JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ezistensia MedSos sai dezafiu, PPN enkoraja jornalista esforsu liu tán

Ezistensia MedSos sai dezafiu, PPN enkoraja jornalista esforsu liu tán

Prezidente Parlamentu Nasionál (PPN), Arão Noe de Jesus da Costa Amaral, enkoraja jornalista no sira iha Timor-Leste (TL), atu esforsu maka’as hodi serví públiku ho informasaun ne’ebé loos, maske ezisténsia Media Sosial (medos), nu’udar dezáfiu ba jornalista no média sira, tanba tenta hamate meius komunikasaun social, hanesan média imprime, radio no televizaun.

“Ita hotu hatene katak, informandu foun ida mundu kona-ba, esbansaun husi média sosial, ne’ebé kuaze atu hakoi tiha média sira, hanesan jornal, rádio no televizaun, no média sira seluk. Informasaun hanesan, Facebook, twiter, no seluktan, hamosu dezafiu ba servisu jornalista nian,

iha assembleia jerál ida união inter-parlamentar iha Genebra, nasaun 150 foti tópiku ida ne’e hanesan preokupasaun mundial, ba asuntu ida ezisténsia média sosial nian, buka para oinsa atu regulariza, tanba meiu komunikasaun sosial iha lei ida para regulariza, maibé média sosial husik livre de’it, lahatene se mak atu kontrola, dalaruma ida ne’e mak sai dezafiu média komunikasuan sosial nian, ne’ebé estruturadu, organizadu no ho kedas kontrolu husi konsllu imprensa. Tanba ne’e Timor-Leste mós preokupa oinsa para regulariza ezisténsia média sosial, rede sosial sira ne’ebé iha, hanesan Estadu demokrátiku, ita hotu moris iha Estadu ida ne’e, tenki hakruk no organizadu ba konstituisaun no lei, nune’e ema hotu ne’ebé moris iha Estadu ida ne’e, tenki regularizadu, hanesan konstituisaun artigu 41 ba liberdade imprensa no artigu seluk ne’ebé kona-ba liberdade espresaun, depois ita tenki konjuga hamutuk, atu nune’e proteje sidadaun hotu iha Estadu direitu demokrátiku nian”, hateten Arão Noe, liu hosi nia diskursu, bainhira partisipa iha Konferensia Internasionál Díli Dialogue Forum, iha Salaun São José Katedral Vila-Verde Díli, Kinta(09/05/2019) ne’e.

Líder órgaun lejizlador ne’e rekoñese, tinan sira ikus ne’e ho ezistensia média sosial, halo ema hotu senti no konsidera medsos mak fatin informasaun ne’ebé lais no loos liu, maske medsos rasik laiha ema kontrola no la estruturadu, inklui laiha baze legal ruma hodi regula, maske rede sosiail publika informasaun ne’ebé defama no estraga ema seluk nia privasidade, inklui provokasaun ne’ebé tenta hamate unidade nasional.

“Ezisténsia média sosial ni’an iha tinan 10 ikus ne’e, sai fali fonte atu hetan informasaun nian, ne’ebé laiha serteza katak, informasaun sira ne’ebé habelar ka hetan husi medsos ne’e loos duni kalae, informativu kalae, maibe informasan medsos nian, latuir padraun jornalizmu nian”, katak PPN ne’e.

Arão Noe afirma, realidade ne’e hatudu katak, média sosial mak sai fonte informativu ne’ebé loos ba sosiedade, no média sosial mós sai fatin atu halo informasaun falsu, buka azitasaun no hatun malu, hatun ema nia dignidade no ataka ema nia privasidade, no defama ema.

Lee hotu :   Governu presiza tetu rekruta F-FDTL priense servisu PNTL

“Fenomena medsos ne’ebé la’o, kuaze ataka iha meiu komunikasaun sosial legal sira ne’ebé iha koñesimentu tuir lei, hatudu ba ita katak, medsos sai ameasa bo’ot ida, ba prinsípiu direitu atu hetan informasaun ne’ebé loos, no medsos mós hanesan belun ida ema hotu atu espresa nia opiniaun, ne’ebé nakonu ho espresaun hirus, odíu no laiha respeita ema seluk nia dignidade no privasidade, ne’ebé ikus mai fó amaeasa ba ita-nia demokrásia no unidade nasional”, relata Arão Noe.

Tuir Arão Noe, atu responde situasaun sira ne’e, jornalista no meiu komunikasaun sosial sira ne’ebé existe iha TL ne’ebé  rekoñese legalmente, atu hala’o funsaun di’ak liutan, karik mós tenki halo servisu estra atu bele halo kauza dizeminasaun informasaun ne’ebé falsu, la tuir kritériu no prinsípiu jornalizmu nian iha média social.

