JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

José Ramos Horta: Xanana nia lideransa mak hamosu referendu

José Ramos Horta: Xanana nia lideransa mak hamosu referendu

Laureadu Nobel da Paz, José Ramos Horta, hateten, ho Kay Rala Xanana Gusmão nia lideransa di’ak iha tempu rezistensia ka okupasaun Indonézia, maka hamosu referendu ba Timor-oan sira hodi defini Timor-Leste ninia estatutu hanesan nasaun.

“Ohin ita selebra tinan 20 referéndum ninian, ha’u hakarak hateten de’it katak, sé Xanana laiha lideransa ne’ebé maka di’ak, referéndum ne’e la akontese, tanba ameasa no mosu provokasaun oin-oin, nune’e sé líder ne’e la metin bele hateten, entaun ita kansela referéndum, nune’e tenki eziji forsa internasional mai uluk maka halo referéndum, maibé nia hateten la’e, ita la’o ba oin”, hateten Laureadu Nobel da Paz ne’e ba jornalista sira iha Xanana Reading Room, Lecidere-Díli, Segunda (10-06-2019).

Ramos Horta hatutan katak, Xanana Gusmão sai hanesan ezemplu lideransa ida, tanba hamosu ona refenrendum iha tempu okupasaun no ho ninia esforsu konsege termina mós Fronteira Marítima entre Timor-Leste no Australia.

“Loron seluk ha’u bele ko’alia kona-bá líder sira seluk, maibé ne’e hanesan atu hatudu ba joven no jerasaun foun sira kona-bá kestaun asuntu kualidade lideransa, tanba ne’e maka tema ohin loron Xanana Reading Room Realiza Semináriu ho tema “Sé maka Kay Rala Xanana Gusmão”, haktuir Laureadu Nobel da Paz ne’e.

Ho nune’e Ramos Horta eziji ba joven sira atu estuda makaas, para bele kontribui dezenvolve nasaun iha futuru.

“Ha’u nia mensajen ba joven sira atu estuda no buka matenek, hahan laiha estuda, eletrisidade laiha estuda, eletrisidade iha uma laiha, haree took iha estrada no sé la’e estuda lampáda okos, tanba uluk ami iha Soibada-Manatuto, loro-loron han batar da’an, ai-fariña, maibé estuda nafatin, ne’e duni ba joven sira favor ida ba imi nia futuru, ba rai ida ne’e nia futuru, estuda ba para sai matenek, ha’u hatene ita boot sira labele preokupa tempu sei to’o”, salienta Laureadu Nobel da Paz ne’e.

Lee hotu :   PAMB husu MAP tau prioridade ba produsaun fos hare

Partisipa iha semináriu nasional ho tema “Sé maka Kay Rala Xanana Gusmão”, iha Xanana Reading Room Lecidere-Díli, iha loron Segunda, loron 5, fulan ne’e hanesan eis SEFOPE, Ilidio da Costa, Joventude, estudante no universitariu sira. Mya

 

Add to Comments Here!!!!

error: Content is protected.
Secured By miniOrange
You might also like:
DIA 11/06/19 || GMNTV LIVE STREAM || JORNAL NASIONAL KALAN

HABURAS VIDA ESPIRITUAL GMNTV Edisaun 99

HABURAS VIDA ESPIRITUAL GMNTV Edisaun 98

Close