JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KOMUNIDADE KONTINUA OKUPA AREA LAGOA TASI TOLU

KOMUNIDADE KONTINUA OKUPA AREA LAGOA TASI TOLU

Administrador Postu Dom Aleixo, Munisípiu Díli, Símpliçio dos Santos, informa, mezmu autoridade lokal sosializa ona ba komunidade atu labele halo uma iha area Lagoa Tasi Tolu, maibé komunidade sira kontinua halo uma iha area refere.

“Depois ha’u hetan nomeasaun ba Administrador Postu Dom Aleixo, atividade iha Lagoa Tasi Tolu la’o tiha ona, maibé ita mós sosializa ona lei 33/2008 konabá hijiene no orden públiku para komunidade labele halo uma no hela iha area Lagoa Tasi Tolu ninian, na realidade komunidade kontinua halo uma iha ne’ebá,” Administrador Postu Dom Aleixo ba Grupo Média Nacional (GMN) iha ninia knaar fatin Fatuhada-Díli, Tersa (01-08-2017). Nia esplika, Administrasaun Postu Dom Aleixo no Suku Comoro kuandu halo kontrolu ba area Lagoa Tasi Tolu iha tempu loron, la haree komunidade halo uma, maibé kontrola iha dader uma balun komesa hari’i ona. “Ita hotu hatene katak lei hijiene no orden públiku númeru 33/2008, hateten katak rai ne’ebé maka protezidu ne’e, rai ida ne’ebé maka ita tenki fó atensaun di-diak liu-liu husi Governu, ne’e di larang keras komunidade sira halo atividade iha ne’ebá, tanba tuir informasaun ne’ebé maka ami simu area Lagoa Tasi Tolu ne’e tama ona iha planu Governu ninian,” dehan Símpliçio dos Santos. Nia akresenta, mezmu Administrasaun Postu Dom Aleixo ho Xefi Suku Comoro kontinua aviza atu komunidade labele hela iha area refere, maibé to’o ikus mai iha area Lagoa Tasi Tolu ne’e kuaje uma fatuk hotu no kuaje komunidade sira halo uma barak ona. “Komunidade sira hela iha area Lagoa Tasi Tolu ne’e, la’os iha tempu ha’u nian, maibé iha tempu Administradora Postu Dom Aleixo, Berta Santa Vieira ninian, maibé dau-daun ne’e ami relata ona ba Autoridade Munisípiu Díli atu haree ba kestaun ne’e,” haktuir Administrador Postu Dom Aleixo ne’e. Entretantu hafoin  notisia ne’e publika, GMN seidauk hetan konfirmasaun husi Diresaun Nasional Terras no Proprieridades (DNTP), Ministériu Justisa (MJ) ninian. ves

Lee hotu :   Manuel Monteiro, “CAC LAIHA NEHAN TATA KORUPTOR”

Add to Comments Here!!!!

error: Content is protected.
Secured By miniOrange
You might also like:
PM ALERTA 1 TO’O FORMA VII GOVERNU

Komandante Unidade Polísia   Militar (PM) Major...

TR KONDENA EIS SEOP DOMINGOS CAEIRO KOMARKA TINAN TOLU

Tribunal de Recurso (TR) kondena eis...

PARPOL 5 TAMA IHA NEGOSIASAUN FORMASAUN GOVERNU

Partidu politiku 5 ne’ebe liu bareira...

Close