JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Antisipa mosu manipulasaun iha EA, Kada sentru votasaun sei monta Vi-sat

Antisipa mosu manipulasaun iha EA, Kada sentru votasaun sei monta Vi-sat

Atu antisipa mosu manipulasaun iha Eleisaun Antisipada (EA), Governu liu husi Ministeriu Obras Públika Transporte no Komunikasaun (MOPTK), sei servisu hamutuk ho operador telekomunikasaun tolu, TT, Telemor no Telkomcel, hodi monta Vi-sat iha kada sentru votasaun hotu iha teritoriu nasional.

Vise Ministru Obras Públika Transporte no Komunikasaun (MOPTK), Inacio Moreira, hateten, objetivu husi monta vi-sat ne’e atu entidade hotu bele akompaña diretamente prosesu kontajen hahú husi inisiu to’o remata ho honestu no transparansia liu husi satelit husi operador 3 refere ne’ebé sei monta iha sentru votasaun hotu.

“Intensaun atu monta Vi-sat ne’e, atu ita bele akompaña direta, votus lolos ne’e hira, ema hira mak mai vota, sura los ne’e hira, hatama iha baze de dadus ne’e hira. Ne’ebé ami mos koordena ona ho operador tolu ne’e, nomos ho Diretor Jeral STAE hodi tau atensaun ba kestaun ne’e tanba iha sentru votasuan balun iha teritoriu Timor laran balun la asesu ba komunikasaun entaun ita presija tau ida ne’e iha atensaun,”Inacio Moreira, informa ba jornalista sira iha nia servisu fatin Caicoli, DIli, Tersa (24/4/2018).

Inacio haktuir, planu estabelsimentu Vi-sat ne’e atu fasilita diak liu tan sentru votasuan sira ne’ebé difisil asesu komunikasaun nune’e partidu politiku hotu bele asesu prosesu kontajen de votus.

“Ohin (Horiseik) trasportasaun ikus ba urnas, no Gabineti Vise Ministru MOPTK mos hetan ona orientasaun husi Primeiru Ministru, atu hala’o kooperasaun servisu ho operador tolu ne’ebé iha, nune’e sira sei ajuda instala sira nia Vi-sat temporariu iha fatin hotu-hotu ne’ebé sai hanesan sentru votasaun para partidu polítika hotu ne’ebé sei reprezenta iha sentru votasaun, para bainhira kuandu prosesu kontajen de votus ou prosesu eleisaun ne’e hahú to’o remata no to’o kontajen ne’e hotu, bele halo komunikasaun direta, formalmente ba iha STAE, ka ba iha nia partidu ne’ebé karik presija informasaun,”Inacio afirma.

Lee hotu :   Konstrusaun moru Dolok-Oan sei sobu

Alende atu entidade hotu bele akompaña direta prosesu hahú eleisaun to’o kontajen, instalasaun Vi-sat ne’e mos atu fasilita orgaun eleitoral sira la presija lori sai urnas sai husi sentru votasaun ida-idak.

“Ho maneira ida ne’e para ita bele organiza, tanba importante mak transparansia lolos ne’e halo oinsa para labele deskonfia malu, ita hein povu sei ezerse sira-nia direitu,”dehan nia.

Inacio subliña, instalasaun refere nu’udar maneira ida ne’ebé diak, tanba bele garante honestidade no tranasparansia prosesu eleisaun, nune’e tenki asegura.

Tuir Planu instalasaun ba Vi-sat ne’e sei hala’o molok eleisaun antisipada, nune’e, hahú inisiu bele akapta prosesu eleisaun hotu hahú husi eleisaun to’o prosesu kontajen remata.

Wainhira husu montante orsamentu ba instalasaun refere, Inacio hateten, ne’e parte investimentu operador hirak ne’e nian, nune’e sei la tau orsamentu espesifiku ba asuntu ne’e.

“Impaktu ba despeza públika mak ami koalia oituan, mas sira hateten ida ne’e parte investimentu sira nian, tanba normalmente investimentu balun bele kontinua to’o rohan laek, no balun tinan balun maibe ba operador tolu ne’ebé dadauk estabelese iha TL ne’e sei permanente,”dehan nia.Ola

 

Add to Comments Here!!!!

error: Content is protected.
Secured By miniOrange
You might also like:
Mari Alkatiri: Labele taka GAM iha nasaun demokrátiku

Primeiru Ministru (PM), Mari Alkatiri, hatete,...

Komunidade Aldeia Fatuk Laran halerik eletrisidade

Komunidade Aldeia Fatuk Laran Suku Balibo...

Alkatiri garante Fretilin manan mutlak iha EA

Sekretario Jeral  partidu FRETILIN,  Mari Alkatiri,...

Close