JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Embaixada EUA fo treinamentu intelijensia ba investigador

Embaixada EUA fo treinamentu intelijensia ba investigador

Liu husi kooperasaun entre Comissão Anti Corrupção (CAC) no Embaixada Estado Unido America (EUA) iha Timor Leste, fo treinamentu kona-ba intelijensia kriminal ba investigasaun oinsa atu eleva formandu husi instituisaun 4 hanesan, Comissão Anti Corrupção (CAC),  Polísia Sientífiku Investigasaun Kriminal (PSIK) no PNTL Servisu Investigasaun Kriminal, atu eleva sira- nia koñsimentu no kapasidade hodi  kombate krimi iha rai laran.

“Ami hala’o abertura  ba  treinamentu iha segunda feira ne’e, ne’ebé hala’o durante loron 4 kona-ba Intelijensia Kriminal ida ne’e, iha ne’ebé servisu iha area  investigasaun ninian, no partisipante husi formasaun ne’e husi CAC hamutuk 24 no mos  instituisaun sira seluk” hatete Komisariu Adjuntu CAC, Rui Pereira dos Santos, ba Jornalista sira Segunda (19/03/18) iha Hotel Ramelau Dili.

Komisariu Adjuntu CAC ne’e afirma, formasaun kona-ba Kriminal Intelijensia ne’e fokus liu ba servisu investigasaun kriminal liu liu iha krimi kombate korupsaun ninian, maibe iha mos ligasaun ho krimi sira seluk.

“Ha’u hanoin importante tebes, formasaun ba iha area kriminal nian ne’e, atu nune’e bele hasae kapasidade no konesementu ita nia maluk sira liu liu funsionariu sira ne’ebé mak servisu iha area ida ne’e, liu-liu iha CAC, no formasaun ne’e mos la’os primeira vez, maibe EUA liu husi Embaixada Amerika iha Timor Leste hala’o bebeik ona,   no formasaun ba agora dadauk sei hala’o durante  loron 4 hahú husi Segunda no sei remata iha Kinta Feira semana ne’e,”dehan nia.

Tuir Diretor Jeral  Invetigasaun Kriminal CAC, Augusto da Costa Castro, nu’udar partisipante iha treinamentu ne’e realsa, formasaun refere organiza tamba iha kooperasaun entre Comissão Anti Corrupção  (CAC) no Embaixada Amerika iha Timor Leste.

Lee hotu :   Fila ba deputadu iha PN, Sosiedade sivíl konsidera CNRT proteje Kalbuadi

“Formasaun konaba Investigasaun Kriminal ne’e importante tebes ba iha servisu investigasaun kriminal nian, tantu CAC, Polisia, no ALFÁNDEGA, tamba ami-nia servisu lor-loron hala’o servisu iha investigasaun nian, no material refere, importante atu bele eleva kapasidade husi invetigador sira nian,”afirma Nia.

Enretantu  sorin seluk, Partisipante husi PNTL Servisu  Invetigasaun Kriminal Adjunta Xefi Unidade Narkotika, Teresinha Sousa, akresenta, treinamentu ne’e importante tebes, tamba ajuda fo kapasitasaun ba Polísia Invetigasaun Kriminal no mos Comissão Anti Corrupção, nune’e oinsa atu kombate  krimi korupsaun iha Timor Leste.

“Normalmente servisu  invetigasaun kriminal servisu hamutuk ho CAC, ha’u senti diak tebes liu liu  iha ezekuta mandadu husi Tribunal, Buska, Prensaun karik ruma ne’ebé mak presija ajuda husi CAC, no servisu investigasaun kriminal sempre prontu atu  ajuda CAC,”dehan Teresinha.Oly

Add to Comments Here!!!!

error: Content is protected.
Secured By miniOrange
You might also like:
Turista 600 vizita Timor – Leste

Turista 600 husi kontinente lima, Amerika,...

Ahi han uma ida iha Metiaut

Komunidade Metiaut, Posto Administrativo Nain Feto,...

Inaçio aprezenta empreza Noga ba Alkatiri

Vise Ministru Obras Publiku, Transporte no...

Close