JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MT-Diocese Díli sei regula pregrinu ba Ramelau

MT-Diocese Díli sei regula pregrinu ba Ramelau

Ministerio Turismo (MT) ho Diocese Díli sei fó sai deklarasaun konjunta atu regula vizitante sira ba Ilhas Na’in Feto iha foho Ramelau, tamba pregrinu balu hatudu jestu nebe ladun diak, soe foer arbiru iha fatin Santo no historiku nee hodi halo publiku preokupa.

Bispo Diocese Díli, Dom Virgílio do Carmo da Silva, SDB koalia lia hirak nee ba JN-Diário iha ninia servisu fatin Épiscopal Lecidere Díli, Kuarta-feira nee hafoin enkontru ho Ministru Turismo no Meio Ambiente no Ministerio Agricultura.

Dom Virgílio do Carmo dehan tan Diocese Díli servisu hamutuk ho Governu atu buka dalan oinsa hatuur regulamentu balun ne’ebé vizitante sira bele kumpre bainhira hakarak halo devosaun ba Nain Feto Ramelau.

“Ilhas Na’in Feto ne’ebé hatur iha ne’ebá (Ramelau), foho ne’ebé ema hotu-hotu hatene katak foho ás liu iha Timor-Leste nian. Ami atu fó hanoin ba malu konabá oinsa mak ita bele hadiak oituan konabá maluk sira ne’ebé mak ba vizita Ilhas Na’in Feto Ramelau, maibe tenke garante iha ambiente ne’ebé saudavel, tanba ne’e lakleur ami sei halo deklarasaun konjunta ida hanesan regulamentu ba vizitante sira,” haktuir Bispo Diocese Díli.

Iha fatin hanesan Ministro Turismo Manuel Vong haktuir, reuniaun ne’e koalia liu kona ba vizitante ba foho Ramelau ne’ebé fó efeitu negativu ba fatin turismo refere.

“Ami haree fatin ne’e, fatin turismo relijiozo no peregrinasaun ho parte Igreja, koalia konabá saida mak ami bele halo ho atuasaun ruma ba situasaun refere”, hatete Ministru Turismu, Manuel Vong.

Antes nee ONG Centru União Cultura Timór rekomenda ba Ministeriu Turismu atu dezenvolve  didiak fatin turizmu neebe hatuur ilas Nain Feto Ramelau núdar fatin turizmu Relijiozu.

Lee hotu :   UE oferese Euro 774.316 ba PDHJ

“Husu ba Governu atu dezenvolve seitor turismu atu bele fó rendimentu sustentabildade ba nasaun ninia futuru, liu husi halo peskiza ne’ebé klean liga ho socio no kultura ne’ebé konsidera potensia turismu,” sujere Sekretariu  Jeral  ONG-CEUNCUT, Albertino De  Araujo Magno Asa.

Tuir planu deklarasaun konjuta entre Diocese Dili, Ministeriu Turismu, Meio Ambiente no Ministerio Agricultura sei fo sai iha Kinta loron 14 fulan Juñu tinan ne’e. Ito

Add to Comments Here!!!!

error: Content is protected.
Secured By miniOrange
You might also like:
Lere: Polítiku sira tenki asegura VIII Governu ■Lakohi tan EA

Xefi Estadu Maior FALINTIL-Forsa Defeza Timor-Leste...

Arão Noe eleitu ba PPN ho pakote úniku ■Fidelis: Xanana-Taur renunsia normal

Deputadu bankada CNRT, Arão Noe, eleitu...

Senáriu Lay out V lejislatura, PD-FDD besik FRETILIN, PLP-KHUNTO rabat CNRT

Lay out sala plenária Parlamentu Nasional...

Close