JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Durante loron Natál sidade Díli nakonu ho lixu

Durante loron Natál sidade Díli nakonu ho lixu

Maske Governu liu husi Munisípiu Díli, durante ne’e aluga kareta 40 hodi foti lixu iha kapital Díli, maibé loron ba loron volume lixu aumenta ba bei-beik.

Iha loron natal foin lalais ne’e, maske loron rua de’it (24-25), maibé sidade Díli hafalun ho lixu, tanba pesoal saneamentu sira ne’ebé durante ne’e foti lixu iha kapital Díli, feriadu.

Komunidade Vitalia Freitas, hateten, maioria komunidade iha kapital Díli preokupa ho lixu, tanba kuaze naklekar to’o estrada públiku.

“Volume lixu iha kapital Díli ne’ebé aumenta iha fatin públiku iha estrda ninin  hodi fó afeta ema nia saúde, liu-liu labarik ki’ik sira, tanba komunidade hela iha fatin seluk mós, mai soe lixu iha fatin seluk, nune’e foer aumenta tanba pesoal saneamentu sira mós seidauk foti, nune’e lixu loron ba loron aumenta ba bei-beik”, hateten Vitalia Freitas ba GMN iha Bebora Díli, Tersa (26/12).

Vitalia haktuir, hanesan komunidade, nia preokupa ho lixu iha kapital Díli, tanba kapital Díli mak sai kapital nasaun nian.

“Populasaun barak mak mai hodi buka nia moris no balu mai eskola, ne’eduni lixu  mós aumenta ba bei-beik, satan  pesoal saneamentu ferias hodi selebra loron santo natal ho familia sira”, katak Vitalia.

Nune’e mós komunidade Alito Gomes afirma, durante loron 3 ona pesoal saneamentu sira la foti  lixu iha Bairo sira iha kapital Díli. Tanba ne’e, nia  husu ba autoridade Munisípiu Díli atu kontiua foti lixu iha kapital Díli, nune’e labele afeta ba ema nia saúde.

SMD rekoñese menus pessoal saneamentu

Iha sorin seluk, Xefi  Departamentu Servisu Munisipal Agua Saneamentu no Ambiente, ka Saneamentu Munisipiu Díli (SMD),  Domingos Soriano rekuñese katak, volume lixu aumenta iha loron natal, tanba menus pesoal saneamentu atu rekolla.

Lee hotu :   Komunidade Laklo enfrenta hamlaha ■Governu seidauk fó apoiu

“Ami parte Saneamentu Munisípiu Díli, agora dadauk ne’e ami rekoñese katak,  ita hotu haree Munisípiu Díli ne’e, hahú fulan Novembru, to’o Dezembru tinan ne’e, kuaze atu nakonu ho lixu, tamba ne’e akontese iha tinan tinan,  lixu ne’e aumenta ba  bebeik, tinan ida ne’e a’at liu, ami ne’ebé servisu ne’e  kuaze raut lixu to’o labele, maibé ami ho esforsu aan. Ho kareta kontratu 40 ne’ebé iha, agora dadauk movimentu hela para redus lixu iha Díli laran”, dehan Domingos Soriano ba Jornalista GMN  iha nia kna’ar fatin Matadoru Díli, Kinta (27/12/2018).

Domingos mós rekuñese katak, difisil atu halo sidade Díli moos, tanba komunidade sira ne’ebé hela iha Díli ne’e, laiha konsensia.

Maibé Domingos dehan, sira sei halo nafatin esforsu atu bele redus lixu iha sidade Díli.

“Sé komunidade apoiu Governu, Díli laran sei menus husi lixu, maibé komunidade ladun apoiu, hakarak buat hotu depende ba Governu, ida ne’e mak agora dadauk akontese, lixu kontinua aumenta. Ida ne’e preokupasaun boot ida ba ita iha Munisípiu Díli, nomós tama ba natal no tinan foun  ne’e, ami bele dehan katak, natal no tinan  foun bele prezudika uitoan, tamba ho volume lixu ne’ebé makas tebes” katak Domingos.

Nia esplika, pessoal  saneamentu ne’ebé durante ne’e rekolla lixu hamutuk 160, no kareta kontratu   rekolla lixu hamutuk 40,  ne’ebé  oras ne’e dadaun ne’e iha. Entretantu,  pessoal saneamentu Munisípiu Díli hamutuk ema 200 resin.

Tuir Domingos, dadauk ne’e,   kareta 4 mak kondisaun  avaria hela, no seidauk hadia.aba/oly  

Add to Comments Here!!!!

error: Content is protected.
Secured By miniOrange
You might also like:
TDD aplika prizaun preventiva ba autor omisídiu iha Madohi

Tribunal Distrital Díli (TDD) liu husi...

Alkatiri ho Xanana laiha kontaktu dezde 2017

Prezidente Autoridade RAEOA, Marí Bim Amude...

Ramos Horta: Ha’u haree situasaun TL kalma

Eis Prezidenti Repúblika (PR), José Manuel...

Close