JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEPS: Pasajeira bis Perekiki Loisae buka seidauk hetan

SEPS: Pasajeira bis Perekiki Loisae buka seidauk hetan

Sekretáriu Estadu Protesaun Sivíl (SEPS), Alexandrino  de Araújo Xavier, informa katak, pasajeira feto ida deskonfia lakon iha bis Perekiki Loisae-Suia iha mota ulun Comoro  iha  semana rua liu ba, to’o oras ne’e Bombeiros  buka seidauk hetan.

“Tanba ne’e apelu ba família  no autoridade lokal sira no pasajeiru rasik, atu justifika lolos motorista ho ajudante, ema iha bis laran ne’e nain hira?, inklui ferik  ne’ebé deskonfia lakon to’o agora,  depois de pasajeiru  mensiona ferik ida iha bis laran, dehan ferik ne’e lakon, maibe to’o ohin loron laiha informasaun ruma mai  ita, husi Bombeiros. Tanba  ne’e  husu ba motorista nomós ajudante atu bele identifika lolos ema  hira mak  iha kareta laran. Agora   pasajeiru nain 13  iha bis laran salva  hotu”,esplika  Alexandrino  de Araújo Xavier , ba GMN, Kinta (28/02/19), iha Caicoli Díli.

Alexandrino  de Araújo Xavier, hatutan, iha informasaun bar-barak mak koalia dehan tenkiser buka ema ne’ebé lakon iha bis laran ne’e, maibe   komunidade balun dehan la presiza buka, tanba  dehan pasajeira  ne’e rai nain karik.

Enkuantu bis  Perekiki Loisae mout iha mota ulun Comoro,  tanba motorista indisiplinadu hodi obriga tama maske volume bee maka’as los. Tanba ne’e operador ba eskavadór José Agusto Tilman ho aten  brani tama ba mota laran hodi evakua pasajeiru nain 13 husi bis laran sai ba rai maran.

Oras ne’e dadauk pasajeiru hirak ne’e fila ona ba ida-idak ninia uma iha Munisípiu Covalima.avi  

 

Lee hotu :   Dom Basílio: Ratifika tratadu FM importante ba Timor-Leste

Add to Comments Here!!!!

error: Content is protected.
Secured By miniOrange
You might also like:
Governu inaugura ekipamentu sistema alerta Tsunami

Ministra Solidaridade  Sosiál  Inkluzaun  (MSSI), Armanda...

Komemora loron veteranu ba dala 2 SMD sei hala’o atividade doasaun ran

Atu komemora loron Veteranu  ba dala...

Deputadu Hugo sai arguidu ba krime furtu

Membru Parlamentu Nasional  husi bankada CNRT,...

Close