JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kontratu Ana Gomes remata, Marvi desidi hili jestor foun

Kontratu Ana Gomes remata, Marvi desidi hili jestor foun

Estrela The Voice Portugal tinan 2018, Maria Vitória,  alias Marvi,  ofisialmente hapara kontratu Ana Gomes hanesan manajer ou jestor durante tinan tolu, hahu husi tinan 2017 to’o 2019.

Tuir Marvi, nia desidi lakohi extende jestor  Ana Gomes nia kontratu, tanba hakarak  hili fali jestor  foun hodi akompaña nia durante  hala’o nia servisu hanesan artista iha rai laran no rai liur.

“Liu husi   biban ida ne’e, ha’u hakrak agradese ho fuan ho laran tomak ba Aman Maromak, ne’ebé fó ona grasae mai ha’u, ne’ebé hamorin ona nasaun Timor Leste  liu husi prestasaun ne’ebé mak ha’u hetan iha eventu importante no expetakuler  The Voice Portugal,  ne’ebé mak nu’udar primeira vensedora ba tinan 2018. Hakarak informa ba Marvi Lovers, públiku média no entidades hotu iha teritóriu tomak katak, hahú ohin loron 29  fulan Janeiru, tinan 2019, kna’ar Sra. Ana Gomes nu’udar jestora ou manager para ou hakotu ona, no ha’u rasik desidi hili fali manager foun hodi troka hikas manager sesante, atu nune’e bele fasilita ha’u nia aktividade nu’udar artista iha TL nomós rai liur,”Maria Vitoria  Deklara  asuntu ne’e liu husi konferensia ba imprensa ne’ebé mak hala’o iha edifisiu Gembel Lecidere Díli, Tersa (29/1/2019).

Marvi hatutan, haree ba susesu ne’ebé mak ni hetan iha mundu artista nian, liu-liu iha kompetesisaun The Voice Portugal foin lalais ne’e, ni hakarak aproveita oportunidade  hodi fó sai ba públiku kona ba ni nia desijaun, no planu ba future.

Marvi mós hato’o agradesimentu ba rai lulik Timor, Estadu Timor Leste, Estadu Portugal, sidadaun Timor-oan tomak iha rai laran no estranjeiru, liu-liu ba artista famouza Marisa Ly, Kompañia Sem Vierra Unipesoal Lda, média lokal nasionál no internasionál inklui artista Timor-oan tomak, ne’ebé reprezenta husi Almamor, CNJTL, no seluk tan, ne’ebé mak durante ne’e fó suporta moral no finanseira iha eventu the voice  Portugal nian.

Lee hotu :   Loron Internasional Direitu Umanu, PR atribui premiu Sergio Vieira de Mello ba ema nain nen

Tuir Maria Vitoria, objetivu husi hapara Ana Gomes nia kontratu ne’ebé termina ona iha loron 29 fulan ne’e, la’os tanba  motivu seluk,  maibé tanba nia kontratu mak hotu duni ona.

“Laiha rajaun seluk tanba saida mak ha’u hapara,  maibé tanba buat hotu ita halo bazeia ba kontratu, entaun ita hapara mós bazeia ba kontratu ne’ebé mak iha katak, manager sesante nia kontratu  hotu duni ona, ita laiha intesaun seluk, tanba ne’e ha’u halo deklarasaun ba públiku katak, tanba ita hahú ho di’ak, entaun ita tenki para ho di’ak m’os, tanba ne’e ha’u hakarak hateten de’it katak, maske kontratu hotu ona maibé relasaun familia kolega no ema ne’ebé mak antes ne’e akompaña ha’u, ha’u sei nafatin kria relasaun di’ak ho nia, maske ha’u iha ona manager foun”, relata Marvi.

Iha fatin hanesan,  Prezidenti Almamor, Arick Way Watu, hateten, nia  apoiu  desizasaun saida de’it mak Maria Vitoria hili, liu-liu kona ba  hapara  kontratu  manager tuan,  Ana Gomes nian, ne’ebé mak hahú husi loron 29 fulan  Janeriu tinan 2019, no remata iha loron 29 Janeiru tinan ne’e.

Tanba atu  Maria Vitória  nafatin ejisti iha vida mújika, hanesan artista Timor-oan ne’ebé mak  kuiñesidu iha rai laran no rai liur, presiza  ema ne’ebé mak  badinas no matenek atu  akompaina hanesan manager.

”Hanoin saida de’it mak Marvi halo no desidi ami pronto para atu sai sasin saida mak Marvi ho nia Manager hakarak,   ami sempre suporta, tanba ne’e lalika dúvidas ho kontratu ne’ebé mak Marvi halo dadauk ho  Manager foun, Jessica Kawengian halo ami suporta”, katak Prezidente Almamor ne’e.

Lee hotu :   Dom Basilio fiar programa Governu aprovadu

Entretantu, Manager ka jestor foun Marvi nian,   Jessica Kawengian, hateten, nia seidauk bele ko’alia barak kona ba saida mak nia atu halo, tanba nia foin tama.

 “Tanba ha’u foin  tama, entaun ha’u seidauk bele ko’alia barak, maibé buat ne’ebé mak ha’u atu halo iha tempu badak mak, ha’u sei  haree no estuda fila fali kontratu sira ne’ebé mak Marvi hetan, ne’ebé to’o agora sei pendente, inklui ha’u sei loke fila fali komunikasaun di’ak ho The Voice Portugal, ida ne’e mak ha’u nia prioridade primeiru”, tenik Jessica.

Kontratu Jessica Kawengian nian,  sei hahú servisu hanesan manager Marvi nian hahú iha loron 29 fulan Janeiru tinan 2019, no sei termina iha loron 29 fulan Janeiru tinan 2020.

Partisipa iha konferensia imprensa ne’e, familia Marvi nian, Prezidente CNJTL, Prezidente Almamor, inklui artista junior no senior balun.ola

Add to Comments Here!!!!

error: Content is protected.
Secured By miniOrange
You might also like:
Kestaun MEJD hapara funsionáriu 273, KSTL hato’o keixa ba PN

Konfederasaun Sindikatu Timor-Leste (KSTL) hamutuk ho...

Eis PR Horta: Lalikan hanoin ba EA ■Laiha ema ruma fahe líder nasionál sira

Premiadu Nobel da Paz, José Ramos...

FRETILIN lamenta Xanana insulta PR Lú Olo

Bankada Frente Revolucionário do Timor-Leste Independente...

Close