“Estadu TL kria tiha ona enkuadramentu legal iha área jornalizmu no komunikasaun sosial nian, liu husi lei komunikasaun sosial nú 5/2014, lei ida ne’ebé garante servisu jornalizmu nian, hodi assegura meius komunikasaun sosial no servisu média nian ne’ebé livre sensura ka independente,”tenik Prezidente PN ne’e.

Maske nune’e, Arão Noe kongratula jornalista, media komunikasaun sosial, inklui konsellu imprensa, tanba maske hasoru dezafiu oi-oin, maibé servisu liberdade imprensa nia diak liu iha sudeste Aziátiku.

Nune’e mós média nu’udar fatór importante ida iha prosesu konstrusaun Estadu nian.

“Nu’udar Prezidente PN, ha’u hato’o ha’u nia parabens, ha’u haree servisu média ni’an di’ak tebes iha Timor-Leste, maske hasoru difikuldades oi-oin, maibé hakarak investe iha setór komunikasaun sosial atu kontribui ba prosesu konstrusaun Estadu, liu husi meius komunikasaun sosial ne’ebé nu’udar fonte importante  atu habelar informasaun ba ita-nia sosiedade”, salienta PPN ne’e.

Arão Noe hatutan, maske Timor-Leste okupa primeiru lugar nu’udar nasaun ne’ebé liberdade imprensa di’ak liu iha sudeste Aziátiku, maibé la signifika katak, susesu ida ne’e di’ak liu ona no la presiza hadiak tan.

Tanba ne’e, Arão Noe kontinua enkoraja jornalista sira ne’ebé hakna’ar aan iha media sira iha Timor-Leste, atu kontinua halo esforsu hodi assegura tranférensia informasaun, husi entidade sira ne’ebé sai nu’udar fonte informasaun ba públiku, nu’udar konsumidor ba infomasaun.

Tuir Arão Noe, dalan ida husi esforsu sira ne’e mak, assegura média nia servisu, assegura mós liberdade husi jornalista sira, hodi hetan asesu ba informasaun, no proteze meius komunikasaun sosial sira, bainhira halo publikasaun, hanesan iha konstituisaun RDTL artigu 41 rasik, assegura no garante liberdade imprensa no meius komunikasaun sosial.

Lee hotu :   Investimentu Pelican Paradise, PM Alkatiri dehan husu ba Xanana ho Rui Araújo

“Nu’udar parte husi konstrusaun Estadu, hafoin transferênsia Asembleia Konstituinte ba Parlamentu Nasional, PN aprova kedas lei nú 2/2003, kona-ba relegasaun servisu públiku no radio divulgaun, lei ne’ebé atu garantia katak, iha servisu públiku ida, bele garante transmisaun informasaun ba públiku”, akresenta Arão Noe.

Deputadu husi CNRT ne’e subliña tan, Parlamentu Nasionál nu’udar órgaun lejizlador ida iha Estadu Timor-Leste, iha responsabilidade atu assegura entidades hotu, inklui média komunikasaun sosial sira, tanba ne’e PN konsege aprova ona lei komunikasaun sosial nian nú 5/2014, hodi assegura servisu média nian,  no  PN sei kontinua esforsu atu regulariza mós publikasaun media sosial nian.

“PN nu’udar órgaun lejislador ba Estadu nian, iha responsabilidade atu assegura funsionamentu husi entidades hotu, ne’ebé hola parte iha prosesu hari’i, hametin no haburas Estadu, entidade ida husi entidade sira seluk, média nu’udar órgaun komunikasaun sosial ne’ebé halo parte importante, atu garante kontrolu sosial, hodi tau matan ba lala’ok Estadu nian. Atu assegura servisu komunikasaun sosial nian, PN aprova tiha ona lei komunikasaun sosial nú 5/2014, lei ida ne’ebé hodi fó protesaun ba servisu jornalista nian, assegura mós independénsia husi meiu komunikasaun sira, inklui garante direitu universal ba sidadaun nian, hodi hetan asesu ba informasaun tuir konstituisaun RDTL estabelese”, katak Arão Noe

Nia relembra, bainhira lei komunikasaun social ne’e debate iha PN, hetan krítika barak tanba konsidera lei ne’e ne’e diskriminativu, no halo limitas oi-oin.

“Maibé depois lei ne’e tama iha vigor, konsellu imprensa mós funsiona, jornalista no média na’in sira-nia hakarak lei ne’e proteje, maske iha frakeza, tanba haree katak, iha ona baze legal ida, hodi regulariza órgaun komunikasaun sosial sira iha TL”, relata Arão.

Enkuantu, konferensia internasional ne’e, hala’o durante loron rua, no partisipa husi reprezentante konsellu impresa husi nasaun sira sudeste aziátiku nian, hanesan Indonézia, Malázia, Tailándia, Filipina, Australia, Nova Zelandia no Papua Nova Guinea, inklui organizasaun média sira hanesan South East Asia Press Alliance (SEAPA), Internasional Federation of Journalist (IFJ) no Malaysia Media Center, inklui péritu sira média nian iha rejiaun ne’e.

