JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ETBU halo kongresu ba datoluk hodi troka estrutura Organizasaun

ETBU halo kongresu ba datoluk hodi troka estrutura Organizasaun

Organizasaun Naun-Governamental East Timor Blaind Union (ETBU) ne´ebe halibur ema difisiensia matan halo kongresu hodi troka estrutura tuan ba jerasaun foun hodi bele halo mudansa ba Organizasaun no hadiak programa ETBU nian.

“ Ita hotu hatene katak iha Organizasaun ida ne´ebe hari´i kuando tinan 5 ona tenke halo mudansa ba iha estru-tura atu nune´e bele iha mudansa no hadia diak liu tan ita nia Organizasaun”, dehan Prezidente ETBU, Justinho Desterro Freitas, ba Jornalista sira iha salaun Pradet Hospital Nasional Guido Valadares, Dili, Sesta–feira (16/02/2018) ne’e.

Prezidente ETBU, haktuir jerasaun tuan hahu husi inisiu to’o ohin loron tempu to´o ona atu jerasaun foun bele kontinua programa ne´ebe iha ba oin, tanba servisu ne´ebe mak estrutura tuan halo ida ne´e efetivu ona.

Nia hatutan estrutura ETBU nian iha koloborasaun ho Diretor Ezekutivu no Membro BOARD sira hodi halo atividade ne´ebe mak iha relasaun ho difisiensia matan no fiar katak ho jerasaun foun ne´ebe iha sei bele hadia diak liu tan.

“ Ejistensia ETBU hari’i atu bele tau  matan ba ema difisiensia matan iha area rural tanba iha kapital Dili ita bele dehan 20 % sira bele ona partisipa iha atividade oi-oin hanesan iha eskola no eskola hodi bele atinje ona mehi ne´ebe sira hakarak, tanba ami iha motivasaun ida katak Organizasaun ne´e hari´i atu bele tau matan no eduka ema ho difisiensia liu-liu ba difisiensia ne´ebe mak ho problema matan, tanba sira mos hakarak lao ho direitu hanesan ho ema normal”, dehan Presidente ETBU, Justinho Desterro Freitas.

Justinho, dehan iha artigu 21 Konstituisaun hatete katak sidadaun hotu-hotu iha direitu hanesan atu partisipa iha area hotu no mos iha artigu 59 iha parte edukasaun hatete katak ema hotu hanesan no hola parte iha prosesu edukasaun nian, ho artigu sira nee motiva difisiente matan hari´i organizasaun ETBU.

Lee hotu :   Taur husu ba PR foun hakbesik povu

Organizasaun nee hetan apoiu Ministériu Solidariedade Sosial durante nee sufisiente ga la sufisiente ida ne´e Governu fo sira simu hodi halo programa, maibe iha komitemento ida katak labele hein atu husu deit ba Governu.

Iha fatin hanesan, Diretor Servisu Asistensia Sosial Ministériu Solidariedade Sosial (MSS), Mateus da Silva, hatete MSS hanesan parseiru diak ida ne´ebe mak durante ne´e kria politika no hamutuk ho sira halo dezenvolvimento ba iha sira nia Organizasaun hanesan ema ho difisiensia.

 “ Ministériu Solidariedade Sosial apoiu organizasaun sosial  sira ne´ebe mak servisu iha area difisiensia hahu iha tinan 2009 ate agora, ne´ebe ETBU mos hola parte ba iha orsamento apoiu Instituisional, entaun iha tinan 2017 MSS fo apoiu osan ba ETBU ho osan hamutuk  US$42.568, agora apoiu ne´ebe mak MSS fo hahu husi 2009, agora iha osan hamutuk US$18947, katak Governu liu husi MSS hamutuk nafatin ho Instituisaun sira seluk atu apoiu no suporta Organizasaun sira seluk ne´ebe servisu iha area difisiensia”dehan Mateus da Silva. Fel

Add to Comments Here!!!!

error: Content is protected.
Secured By miniOrange
You might also like:
AMANTE preokupa Boavista Timor F.C. tama 1º divizaun LFA

Assosiasaun Hadomi Futebol (AMANTE) preokupa ho...

KO identifika ema besik 1000 falsifika dokumentus

Komisaun Omenajen (KO), identifika ema besik...

JORNAL NACIONAL GMNTV Loron-16 Fulan-Fevereiru Tinan-2018

Close