JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN konkorda reativa GAM ho lei rigorozu ■Tenki organizadu no promove paz

PN konkorda reativa GAM ho lei rigorozu ■Tenki organizadu no promove paz

Bankada sira iha Parlamentu Nasionál (PN), konkorda ho ideia Prezidente Repúblika, Francisco Guterres ‘Lú Olo’, nian atu reativa hikas Grupu Arte Marsiál (GAM), maibé ho regra ida katak, GAM sira ne’e tenki organizadu hanesan desportu ho misaun atu promove paz no promove nasaun ba mundu, la’os atu estraga.

Xefe bankada UDT no Frenti Mudança, Gilman Exposto hateten, nia konkorda atu reativa AM, maibé tenki organiza an hodi labele estraga malu.

“Artemarsiál ne’e sei uza hanesan desportu ha’u konkorda, maibé sei uza ba ameasa malu, ida ne’e tenki hanoin didi’ak, maibé reativa hanoin la’os problema, importante mak Sekretáriu Estadu Juventude Desportu, tenki servisu maka’as hodi organiza atu nune’e kada organizasaun arte marsiais ne’e, tenki iha responsabilidade, ema ne’ebé responsavel ne’e tenki ezije nia responsabildade, atu nune’e bele kontrola, sei ita husik hela de’it hanesan agora, ema hotu halo konforme nia hakarak, ida ne’e difisil ita atu kontrola”,hateten Xefe bankada UDT/Frente Mudansa, Gilman Exposto ba jornalista iha PN, Segunda(11/02/2019) ne’e.

Tuir Xefi Gilman, maske reativa maibé, tenki iha lei ruma ne’ebé rigorozu atu bele sai hanesan nehan ne’ebé forte hodi tata aktu organizasaun sira nian.

“Tenki iha lei ruma para bele hametin instituisaun ne’e ninia knár, nune’e mós bele sai responsabilidade husi dirijente sira, labele deklara aan dirijente, maibé to’o problema laiha ida mak ba aprenzenta aan dirijente”, katak Gilman.

Alende ne’e, Xefi bankada Partidu Demokrátiku, António da Conceição mós, apoia ideia Xefi Estadu nian atu reativa artemarsiais, maibé tenki limite grupu ne’ebé la organizadu no grupu ne’ebé arte ritual, labele inklina.

Lee hotu :   KI aprezenta preokupasaun jornalista ba PR

“Prezidenti Repúblika nia hanoin ne’e di’ak, maibé ba ami tenki limite, tenki estuda ema nia misaun, vizaun no ezistensia grupu ne’e nian, no karakter líder ne’e rasik, atu lori organizasuan ne’e ba ne’ebé, la’os grupu uza buah malus hotu, to’o mai mak konfuzaun, balun dehan katak, ita tenki haree ba arte marsiais ne’e, arte kulturais nian, katuas sira iha foho ne’eba, kuandu halo sira nia arte rituais ne’e, la’os atu baku malu, sira-nia arte rituais ne’e atu fó solusaun ba problema, maibé ita ko’alia kona ba arte marsiais ne’e ko’alia fali ba grupus, ida ne’e ladun di’ak”, relata António.

Tuir António, Prezidente Repúblika nia mensajen ne’e, hanesan ho partidu polítiku sira-nia mensajen durante kampaña katak, apoiu atu reativa hikas arte marsiais, maibé arte marsiais ida ne’ebé Prezidente Repúblika hanoin, Estadu no Governu hanoin ne’e mak arte marisiais.
“Ida lori ita ba desportu aumesmu tempu atu haree mós oinsa mak atu bele promove desportu hanesan meius de deplomasia, atu bele halo relasaun entre nasaun sira mós, bele lori mós nasaun nia bandeira ba iha liur, ne’e mak intendimentu kona ba reativa arte marsiais, iha kontestu atu promove ita-nia paz iha rai laran”, katak António.

Maibé reativa ho kontestu ida dehan katak, grupu ne’ebé mak halo kontestasaun ba malu, selae prejudika nasaun nia vida.

António fó ezemplu katak, hanesan nasaun Singapura, uluk bainhira hahú iha faze ida ne’ebé mak liberta aan, arte marsiais kaer katana, polísia mós kaer katana.
“Maibé ita-nian iha ne’e laiha, ita nia direitus humanus, polísia labele atua demonstrasaun, labele viola ida ne’e, ida ne’eba, entaun ita husik bandalismu la’o, ida ne’e mak labele”, relata António da Conçeição.

