JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komunidade Laklo enfrenta hamlaha ■Governu seidauk fó apoiu

Komunidade Laklo enfrenta hamlaha ■Governu seidauk fó apoiu

Komunidade Aldeia Hatu-Ruin no Bahadik, Postu Administrativu Laclo, Munisípiu Manatuto, tinan tolu ona (2016-2018) enfrenta hamlaha, tanba natar hektar sanolu resin ualu hetan estragus total.

José de Jesus dos Santos, informa, tinan tolu ona sira labele produs hare hanesan tinan hirak ba kotuk tanba natar ne’ebé mak sira iha hetan estragus total husi mota Aileu nian ne’ebé akontese iha tinan 2016 liu ba.

“Ita bo’ot sira haree ho matan rasik, bee fahe tiha natar ne’e ba rua tiha, durante tinan tolu ona ami agrikultor sira labele halo natar tanba kondisaun natar agora sai ona raihenek,nu’udar ema agrikultor nia moris mak ne’e, mak natar ho toos, maibe natar agora labele halo tanba rai henek nakonu to’o iha foho leten neba mesak fatuk no rai maran, oinsa mak ami bele halo entaun populasaun iha suku hirak ne’e sei hasoru problema hamlaha”, José de Jesus dos Santos hateten ba GMN iha Natar Lakala, Aldeia Bahadik, Suku Laicore, Postu Administrativu Laclo, Munisípiu Manatuto, Sesta foin lalais ne’e.

José hateten, durante tinan tolu ona suku rua ne’e enfrenta rai hamlaha, tanba natar ne’ebé mak dezde uluk to’o agora fo moris ba sira, labele fo ona aihan ba sira, liu-liu hare ne’eb’e hetan estragus.

“Natar ho hektar 18 oras ne’e sai rai henek. Família ne’ebé mak asesu ba Natar ne’e la’os oituan kuaze 300 mak asesu, mas agora natar hirak ne’e iha balun mak sei iha rohan kiikoan-kiikoan hodi kuda hare maibe nia rezultadu mak ne’e isin laiha dut mak nakonu no aat liu tan mak balun sai maran de’it tanba be laiha”,José hateten.

Lee hotu :   g7+ konsege habelar paz iha nasaun konflitu sira  Mundu internasionál apresia TL

Iha fatin hanesan, Hermenegildo Soares, lia nain Aldeia Bahadik sente triste tanba akontesimentu dezastre natural mota bo’ot husi mota Aileu halo sira halerik aihan tanba labele produs hare maske iha komunidade ida ka rua mak konsege iha natar rohan balun hodi kuda hare maibe nia rezultadu ladun di’ak, tanba bee laiha.

“Iha família  balun de’it mak iha natar rohan, mas família  balun nia natar rai henek taka tomak, ne’ebé momentu akontese inan balun sai moras tanba natar ne’e tanba ami iha ne’e atu hetan hahan husi ne’ebé, se natar laiha? Ami-nia kabun mak ida ne’e, se natar ne’e laiha ami-nia bikan mos doku de’it ona”,Lia nain ne’e kolia ho triste.

Tuir Xefi Aldeia Bahadik, Alexandre Soares, katak, dezde inísiu natar refere hetan estragus, nia parte no komunidade iha suku rua refere hato’o ona proposta ba Autoridade Munisípiu Manatuto hodi hetan ajudus emerjensia liu-liu aihan no konstrusaun bareira ba mota husi Aileu ne’e maibe to’o agora laiha resposta.

“Proposta ami halo to’o iha Munisípiu mas nunka iha resposta. Sira bolu ami halo de’it entrervista dehan foti dadus mas nunka ida mai haree ho matan satan fo ajudu emerjensia nunka iha to’o agora, ami mos lakohi husu mas tanba ita bo’ot sira ami nia governu se ami-nia natar mak di’ak ami idak-idak halo, lakohi sateia ita bo’ot sira”,Alexandre dehan.

Hatan ba preokupasaun ne’e GMN tenta konfirma ho autoridade Munisípiu Manatuto Sekertariu Administrasaun Munisípiu Manatuto, Agripino Soares, maibe nia lakohi fo komentariu tanba seidauk hetan autorizasaun enkunatu Administrador Munisípiu Manatuto hala’o hela tratamentu saúde iha rai-liur.

Lee hotu :   Ema soe tan Bebé ida iha Fomentu

Tuir Observasaun JN-Diário ne’e nota katak situasaun ne’ebé akontese iha suku rua halo populasaun hamlaha los duni. Basá  alende sira-nia natar hetan estragus, situasaun seluk ne’ebé mak sira enfrenta mak iha suku rua refere mos dezde tempu Invazaun Indonézia to’o ukun-an seidauk asesu ba bee mos no saneamentu.

Timor-Leste bele akontese hamlaha

Nune’e mos, Prezidente Centro Logística Nacional (CLN), Agustinho Junior, hataten, Timor-Leste (TL), se akontese duni El Nino ka bailoro-naruk bele hamosu hamlaha, tanba produsaun agríkula  menus.

“Ita hatene bainhira El Nino akotese duni iha Timor-Leste sei fo impaktu bo’ot ba ita, agricultor menus hasa’e produsaun, ita mós gosta sunu rai ida ne’e fó impaktu ba ambiente”,hateten Presidente CLN, Agustinho Junior ba jornalista iha Farol Díli, Segunda (15/10/18).

Nia hateten, bainhira El Nino mosu presu fo’os sei sa’e tanba laloran tasi sa’e bo’ot sirkulasaun ró la hanesan normal, kuandu tasi sa’e bo’ot ne’e problema konsumu ai han iha laran, sasan tama mai mós menus ona, basá TL depende ba importasaun hahan hotu hotu  mai husi rai liur.

“Ha’u hanoin  ita presiza servisu maka’as liu tan hanesan ONG HASATIL tenke halo kampaña bo’ot para ema hotu fila fali ba to’os hodi hala’o servisu, agora dadaun ami halo hela kampaña nasional. Ami servisu hamutuk ho Heineken atu introduz serveza ida uza ai farina iha Timor, Governu sei servisu maka’as iha parte agrukultura nian hodi garante ai han lokal”tenik Agustino.

Antes ne’e Diretor Nasional Meteorologia no Geografika, Tenencio  Fernandes Moniz, hateten,Timor-Leste kategoria ba El Nino fraku, tanba ne’e husi parte  meteorologia no geografika semana-semana sempre halo update nia kondisaun.

Lee hotu :   LAIHA TRANSFORMADOR REZERVA, EDTL HAMATE AHI LORON TOMAK IHA DILI

Tuir prediksaun husi meteorologia no geografika udan be’en parte iha foho hahú iha fulan Dezembru, maibé parte norte udan be’en sei mai tarde.Ola/ety

Add to Comments Here!!!!

error: Content is protected.
Secured By miniOrange
You might also like:
TR kondena Francisco Borlaco kadeia tinan ha’at

Tribunal Rekursu (TR) hatun ona desizaun...

Mundu ho Tétun GMNTV 13 Outubru 2018

Na Ponta de Língua GMNTV,Eds 08

Close