KI realiza konferensia IDDF

Conselho Imprensa Timor –Leste (TL), Kinta (9/05/19) ofisialmente realiza konferensia internasional nebe hanaran The Dili Dialogue Forum.

Konferensia Internasional ho tema, “Obstaklu Sira ba jornalista no privasidade iha sosieda modern”, nee loke husi Ministru Reforma Lejislativa no Asuntu Parlamentares, Fidelis Leite Mangalhães.

Iha ambitu Konferensia internasional ne’e ho nia objektivu hodi deskuti  no partilla  hanoin iha forum  husi orador sira mai husi Portugal, Indonesia, Australia no rai laran.

Lee hotu :   PREZIDENTE REPUBLIKA PREOKUPA KAZAMENTU MISTA

Ministru Reforma Lejislativa no Asuntu Parlamentares Fidelis Leite Mangalhães, hatete Oitavu governu liu husi Ministeriu Reforma Lejislativa no asuntu Parlamentares ho Sekretaria Estadu Komunikasaun Sosial ba oin sei hamutuk ho  Conselho Imprensa halo diskusaun klean lei ou proposta lejislativa sira ba iha  regulamentasaun relasaun ho media sosial.

“Regulamentasaun ida la’os atu bandu sidadaun sira atu espresa sira nia direitu no hanoin asesu ba informasaun.mais hau la dehan timor-leste atu bandu notisia sira fake news ka no ema defama malu husi ID facebook falsu, maibe hau konsiente didi’ak konaba forsa global ne’e kanpañia facebook mak hatene’’,dehan Ministru Reforma Lejislativa no Asuntu Parlamentares Fidelis Leite Mangalhães ba jornalista hafoin partisipa konferensia refere iha salaun  São Jose Katedral Vila Verde.

Governante nee hatutan, tenke haree didi’ak konaba direitu privasidade ou dever ba hirak ne’ebe ezerse kargu potiliku no direitu sidadaun nian ba ida ne’e mak ita tenke haree didi’ak no buat sira ne’e ami sei la halo mesak.

Fidelis dehan  regra lejislativa foun ne’ebe mak rezolusaun foun fo Sai katak lei sira antes Konsellu Ministru aprova lori hanesan proposta ba iha Parlamentu Nasional tenke iha estudu inpaktu regulatoriu.

Ho nune’e kualker iha diskusaun iha area komunikasaun expresaun sei la halo mesak maibe sei konsulta parte relevante sira hanesan konsellu impresa no jornalista sira.

Ministru MRLAP ne’e hatutan tan,ita labele ansi uluk lai  tanba ohin loron teknolojia modern agora nia espanda ho lalais ne’ebe lei dalabarak mai para atu regulariza.

Ne’ebe hare lai ita nia teknolojia ita uja ne’e iha ne’ebe no ita nia sidadaun uza cyber ne’e oinsa  no plataforma saida mak ita asesu ida mak hafoin it abele ko’alia.

Nune’e mos Presidente Conselho Imprensa, Vigilio Guterres, hatete forum ida ne’e hili topiku konaba sosial media nian,  tanba ninia inpaktu ba servisu jornalizmu nian  no  liberdade imprensa ema hotu fo informasaun.

“ Konferensia internasional ne’e ho nia objektivu hodi deskuti  no partilla  hanoin  Konaba  preokupasaun  ohin loron  utilizasaun media sosial ema balun seida’uk ho konsiensia di’ak  hodi insulta malu nune’e mos publikasaun  notisia falsu ninia inpaktu ba iha servisu jornalizmu nian.

Konferensia  ne’e realiza husi Conselho Impresa, Timor-Leste durante loron rua hahu husi loron 9 to’o 10 maiu 2019 hetan partisipasaun husi representante konsellu inprensa sudeste asiatiku no pasifiku,Ministru MRLAP,Sekretariu estadu komunikasaun sosial,  estudante UNTL,UNITAL liu husi departamentu komunikasaun sosial, jornalista no konvidadu sira seluk.say/Son

 

Add to Comments Here!!!!

error: Content is protected.
Secured By miniOrange
You might also like:
Julião:F-FDTL sei fó teste fíziku ba traballadór Timor-oan

Sekretáriu Estadu Formasaun Profisional no Empregu...

Filomeno Paixão: “Eis milísia nia oan iha F-FDTL ne’e la’os foin mak fó sai

Ministru Defeza no Interior ,Filomeno Paixão,...

Deskonfia halo asaltu seksual, PNTL detein suspeitu nain 14

Polísia Nasional Timoro Lorosa’e (PNTL) detein...

Close