JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Reforma lejislativa sei hafasil vida moris sidadaun nian

Reforma lejislativa sei hafasil vida moris sidadaun nian

Ministru Reforma Lejislativa no Asuntu Parlamentar, (MRLAP), Fidelis Leite Magalhães, hateten, reforma lejislativa nia vantajen mak sei halo vida fasil ba sidadaun hotu, no empregadu sira, atu aponta ba kresimentu dezenvolvimentu ekonómiku no proteje direitu  fundamental sidadaun sira nian.

Fidelis esklarese kestaun ne’e, iha Semináriu Nasionál ne’ebé Governu halo iha salaun MSSI ne’e, ho tema kona ba  Reforma Lejislativa Judisiáriu  no Modernizasaun Administrativa hodi reforsa boa Governasaun, no kombate korupsaun iha Timor Leste.

“Palavra xave mak simplikasaun administrativa, reforma judisiária, reforma lejislativa, sei halo vida fasil liu ba ita nia sidadaun no empreza sira, tanba ita presiza iha reforma sira atu aponta ba  kresimentu dezenvolvimentu ekonómiku iha ita-nia rai laran, no protesaun ba direitu fundamentais ba sidadaun hotu.  Tanba ne’e mak reforma importante atu  lori vida fasil liu ba ita-nia sidadaun sira, selae atu trata surat  ida mós tenki hein to’o fulan tolu. Ho buat hirak ne’e, para servisu ne’ebé ita fornese ba ita-nia sidadaun fasil no lalais, nune’e bele redus tiha jestaun ne’ebé ladiak  no korupsaun, para hasa’e komplikasaun iha sistema”,hateten Fidelis Magalhaes ba Jornalista sira iha Salaun  Ministériu Solidariedade Sosial no Inkluzaun (MSS), Caicoli-Dili, Kuarta (19/12/2018).

Fidelis hatutan, semináriu nasionál ne’e, oportunidade ida di’ak tebes, tanba bele aproveita rekomendasaun sira ne’ebé iha, matenek no  diskusaun ne’ebé iha durante ne’e iha  ona, no haree fila fali ba inisitiva sira ne’ebé Governu anterior sira halo, para ba tinan 2019, tama ba faze implementasaun  reforma lejislativa ne’e.

“Buat ida naran reforma ne’e,  importante vontade polítika ba alokasaun  rekursu sufisiente,  para reforma sira ne’e bele akontese, VIII Governu  iha vontade  polítika, entaun  buat ne’ebé ita halo,  tanba ita hanesan nasaun foun, ida ne’e hanesan momentu oportunu ida para ita bele hadia buat  ne’ebé ita aprende ona, antes lisoens ne’ebé ladiak, ne’ebé ita presiza hadia”, realsa Fildelis.

Lee hotu :   Veteranu Osório ‘Mausoko’ : Labele fahe unidade Xanana - Lú Olo - Alkatiri -Taur

Nia haktuir, reforma lejislativa ne’e ba setór hotu, oinsa atu Estadu organiza nia a’an,  no oinsa mós estadu atu forñese servisu ba sidadaun sira.

“Tanba ne’e reforma ne’e iha oin rua, ida ba organizasaun Estadu ne’e  rasik, ida fali oinsa relasiona ho sidadaun nia moris, ne’ebé iha mós relasaun fundamental sidadaun sira-nian”, katak Fidelis.oly

 

Add to Comments Here!!!!

error: Content is protected.
Secured By miniOrange
You might also like:
Tempu la to’o responde preokupasaun deputadu

Primeiru Ministru (PM), Taur Matan Ruak,...

JORNAL NACIONAL GMNTV MEIU DIA, Loron-19 Fulan-Dezembru Tinan-2018

JORNAL NACIONAL GMNTV KALAN, Loron-18 Fulan Dezembru Tinan-2018

Close