JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Jornalista TRANS7 ho MNC vizita GMN

Jornalista TRANS7 ho MNC vizita GMN

Jornalista nain rua (2) husi TRANS7, Jakarta-Indonesia, hamutuk ho jornalista MNC Group  nian ida husi Kupaung-Timor Osidental, Kinta (11/01/2018), halao vizita kortezia mai Grupo Media Nacional (GMN) hodi haree besik liu tan fasilidades ne’ebe mak fortifika servisu jornalistika GMN nian.

Grupo Media Nacional (GMN) nudar orgaun komunikasaun social privadu Timor oan nian, ne’ebe  iha ninia meus komunikasaun social lima (5), kompostu husi GMN-TV, Nacional FM, Jornal Nacional Diario, Jornal Nacional Semanario ho situs (online) www.gmn.tl.

Jornalista TRANS7 nain 2 ne’ebe vizita GMN mak hanesan Guntur  Arbiansyah nudar reporter investigativu ho Defries Tambunan no mos Stefanus Dile Payong husi MNC Group.

Prezensa jornalista nain 3 husi Indonesia nian iha GMN simu direitamente husi Xefe Redasaun GMN, Francisco Simões, ne’ebe akompaña mos husi Direktor Informasaun GMN, Fransedes Suni, Koordenadora jornal JNDiario ho JNSemanario, Embelina Amaral, Delfim de Oliveira, nudar Produtor no Realizador iha GMN-TV, Amincio da Cruz, nudar editor ho mos jornalista desporto GMN nian, Jimi Fernandes.

Jornalista TRANS7 ho MNC nian ne’e mos hetan biban naton vizita ba sala REJIE ne’ebe sai nudar fatin ba mistura no kontaktu ho aprezentadora sira iha Studio I ho Studio II GMN-TV, inklui mos vizita sala continiudade ka MCAR (Master Control Room).

Iha fatin REJIE ho MCAR nian, jornalista nian 3 husi Indoensia ne’e senti ‘apaixonado (tersanjung)’  ho fasilidades digital GMN-TV nian ne’ebe  avansadu tebes tanba mesak produtu Eropa nian. Durante minutu balun iha sala REJIE no MCAR akompaña husi produtor no realizador GMN-TV, Delfim de Oliveira ho mos Juanico de Araújo nudar tekniku continuidade.

Iha okaziaun ne’e jornalista TRANS7 ho MNC nain ne’e halo mos vizita ba studio I ho studio II GMN-TV nian, inklui halo vizita ba haree studio Nacional FM. Jornalista TRANS7 nain rua seluk, kompostu husi Guntur Arbiansyah ho mos Defries Tambunan, hentan oporunidade husi aprezentador nain rua Nacional FM nian, Agapito Galucho ho Domingas Texeira, hodi fo biban ba sira nudar bainaka espesial para kumprimenta povu Timor Leste liu husi anin Nacional FM iha frekuensia 101.1 Mhz.

Lee hotu :   Jornal Semanário GMNTV Edisaun 2 Setembru 2018

 “Diak ka lae povu Timor Leste,”. Ne’e mak lia makloke ne’ebe jornalista TRANS7 nian nain rua ne’e koalia iha lian Tetum wainhira hase maluk ovintes Nacional FM nian ho orgulhu no ksolok boot.

 “Ami apresia no orgulhu tebes bele hetan oportunidade  husi colega sira ne’ebe mak fo biban naton mai ami atu vizita redasaun GMN,” hateten Guntur Arbiansyah.

Haree husi fasilidades eletronika no digital ne’ebe mak GMN iha, tuir jornalista TRANS7 ho jornalista MNC Group ne’e katak, modernu tebes no kompara karik ho fasilidades studio televizaun balun iha Indonesia nian, maka GMN-TV ho Nacional FM nia fasilidades mesak moderna no avansadu iha era digital ne’e.

Husi fali aspeitu interior design ho lighting nian iha studio laran no redasaun, Guntur Arbiansyah, hateten, mirip-mirip televizaun swasta ida ne’ebe mos koñesidu iha Indonesia.

Sai ona lisan (kebiasaan) ba jovens sira ohin loron nian (anak-anak muda jaman now) wainhira vizita ba fatin historiku, inklui fatin ne’ebe bele sai nudar lembransa diak iha sira nia vida moris, maka la kompletu sira nia moris kuandu la halo foto selfie. Tanba ne’e, jornalista nain 3 husi TRANS7 ho MNC Group nian mos lakohi lakon opornudade hodi hasai foto selfie iha GMN, inklui  foto selfie ho colega sira jornalista GMN nian hodi sai hanesan lembransa ba sira nia atividades durante estadia iha Dili.

Prezensa jornalista nain 3 husi Indonesia ne’e iha Timor Leste atu halo aktividade jornalistika nian, liu-liu halo kobertura kona-ba dezenvolvimentu Timor Leste ho mos situasaun moris social no seguransa povu sira iha liña fronteira terestres TL-Indonesia iha Mota-Ain, inklui halo intrevista ho Ministru Defeza no Seguransa, José Agostinho Siquera “Somotxo” kona-ba politika defeza ho seguransa nian. sel

Add to Comments Here!!!!

error: Content is protected.
Secured By miniOrange
You might also like:
PN funsiona normal, laiha razaun ba disolve

Bloku Opozisaun Aliansa Maioria Parlamentar (BOAMP),...

Kazu agresaun fíziku Motael, Julio Hornay suspende ajenti PNTL

Komandante Jeral  PNTL, Komisariu Julio Hornay,...

João Câncio seidauk rembolsa indeminizasaun U$1.4 milhoens ba Estadu

Prizoneiru João Câncio to’o agora seidauk...

Close