Lee hotu :   FUNSIONAMENTU SENTRAL ELÉTRIKA BETANO PARADU

Tanba ne’e, António sujere atu halo kontrola másimu, bainhira reativa hika’as arte marsiais, no tenki grupu ne’e nia orijinalidade.

“Grupu ida des-organizadu ne’e, tenki kontrola, forma ida atu kontrola mak halo nia lakon tiha lai mak nia bele renova fali ninia ezistensia ne’e, sei ha’u mak iha Governu, prefere taka, sei loke ne’e tenki klaru, vizaun, misaun, iha ne’ebé no halo saida, ne’e tenki husu, atividade sosial ne’e non-profit ka profit, área organizasaun humanitáriu ka sivíl militar ka, buat sira ne’e tenki husu, para bele minimiza problema”, dehan António.

Xefi bankada Partidu Demokrátiku ne’e esklarese, Governu labele bandu de’it, maibé bandu ho sentidu tenki husu didi’ak, hatene orientasaun mak bele loke, tanba nasaun presiza la’o ba oin ho hakmatek.

Alende ne’e, Prezidente bankada komisaun B, asuntu Defeza no Seguransa, Adérito Hugo mós konkorda atu reativa arte marsiasia, maibé tenki organizadu iha kondisoens.

“Ha’u bele konkorda liafuan sira atu reativa ou la’e, maibé tenki iha regulamentasaun, organizasaun ida eziste iha nasaun ida ne’e, tenki organizadu, tenki iha estatuto no responsavel, para akontese buat ruma liga ho organizasaun ne’e ho nia atributu, Estadu tenki hatene se mak atu responsavel ba organizasaun sira ne’e, ida ne’e mak atu regula ne’e, reativa ho kondisoens ne’e mak ida ne’e, atu ita haree katak, organizasaun ne’e organizadu, labele dez-organizadu, nasaun tenki funsiona hanesan ne’e, labele iha organizasaun ida moris tuir nia hakarak”, relata Aderito Hugo.

Atu reativa ou la’e ne’e, tenki haree ba progresu husi komisaun sira ne’ebé estabele ho akordu ne’ebé iha ne’e to’o ne’ebé ona, problema nia hun ne’e iha saida, tanba iha kampaña eleitoral, partidu hotu-hotu komprometidu atu reativa, inklui partidu hirak ne’ebé hetan asentu iha PN, maibé reativa ho kondisaun, labele reativa por reativa de’it.

Lee hotu :   ARNLV-Governu sei identifika veteranu falsu

Eis PPN ne’e afirma, kestaun arte marsiais ne’e, la’os kestaun foun ida, desde Governu anterior to’o IV Governu konstitusional, halo ona jestaun lubuk ida liga ho akontesimentu sira kuaze teritóriu Timor laran tomak.
“Iha 2017 ita upgrade tiha lei ida arte marsiais ne’e, iha lei númeru 5/2017, no harí KRAM, tutela ba Sekretariu Estadu Juventude no Desportu, kualker hanoin konseitu saida de’it mak uza ba prátika arte marsiais, preve ona iha lei nú 5/2017 ne’e, lei ne’e regula konaba ezistensia artemarsiais sira ne’e”,afirma Adérito Hugo.

Adérito Hugo realsa tan, Komisaun Reguladora Arte Marsiais (KRAM) iha kna’ar ne’ebé hatu’ur iha rekezitus lei númeru 5/2017 atu bele identifika no rejista grupu arte marsiais hotu.

Tanba Aderito esplika, iha KRAM ne’e mós iha rekezitus ida atu rejista organizasaun sira, identifika fatin atu halo treinamentu ka prátika artemarisiais nian, KRAM halo apresiasaun no posilibidade fatin ne’ebé hetan autorizasaun.say

Add to Comments Here!!!!

error: Content is protected.
Secured By miniOrange
You might also like:
Membru Governu inkompletu implika ba ezekusaun OJE

Ministru Reforma Lejislativa No Asuntus Parlametares,...

Arão Noe: Laiha dalan ba hadia LAP

Prezidenti Parlamentu Nasionál (PN), Arão Noé...

DIA 10/02/19 || GMNTV LIVE STREAM || DADER KMANEK

Close