JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

DOM VIRGILIO HUSU INAN-AMAN HADOK OAN HUSI RANSU LIVRE  EMA 96 MATE HO HIV/SIDA

DOM VIRGILIO HUSU INAN-AMAN HADOK OAN HUSI RANSU LIVRE  EMA 96 MATE HO HIV/SIDA

Bispo Diocese Dili, Dom Virgilio do Carmo da Silva, SDB, apela ba inan-aman hotu atu kontrola oan sira nia ransu. Nune’e, oan sira la bele monu ba tentasaun ransu livre ne’ebe lori risku boot ba oan sira nia vida.

“Ita ema moris dala ida deit no sai joven dala ida deit, tanba ne’e, joven ita tenke hatene  kuida ita nia a’an no hatene prepara ita nia a’an ho diak,” afirma Dom Virgilio do Carmo da Silva, SDB, wainhira partisipa iha sosializasaun HIV/SIDA ne’ebe organiza husi Komisaun Nasional Kombate HIV/SIDA iha Salaun enkontru Diocese Dili, Tersa (31/07/2018).

Dom Virgilio afirma mos katak, Igreja kontinua tau matan ba joventude hodi fo apoiu ba atividades spiritual nian, maibe joventude tenke hatene kuida-an atu la bele monu ba ransu livre ne’ebe mak fasil hadaet HIV/SIDA.

Desde Timor Leste proklama nia independensia iha 20 Maiu 2002, persentazen numeru ema ho HIV/SIDA kontinua aumenta. Tuir dadus husi Komisaun Nasional Kombate HIV/SIDA nian katak, to’o oras ne’e Timor oan mak daet ona HIV/SIDA nain 753 no husi numeru ne’e nain 96 mak mate ona.

“Se ita Timor  nasaun ne’ebé ho populasaun 1.3 miloens deit, maka presentazen ema ho HIV/SIDA aumenta bei-beik bele sai kauza nasional no seriu tebes atu resolve emidiatamente,” hateten Dom Virgilio.

Don Virgilio agradese servisu Komisaun Nasional Kombate HIV/SIDA   ne’ebe kontinua halo sosializasaun ba komunidade ho joventude sira atu oinsa mak hadok an husi moras ne’ebe prezodika ema nia vida humana.

Secretario Exekutivu komisaun nasional Komate HIV/SIDA Daniel Marcal agradese kontribuisaun husi Bispo Diocese Dili nian hodi fahe informasaun ba jovens sira kona-ba perigu HIV/SIDA.

Lee hotu :   SEJD promete apoiu sentru produsaun Ai-Kulat Fatukeru Railaco

Nia dehan,  moras HIV/SIDA hanesan problema sosial ida ne’ebé lori konsekuensia ba ema moris, liu liu ba jovem sira tenke kuidadu a’an atu labelé kona-ba moras  HIV/SIDA ne’e.

“Ita koalia kona-ba moral presija  intervensaun husi igreja ne’e imporante, igreja kaer autoridade Maromak  oinsa atu konsensializa ita nia sosiedade ho liafuan Maromak nian” hateten Daniel Marcal. ety

Add to Comments Here!!!!

error: Content is protected.
Secured By miniOrange
You might also like:
PUDD DÚVIDA KAPASIDADE EZEKUTOR PROGRAMA GOVERNU ■PM KONTRA NIA KONSIENSIA

Deputadu bankada PUDD, , hateten, programa...

Jornal Semanário GMNTV Edisaun 29 Jullu 2018

Mundu ho Tétun GMNTV 28 Jullu 2018

Close