JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

DAMB PREOKUPA KONDISAUN EDIFISIU A’AT

DAMB PREOKUPA KONDISAUN EDIFISIU A’AT

Diretor Agrikultura Munisípiu Bobonaro (DAMB), Adérito dos Santos, preokupa kondisaun edifísiu diresaun agrikultura munisipal ne’ebé grave, no menus fasilidade hanesan komputador no transporte.

Adérito dos Santos hato’o preokupasaun ne’e relasiona ho kondisaun edifisiu Ministeriu Agrikultura Munisipiu Bobonaro ne’ebé kondisaun konstrusaun hahú lahuk ona no difikulta pesoal sira atu hala’o servisu.

Kondisaun edifisiu ne’e iha parte kakuluk no bainhira tempu udan, sala sira labele utiliza tanba udan been nakonu.

“Edifisiu ida ne’e edifisiu antigu tempu Indonesia nian, ne’ebé konsege rehabilita iha tinan rihun rua hat, nia kondisaun ita boot sira haree nia kakuluk mos kuak hodi udan ben turu iha fatin -fatin,”Diretor Agrikultura Munisípiu Bobonaro, Aderito dos Santos, hato’o preokupasaun ne’e ba GMN iha nia servisu fatin Postu Administrasaun Maliana, Munisípiu Bobonaro, foin lalais ne’e.

Aderito subliña, servisu boot ba diretor ho nia funsionariu sira bainhira udan monu rai tanba laos deit preokupa ba udan turu iha fatin-fatin maibe tenki atrapailha hodi muda komputador sira ne’ebé mak edifisiu ne’e iha, inklui mos dokumentus importante balun ne’ebé tenki proteze.

“Ita iha forsa de trabailho ne’e ita iha 147 pesoal ho kondisaun edifisiu ne’ebé mak ita boot sira hare’e kuandu tempu udan ona ami tenki halo servisu boot tanba be turu iha fatin-fatin entaun ami tenki dudu meja iha fatin -fatin, komputador salva tiha ba fatin seluk, depois ho kuartu ho medidas hanesan ne’e ema nain 5 too nain 6 mak servisu iha laran,”dehan nia.

Diretor ne’e haktuir, ho kondisaun edifisiu ne’ebé mak dadauk sira infrenta difikulta tebes sira nia servisu liu-liu halo atendementu ba publiku.

Lee hotu :   PR PROMULGA DEKRETU LEI TAXA BA TRANSPORTE ESTRANJEIRO

” MAP munisipiu Bobonaru iha departmentu rua ho nia diresaun too postu no suku hanesan Deprtentu estensaun no Floresta neebe presija tebes ekipamentus maibe na realidade ekipamentus la too,”Aderitor haktuir.

Antes ne’e Diretor ne’e hato’o ona proposta ba Ministru Agrikultura no Peskas iha governu anterior no konsege lori duni ba aprezenta iha reuniaun Conselho Ministru maibe la pasa.

MAP Munisipiu Bobonaro kompostu husi departementu haat mak hanesan Departementu agrikultura Holti Kultura, departementu estensaun, departementu Floresta plantas industriais no peskas inklui pekuaria. Total funsionariu MAP iha Munisípiu Bobonaro hamutuk atus ida haat nulu resin hitu 147).Ola

 

Add to Comments Here!!!!

error: Content is protected.
Secured By miniOrange
You might also like:
PNTL SEIDAUK IDENTIFIKA AUTOR KAZU BEMORI

Segundu Komadante Policia Nasional Timor Leste...

GOVERNU PRESIZA FO ATENSAUN BA LABARIK ABANDONA ESKOLA

Espoza Prezidente Repúblika, Francisco Guterres ‘Lú-Olo’,...

F-FDTL REHABILITA EBF LAU-HATA HO US $ 31,857,40

FALINTIL Forsa Defeza Timor-Leste (F-FDTL) gasta...

Close