JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Autoridade Lokal Comoro preokupa, Komunidade na’in 12 hetan moras -HIV /SIDA

Autoridade Lokal Comoro preokupa,  Komunidade  na’in 12 hetan moras -HIV /SIDA

Xefe  Suku Comoro, Eurico Guteres da Costa de Jesus, preokupa maka’as tanba komunidade Comoro na’in sanolu resin rua (12)  pozitivu hetan moras HIV / SIDA.

Tanba ne’e, Eurico husu ba Komisaun Nasional Kombate HIV/SIDA atu kontinua sensibiliza informasaun to’o iha  Aldeia sira.

Eurico  Guterres  da Costa de Jejus, senti preokupa tebes ho informasaun husi parte kompetente ne’ebé hateten katak, komunidade Suku Comoro  iha ema na’in 12 mak identifika hetan moras HIV/SIDA.

 “Ha’u senti preokupadu tebes ho númeru moras  HIV/SIDA ne’ebé agora dadaun ejiste iha ita-nia ra’in, tanba tuir dadus ne’ebé mak ohin Komisaun Nasional Kombate HIV/SIDA fó katak,  númeru moras refere iha teritóriu Timor Laran ne’e, na’in 873 ona no husi Suku Comoro rasik ema na’in 12 mak hetan ona moras ne’e,  ida ne’e preokupasaun bo’ot ida mai ha’u hanesan lider Komunitária, no saida mak ha’u tenki halo mak, ha’u sei kontinua husu ba KNK HIV/SIDA atu kontinua sensibiliza informasaun ba ha’u nia komunidade, liu-liu joven sira atu bele prevene aan husi moras refere”, hateten   Eurico Guterres da Costa de Jesus ba Jornalista sira hafoin partisipa sensibilizasaun Informasaun kona ba moras HIV/SIDA iha  Sede Suku Comoro Díli,  Kuarta(24/4/2019).

Eurico haktuir, moras refere hanesan inimigu bo’ot ida ne’ebé la’os foin planu atu tama iha TL, hodi oho ita-nia ema, maibé iha dadauk ona iha TL ne’ebé mak alende fó ona ameasa ba  Timor-oan lubuk ida, HIV/SIDA mós oho ona Timor oan balun.

Tanba ne’e atu luta hasoru inimigu refere, hanesan lider komunitária, sei buka meus oinsa  servisu hamutuk ho KNK –HIV/SIDA, no mós parte hotu atu  kontinua sensibuliza ba komunidade kona ba kauza husi moras refere, no oinsa atu prevene moras refere.

Lee hotu :   Hasoru natal-tinan foun, MCIA fa’an fós ho folin baratu

“Moras ne’e hanesan inimigu bo’ot ida ne’ebé oras ne’e dadaun tama ona iha ita-nia ra’in, ne’ebé atu molok hamate ita-nia ema lubuk ida, ita  tenki halo esforsu hotu hodi maske neneik, maibe hahú minimiza númeru envolvimentu ema iha aktividade ransu livre, nune’e bele hamenus númeru moras refere mós”, katak Eurico.

Preokupasaun hanesan mós, hato’o husi Nito Emilio, juventude Suku Comoro  katak, pasiente moras HIV/SIDA ho númeru bo’ot ne’e, sai preokupasaun bo’ot ba komunidade ih suku refere. tanba ne’e komunidade, liu-liu joven  sira iha Suku refere tenki matenek  no kuidadu aan husi ransu livre,  nune’e bele prevene aan husi moras ne’e.

“Númeru ne’ebé mak ohin KNK –HIV/SIDA mensiona ne’e, númeru ne’ebé bo’ot,  la’os  husi rai liur, maibé iha ita-nia rai laran, ne’ebé mak maioria labarik ki’ik oan ho idade tinan sanolu resin lima ba leten, ida ne’e preokupasaun bo’ot ba ami, tanba ne’e ba ami hanesan joventude ne’e sensibilizasaun hanesan ne’e importante tebes”, katak Nito Emilio.

Enkuantu, Diretur Prevensaun HIV/SIDA, Venancio Coelho promete, ho númeru moras HIV/SIDA ne’ebé mak kontinua aumenta, mak KNK HIV/SIDA,  sei kontinua halo sensibilizasaun iha  Munisípiu, Suku no Aldeia, inklui eskola sira no mós Universidade  atu nune’e maske neneik, maibé bele minimiza  númeru moras refere.

“Dezaminasaun informasaun kona ba kauza no oinsa nia prevensaun ne’e, papel husi KNK –HIV/SIDA nian, tanba ne’e ohin ita iha Suku Comoro tanba ita hetan kooperasaun di’ak tebes ho ita-nia lider komunitáriu sira, tanba ne’e ohin partisipa iha sensibilizasaun ida ne’e mai husi komunidade ho idade oi-oin, husi inan aman,  foin sa’e no mós estudante sira. Ida ne’e signifika katak, sira iha interese duni atu asesu informasaun kona ba moras refere, tantu kona ba hahalok oinsa transmisaun moras refere, entaun sensibilizasaun ida ne’e ita la’os halo iha loron ide ne’e de’it, maibé ita mos sei kontinua halo”, hateten Venancio.

Lee hotu :   FRETILIN: Tenki fó atendimentu espesial ba Soekarno

Total pasiente ne’ebé mak identifika positivu hetan moras HIV/SIDA hamutuk na’in 873, husi númeru ne’e, nain atus tolu nolu resin tolu  halo hela tratamentu iha fasilidade saúde, na’in atus ida sanolu mate  no na’in atus hat tolu nolu  la envolve iha rejistu tratamentu.ola

Add to Comments Here!!!!

error: Content is protected.
Secured By miniOrange
You might also like:
Simitériu Garden of Rememberance Australia sai referensia ba TL

Sekretáriu Estadu Asuntu Kombatente Libertasaun Nasional,...

Obriga Austrália selu millaun USD100 ba TL, PN: Relasaun amizade bele rezolve

Tuir informasaun husi Jornal The Guardian...

Lere konkorda treina F-FDTL priense servisu PNTL

Xefe Estadu Maior Jeneral Falintil- Forsa...

Close