan, pesoal hanesan ne’ebé mak tula sasan sai husi ospital ne’e”, Diretor ezekutivu HNGV ne’e ba GMN iha ninia kna’ar fatin HNGV, Díli, Sesta (22-11-2019).

Aniceto, hateten, dau-daun ne’e ekipa husi HNGV halo hela investigasaun, nune’e espera katak, iha semana oin bele fó sai ona rezultadu ba públiku.

“Ita nia ekipa HNGV hala’o hela investigasaun, espera iha semana oin bele fó sai rezultadu ikus saída mak sira foti no foti atu halo saida, sé mak autoriza no uza ba saída, atu nune’e bele justifika razaun fundamentu tanba sá mak foti sasan, la’os to’o iha ne’e deit, maibé sei buka tuir sira-nia objetivu loloos ne’e saída, para bele hatene, akontesementu ne’e primeira ves ka bei-beik ona”, subliña Diretor ezekutivu HNGV.

Maski kazu refere viral ona iha MedSos hanesan facebook, maibé Aniceto Barreto, hateten, presiza iha investigasaun ida profunda, antes enkamiña kazu ba oin, hodi prosesa tuir lei.

Rezultadu investigasaun mós la taka dalan atu lori pesoal sira ne’e ba tribunal, se sira komete duni krimi, lei fó dalan atu bele lori sira ba tribunal, atu deside razaun fundamentu, maibé antes to’o iha ne’ebá ha’u hanoin Konsellu Ministru sei análiza no orientasaun husi Vise Ministra Saúde interina, Élia António de Araújo dos Reis Amaral Ho Vise Ministru Saúde ba Dezenvolvimentu Estratéjiku Saúde, Bonifácio Maucoli dos Reis katak, tenki halo investigasaun ba funsionáriu ne’e, liga ho funsionáriu nia papel, dever no ninia responsalbidade”, tenik nia.

Lee hotu :   RUI MARIA FO XAMADA BA PESOAL SAÚDE IHA SENTRU SAÚDE VEMASSE

Enkuantu wainhira tenta konfirma ho Vise Ministru saúde ba Dezenvolvimentu Estratéjiku Saúde, atual Ministru Saúde  Interinu, Bonifácio dos Reis, hateten, nia parte seidauk simu informasaun  kona-bá pesoal saúde ne’ebé lori sai ai-moruk husi HNGV. eni

Add to Comments Here!!!!

error: Content is protected.
Secured By miniOrange
You might also like:
José Luís Oliveira critica ex-ministros com funções de assessores

O diretor da Asia Justice and...

SETP sei hasai obrigatóriu komunidade okupa área eskola

Sekretaria Estadu Terras Propriedade (SETP), sei...

Hakotu impase, CNRT apoia PM diálogu ho PR ■ Jurista Avelino: Presiza reforma kuadru legál

Deputadu bankada Congresso Nacional Reconstrução de...

Close