JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Veteranu Ermera autoriza kompañia Shanghai rehabilita estrada Ermera-Fatubesi

Veteranu Ermera autoriza kompañia Shanghai rehabilita estrada Ermera-Fatubesi

Veteranu sira husi Munisípiu Ermera, Gleno, liu husi diálogu konkorda atu kompañia internasionál Shanghai-China, hala´o  rehabilitasaun estrada husi diresaun  Ermera Antiga ba Fatubessi ho ninia distansia 11 kilómetru.

Antes ne´e,  kompañia Shanghai  tama  halo survey estrada atu hala´o  rehabilitasaun ba estrada diresaun Ermera antiga liga Fatubessi, maibe kompañia lokal sira husi Ermera oan husu kompañia  ba Shanghai atu  involve iha seguransa hodi bele garante seguransa ba kompañia  ne´e nia  servisu, maibe kompañia ne´e la simu. Tanba ne´e kompañia lokal ho komunidade balun la simu desizaun Kompañia Shanghai ninian ne´e.

Tanba ne´e iha Sesta (23/11/18)  Diretor Nasionál Seguransa Rodoviariu Superintendente Assitente Ismail Babo, reprezenta  Ministério Interior organiza  Veteranu  Eduardo  Barreto “Dusae“ Ernesto Fernandes “Dudu` Antonio Lima-Lima, ho Sekretariu  Autoridade   Munisípiu Ermera Gleno  Danilo Osorio Maldino Babo, involve  PNTL Ermera Gleno hodi  hala´o diálogu ho  kompañia lokal  Ermera Gleno tun dereitamente ba iha Ermera Gleno hodi hala´ao diálogu ho kompañia lokal no kompañia Shanghai hodi rezolve tiha problema ne´e ne´e.

“`Depois  de diálogu husi dader to’o agora tanba problema komunikasaun no koordenasaun. Tanba  ne´e mak ami presiza esplika ba malu, balun  ho nerbozu, maibe liu husi diálogu ne´e ami konsege hetan rezultadu  ne´ebé mak diak. Nia rezultadu mak ne´e ami lori komunidade tomak Ermera nia naran konkorda atu kompañia Shanghai halo estrada diresaun Ermera Lama too Fatubess”,esplika Veteranus  Eduardo  Barreto “Dusae` liu husi konfrensia imprensa  Sesta (23/11/18) iha edifisiu CNE Munisípiu Ermera Gleno.

Alende ne´e Veteranus António Lima-Lima atual deputadu Parlamentu Nasionál  husi Bankada FRETILIN hateten,

“Ha´u mai reprezenta Ermera ha´u hetan konvokatoriu husi diretor Obras Públiku atu buka solusan. Problema  ne´e mosu  meus komunikasaun, mosu tiha maibe ami Ermera oan hahú  provoka malu  liu husi media, ohin ikus ami hetan ona akordu ida, iha  problema kikoan interna ami buka rezolve  problema sira hotu, liu husi diálogu, ami ijize kompañia oinsa mai ona hodi hahú ona servisu”,dehan Veteranus António Lima-Lima.

Lee hotu :   30 SETEMBRU LORON IKUS BA RE-REJISTRASAUN SIMCARD

António Lima-Lima, rekoñese  mosu  dezentendementu entre kompañia internasioál ho kompañia lokal, maibe dezententu ne´e iha de´it Ermera.

“Mas ami lakohi osan ne´ebé mak União Europea ajuda mai ami Ermera, ami lakohi husi monu ba rai de´it, lakohi husik ba munisípiu seluk, ne´e oprtunidade ida diak teb-tebes que ne´e la´os orsamentu Timor-Leste, orsamentu União Europea. Tanba  ne´e mak ami husu komunidade hotu, Veteranus hamutuk hodi dezenvolve Ermera”,dehan António Lima-Lima.

Nune´e mós Ernesto Fernandes “Dudu` hateten, dezenvolvimentu estrada iha Ermera antiga to´o Fatubessi ténki la´o.

“Maske ami koor ketak-ketak maibe ami ténki tane Ermera, importante mak estrada ne´e ténki hadia”,dehan  Ernesto Fernandes “Dudu`

Sorin seluk Diretor  Nasionál Seguransa Rodo Viariu Ismail Babo tatoli hela lia menon ba komunidade Ermera Gleno hodi husu ba ema hotu atu kontribui ba pas no estabilidade nune´e bele lori  dezenvolvimentu ba nasaun ne´e liu-liu  rehabilitasaun  Ermera Antiga  ba  Fatubessi.

“Nudar Ermera  oan, mensazen  husi Ministériu Interior hatoo de´it katak, d ezenvolvimentu ténki la´o, ne´ebé Ministru dehan Estadu-Estadu liga  ba dezenvolvimentu,  ita hotu-hotu kontribui husi pas no estabilidade”,dehan Ismail Babo.

Nune´e Komandante Operasaun Polísia Munisípiu Ermera Gleno Inspetor Xefe Mariano Martins  Soares hateten/ Polísia prontu fó seguransa ba rehabilitasaun estrada  husi Kompañia Shanghai China

“Ami hanesan Ermera oan ami ijize bainhira mak kompañia atu mai hadia ami ninia estrada,  ba  seguransa ami prontu  fó seguransa. tanba husi Suku sira ne´e konta husi Ermera antiga too Fatubessi hamutuk Suku 7, Ofisial Polísia Suku sira kolokokadu hodi asegura seguransa”,dehan Inspetor Xefe Mariano Martins  Soares.

Tuir planu obra ne´e sei hahú implementasaun iha tinan 2019, no sei gasta U$ 21 miloins.avi

Add to Comments Here!!!!

error: Content is protected.
Secured By miniOrange
You might also like:
Governu gasta USD 200.000 ba komemorasaun 28 Novembru

Komemorasaun ba loron 28 Novembru proklamasaun...

Hasoru natal-tinan foun, MCIA fa’an fós ho folin baratu

Atu antesipa folin foos iha Merkadu...

Dom Virgílio: Amu Papa fo prioridade liu ba nasaun frajil

Bispu Dioseze Díli, Dom Virgílio do...

Close