JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo: Hamutuk ho Governu sei garante direitu servisu ba sidadaun

PR Lú Olo: Hamutuk ho Governu sei garante direitu servisu ba sidadaun

Prezidente Repúblika (PR), Francisco Guterres “Lú Olo” kompromete atu  servisu hamutuk ho Governu, hodi garante direitu servisu ba kada sidadaun, tuir konstituisaun RDTL ne’ebé rekoñese no proteze direitu ba servisu, hanesan direitu ida ne’ebé ema hotu-hotu tenki iha.

“Iha loron traballador sira-nian (1/5) ha’u nuudar PR, hakarak hateten dala ida tan katak durante ha’u-nia mandatu, ha’u sei haka’as-an atu kumpri ha’u nia kompromisu servisu hamutuk ho Governu, atu promove polítika ekonómika  foun no polítika empregu ne’ebé hasa’e ba bei-beik inkluzaun sosiál, katak sei la hasees ema ida hosi direitu atu hetan servisu,”PR Lú Olo liu husi ninia komunikadu imprensa hodi komemora loron traballadores ninian, iha Palasiu Prezidensial, Bairo Píte, Díli, Segunda (30-04-2018).

Nia esplika, sé hakarak hamenus ki’ak no mukit, hakarak promove inkluzaun ekonómika juventude nian, hotu-hotu tenki servisu hamutuk atu haburas ekonomia sustentável no produtivu liu.

“Konstituisaun RDTL rekoñese no proteze direitu ba servisu hanesan direitu ida ne’ebé ema hotu-hotu tenki iha. Ha’u preokupa maka’as teb-tebes ho direitu ida ne’e. Ida ne’e tenke sai prioridade polítika ida ba ukun-nain sira, atu haforsa ekonomia  Timor-Leste, ita hotu tenki haka’as-an atu haburas ekonomia iha ita-nia rai, mezmu ita hasoru hela situasaun ida ne’ebé iha dezafiu ekonómiku boot, tanba ita seidauk iha orsamentu Estadu,” deklara PR.

Nia aprofunda liu tan, presiza traballadór Timoroan hotu ninia partisipasaun, tenki buka dalan atu hala’o polítika foun atu ema barak liu bele hetan servisu, tanba liu husi dalan ida ne’e maka bele hetan ekonómia ida diak liu no nasaun ida buras liu ba Timoroan hotu-hotu.

“Ida ne’e maka prioridade importante teb-tebes mai ha’u, maluk sira bele fó laran metin mai ha’u. Ita hotu-hotu nuudar  traballadór  sei  haka’as-an atu serví  diák liután ita-nia rai doben Timor-Leste,” hatutan PR Lú Olo.

Lee hotu :   Estrada urbana ba Sub-Regiaun tempu badak hahu konstruksaun Komunidade kontenti dezenvolvimentu Oecusse

Horiseik (1/5) sai loron ida ne’ebé mundu internasionál dedika ba traballadór, nune’e nuudar PR hakarak hato’o hako’ak boot ba maun-bin-alin sira hotu iha Timor-Leste no iha rai liur, hanesan iha Inglaterra, Korea du Súl, Portugal, Austrália no rai sira seluk, tanba liu husi hotu-hotu-nia kna’ar loron-loron maka haburas ba bei-beik ekonómia Timor-Leste.

“Ha’u saúda liu-liu maluk sira ne’ebé servisu hodi haforsa ekonómia sustentável, katak  atu la’o ho di’ak no ba bei-beik, ekonómia ida ne’ebé sei hasa’e valór servisu husi mane no feto iha ita-nia territóriu tomak iha foho, toos-laran, nátar laran no iha ofisina no empreza sira ne’ebé hari’i no haburas empregu iha ita-nia sidade laran,” relata Xefi Estadu ne’e.

Entretantu iha loron 1 Maiu (horiseik-red), Konfederasaun Sindikatu Timor-Leste (KSTL) ho traballador Timoroan lubuk ida, tantu traballador ne’ebé servisu iha instituisaun Governu, iha kompaña no empreza privadu sira, halo marsa ida iha kapital Díli, hodi demonstra direitu no dever traballadores ninian. ves

 

Add to Comments Here!!!!

error: Content is protected.
Secured By miniOrange
You might also like:
Komemora loron traballador, KSTL husu salariu minimu US $200,00

Selebrasaun loron mundial traballador iha loron...

HABURAS VIDA ESPIRITUAL GMNTV Edisaun 20

PD sei promove industria turizmu Liquiça

Presidente Partidu Demokratiku (PD), Mariano Assanami...

Close