JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KONFIRMA POVU NIA MEHI BA UKUN RASIK-ÁN

KONFIRMA POVU NIA MEHI BA UKUN RASIK-ÁN

Prezidenti Republika (PR), Francisco Guterres Lú Olo, liu husi ninia mensagen ba povu doben Timor Leste tomak katak loron referendu 30 Agostu 1999 nudar konfirmasaun povu ninia mehi ba ukun rasik – án.

Tanba momentu ne’e mak Organizasaun Nasoes Unidas (ONU) rekoñese povu Timor-Leste nia direitu ba auto-determinasaun no independénsia, liuhusi Rezolusaun ida, hasai iha 22 Dezembru 1975. Biar komunidade internasionál  rekoñese tiha ona, liu tiha tinan rua nulu resin haat, mak povu doben Timor Leste foin bele  ezerse  direitu ida ne’e.  Lú Olo fo sasin katak, biar referendu 1999 halo iha ambiente represaun no tauk nia laran, povu Timor-Leste, ho aten brani hakaat ba fatin votasaun, hodi fó-hatene ba mundu tomak, katak ninia vontade mak ukun rasik an. “Ita konsege duni ezerse direitu ida ne’e, liuhusi dalan Repozisaun Legalidade Jurídika Internasionál, hafoin luta naruk ida, nakonu ho povu ninia vontade no determinasaun atu ukun rasik-an. Votu ita-idak nian mak fó-sai vontade koletiva ida, povu tomak ninia hakarak ba rai doben ida ne’e. Referendu 1999, “ema ida, votu ida”, iha 30 Agostu, konfirma povu ninia mehi ukun rasik an, ne’ebé proklama  iha 28 Novembru 1975,” hatete PR  Lú Olo, liu husi mensagen ba nasaun ne’ebe GMN simu husi Gabinete Palasio Prezidensial nian, Kuarta (30/8/2017). Prezidenti Republika Lú Olo akresenta katak liu husi idak-idak ninia votus iha 30 Agostu 1999 nudar esperansa atu moris fila fali nudar povu no nasaun.   “Ita-nia  esperansa atu moris fila fali nu’udar povu no nasaun, ita hato’o liuhosi ita ida-idak nia votu, iha 30 Agostu. Iha tinan sanulu resin lima nia laran, hosi 2002 to’o ohinloron, ita moris ho dignidade no orgullu, ho ita-nia matenek rasik, ita-nia hakarak rasik, ita-nia hahalok rasik,” afirma PR Lú Olo.  PR Lú Olo relembra hikas ohin, hafoin tinan sanulu resin ualo, hanoin hikas loron istóriku ida ne’e, iha situasaun pós-eleisaun nia laran, ne’ebe hakarak moris nafatin ho dignidade no Orgullu.  “Ita hotu hakarak moris nafatin ho dignidade no orgullu, moris iha ambiente paz , justisa no estabilidade nia laran,  ho dezenvolvimentu ida ne’ebé fó dalan ba hotu-hotu moris di’ak liu no ba beibeik,” hateten L’u Olo. Rezultadu eleisaun fó-sai vontade maioria povu nian. Nune’e hotu- hotu tenke simu Governu ne’ebé harii tuir rezultadu eleisaun nian. Tanba ne’e, liuhusi karta komunikadu ne’e Prezidenti Republika Lú Olo husu ba povu tomak kontinua fo konfiansa ba ninia lideransa sira ne’ebe ukun rai doben Timor Leste, tanba ukun ne’e kontinua hatutan mehi no hakarak povu Timor Leste nian.  “Ita hotu tenke fó fiar ba ukun-nain sira, ne’ebé sei ukun ita-nia rai doben, tinan lima oin mai. Ukun ne’e sei hatutan mehi no hakarak  povu Timor-Leste nian, ne’ebé fó-sai iha 30 Agostu 1999, no hetan rekoñesimentu internasionál iha 20 Maiu 2002,”. Hateten PR L’u Olo. eus

Lee hotu :   KI SOSIALIZA REGULAMENTU BA MÉDIA NAIN NO JORNALISTA

Add to Comments Here!!!!

error: Content is protected.
Secured By miniOrange
You might also like:
Momento Histórico ba Povu Timor-Leste

LALAOK DESPORTU

GMNTV líu hosi Diresaun Produsaun produs...

SONIA MARTINS SOARES OFERESE MEDALIA BRONZE BA TIMOR-LESTE

Timor-Leste konsegue hetan medalia bronze primeiru...

Close