JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ODS husu hanoin juventude nian ba dezenvolvimentu sustentavel

ODS husu hanoin juventude nian ba dezenvolvimentu sustentavel

Sekretáriadu Objetivu Dezenvolvimentu Sustentavel (ODS), kompostu husi Gabineti Primeiru Ministru (GPM), Ministériu Negósiu Estranjeirus no Kooperasaun (MNEK), Ministériu Finansas (MF) no seluk tan, konvida Juventude sira hodi husu sira-nia hanoin kona ba dezenvolimentu sustentavel ba Timor Leste, hodi halo hanesan relatóriu ida, atu ba aprezenta iha forum nivel  altu tinan 2019.

“Haree vizaun relatóriu nasionál kona ba ODS, ne’ebé Timor tinan ida ne’e ba aprezenta iha Nova Iorke, iha fulan Jullu tinan 2019, ho nune’e prosesu mak agora la’o dadaun, tenki konsulta ho parte interesada sira, tanba hanesan ita hatene, juventude  sira hanesan parte interesada ida ne’ebé importante tebes. Sei ita ko’alia kona ba dezenvolvimentu sustentavel ba saida mak ita halo agora,  bele asegura iha sustentabilidade atu aban bain rua, Timor-oan bele hetan benefísiu,  no liu-liu ba ita-nia jerasaun sira tuir mai, sira mós tenki hetan  benefísiu ne’ebé  di’ak, husi  saida mak ita halo agora”, hateten Enkaregadu Planeamentu Estratéjiku Jestaun, António Vitor ba Jornalista  sira iha Salaun Enkontru Ministériu Finansas, Kuarta (27/02/2019) Aitarak Laran Díli.

António haktuir, agora dadaun sira hala’o primeira faze konsulta ho juventude, maibé depois sira mós planeia ona , sei halo konsulta mós ba Komunidade sira iha Munisípiu seluk hanesan, Baucau, Likisa, RAEOA, Grupu Vuneravel sira, ho lider sira, atu fó hanoin hamutuk, hodi haree fila fali  prosesu implementasaun  dezenvolviementu sustentavel ne’e,  agora dadaun to’o ona iha ne’ebé.

“Meius ida mós hanesan halo fali reflesaun ba ita-nia aan, haree fila ba kotuk, saida mak ita halo ona, no ita haree ba to’o tinan 2030 saida mak presiza halo tan, importante mak ita tenki halo di’ak liu, no asuntu ne’ebé importante ohin mak foka liu ba ODS 16, ne’ebé ko’alia kona ba  paz, justisa, no instituisaun sira ne’ebé forte, tanba ida ne’e sai baze iha Timor di’ak tebes, tanba ita halo barak  iha área kona ba asegura paz, signifika ita iha esperensia barak atu bele fahe ho nasaun seluk”, relata  António.

Lee hotu :   ASRRD hakarak kombate risku dezastre iha TL

Iha fatin hanesan, Alcino da Silva hanesan partisipante nomós juventude ida, hatutan, sira reprezenta juventude seluk ne’ebé la partisipa iha konsulta ba dezenvolvimentu sustentavel  ne’e, ne’ebé ko’alia liu kona ba, oinsa mak joven nia partisipasaun iha  dezenvolvimentu ida agora justisa  no dame,  programa dezenvolvimentu sustentavel.

“Iha konsulta ne’e rasik, ita presiza apela informasaun ne’ebé di’ak, tanba informasaun hirak ne’e, atu prepara ba futuru nasaun nian, tanba ita presiza halo saida ba ita-nia rain, hahú  agora no ba oin, no problema saida mak ita haree dadaun  hanesan, joven tenki buka solusaun  saida, para bele minimiza problema hirak ne’ebé labele akontese iha futuru”, katak Alcino.oly

 

Add to Comments Here!!!!

error: Content is protected.
Secured By miniOrange
You might also like:
TL partisipa kampionatu atletizmu sudeste aziátiku Filipina

Timor-Leste (TL) sei partisipa South East...

Rama ambon alarga ona ba Munisípiu, Feto ida hetan hana iha Viquque

alarga ona ba Munisípiu. Tanba  ne’e ...

Númeru moras dengue sa’e ba 80, hamate ona labarik ida

Diretora Saude Munisípiu Díli, Agustinha da...

Close