JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

RSPEMD nota maioria estudante sira seidauk hatene kanta “Hino Nacional”

RSPEMD nota maioria estudante sira seidauk hatene kanta “Hino Nacional”

Responsável Seksaun Pré-Eskolar Munisipiu Díli (RSPEMD), Miguel dos Santos, husu ba professor sira atu hanorin Hino Nacionál  Patria Patrai ba estudante sira, tamba maioria estudante seidauk hatene kanta  Hino Nasional Timor Leste nian nee.

Miguel dos Santos, hato’o pedidu nee ba profesor sira, hafoin partisipa graduasaun estudante Pré eskolar  Eskola Infantil Buras Kadalak , Sabado (23/11),iha Fatuhada.

Responsável Seksaun Pré- Eskolar Munisipiu Díli nee dehan  realidade iha Pré-eskolar  Eskola Infantil Buras Kadalak iha suku Fatuhada Luru Mata,Postu Administrativu Dom Aleixo,Munisipiu Díli, maioria estudante sira la hatene kanta Hino Nasional Patria Patria.

“Ohin hau haree no rona labarik sira la kanta Hino Nasionál Patria-Patria,tamba sira seidauk hatene ,laos iha eskola ne’e de’it,maibe eskola hotu iha Timor ne’e maioria seidauk hatene kanta Hino Nasionál ne’e,ita hotu tenki hanorin ba labarik sira hodi kanta hatene,tamba loron nasionál importante Timor nian ne’e sira mak sei kanta”, dehan Miguel dos Santos.

Tuir  nia estudante hahú husi Pré-eskolár to’o universitáriu tenki hatene kanta Hino Nasionál Patria-Patria ,tamba  banhira iha komemorasaun loron historiku Timor-Leste nian, estudante sira mak sei kanta hino nasional ne’e.

Iha uportunidade nee nia apela ba professor sira iha terióriu laran tomak ,atu hanorin  Hino Nasionál Timor – Leste nian nee ba estudante sira iha eskola hotu.

Nia mos enkoraza inan aman atu haruka oan sira ba eskola iha pré eskolar, wanhira kompleta ona tinan 3.

Miguel dos Santos  esplika atu prepara labarik sira hodi sai matenek  servi nasaun Timor Leste, inan aman tenki haruka oan sira ba eskola ho idade tinan Tolu.

Banhira kompleta tinan 6  tama ona ba eskola prímaria, tamba  labarik sira ho idade kik ne’e lalais tebes atu akapta materia ne’ebé hanorin husi professor sira.

Lee hotu :   PM RUI REKUÑESE MÉDIKU HO PESOAL SAUDE ATENDE PASIENTE LADIAK

Koordenadora Pré-eskolar Buras Kadalak, Santina da Costa, hatete, nia mós apela bebeik ba inan aman atu haruka nia oan sira ba eskola,maibe inan aman balun seidauk iha konsiensia,tamba labarik balun la aprende iha pré-eskolar ,maibe ba aprende liu  iha eskola prímaria.

Inan aman sente kontente no agradese ba professor sira,tamba ho sira nia dedikasaun ohin loron sira nia oan  bele hatene buat barak.

Estudante  finalista husi Pré eskolar Buras Kadalak  nain 66 simu graduasaun,husi graduadu ne’e estudante Juvinal Gama mak hetan valor diak liu.Tos

Add to Comments Here!!!!

error: Content is protected.
Secured By miniOrange
You might also like:
AMP estuda possibilidade de remodelação FRETILIN considera Governo incapaz

O Vice-Chefe da bancada da FRETILIN...

Posibilidade sei rekruta tan membru PNTL

Prezidenti komisaun B ne’ebé trata asuntu...

ERNST & YOUNG aprezenta vizaun merkadu iha Timor-Leste

ERNST & YOUNG (EY) núdar Kompañia...

Close