JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu soe bebé aumenta, Dom Basílio: Inan-aman tenki forma konsiénsia ba oan sira

Kazu soe bebé aumenta, Dom Basílio: Inan-aman tenki forma konsiénsia ba oan sira

Bispu Dioseze Baucau, Dom Basílio do Nascimento, triste ho hahalok joven sira nian ne’ebé soe bebé ne’ebé foin moris mai, no dezafia inan-aman sira atu forma konsiénsia ba oan sira, no eduka oan sira hodi hatene tetu ba buat ne’ebé mak loos no laloos.

Dom Basílio hato’o asuntu ne’e, relasiona ho kazu soe bebé husi ema irresponsabilidade ne’ebé kontinua aumenta iha Timor-Leste.

“Ohin loron mensajen hirak ne’e de’it lato’o, hanesan uluk buat hotu bandu, lei bandu, maibé buat ida bandu ne’e ohin loron ema la simu, ema lafiar, dalaruma dehan bandu, ema halo aat liutan. Tanba ne’e, ha’u dezafia inan aman, liuhosi uma kreda no na’i ulun sira, hodi forma de’it konsiénsia, tanba lia loos ne’e, ita-nia hanoin ho hahalok ne’e tenki hatán malu, ne’e mak dehan lia loos, maibé ohin loron, lia loos ne’e bainhira ema barak dehan loos, maske sala maibé ida ema barak dehan ne’e mak loos. Ita presiza hanorin ka eduka ita-nia oan sira, atu hatene tetu ba buat ne’ebé loos no laloos, halo buat ne’ebé bele tuir ou labele tuir”, afirma Dom Basílio do Nascimento iha Parokia Santo António Manatuto Sesta (14/06/2019).

Dom Basílio haktuir, inan ne’ebé deside soe nia bebé, sala hasoru Maromak, tanba iha Maromak nia ukun fuan lima bandu oho no estraga ema nia vida.

Tanba líder Igreja Katólika ne’e, husu sarani hotu presiza iha konsiénsia bainhira foti desizaun ba buat ruma.

Maske nune’e, Bispu Dioseze Baucau ne’e rekomenda atu buka tuir loloos motivu husi inan ne’ebé deside soe nia oan rasik.

Lee hotu :   Falsifika dokumentus Veteranus, ‘Oan Soru’: Solusaun ikus mak hatan ba lei no kadeia

“Maromak nia ukun fuan lima ne’e dehan, keta oho no keta halo aat ema, tanba ne’e, la presiza tan esforsu uma kreda nian atu hateten saída de’it, tanba ne’e, ita hotu ne’ebé mak lori Nai Jesus Kristu nia Kruz iha ita-nia rentos, no simu sakramentu batizmu ne’e, bainhira bo’ot, ita iha obrigasuan atu hatene ita-nia fiar nia hun, ita-nia obrigasaun mós hanesan ema fiar na’in, ita mós iha obrigasaun hanesan ema hirak ne’ebé tuir Jesus Kristu, hanesan naroman no dalan loos. Sei inan ida so’e nia bebé, ita tenki buka kompriende tanba sa?, karik tanba moe, tanba kondisaun finanseiru ladi’ak, tanba buat hirak ne’e hotu, maibé ne’e konsekuensia husi hahalok hanesan ne’e, inan ida so’e nia oan, atu oho de’it iha kabun laran, ou sai tiha mak oho, ita buka dalan oinsa mós lahetan dalan, tanba ema ne’ebé halo hahalok hanesan ne’e, sala hasoru Maromak nia ukun fuan, ne’e konsiénsia ida-ida nian”, relata Dom Basílio.

Durante ne’e, kazu soe bebé akontese ona iha fatin barak, liu-liu iha sidade Díli, hanesan iha Becora, Kampung Alor, Taibesi, inklui Lahane Ocidental.

Ohin loron oan sira obedese ba inan-aman mihis liu 

Bispu Dioseze Baucau, Dom Basílio do Nascimento, konsidera oan sira ohin loron obedese ba inan-aman mihis ba dadauk, maibe obedese liu ba arte-marsiais hodi la kontribui paz no estabilidade iha nasaun ne’e.

Dom Basílio hateten asuntu ne’e relasiona kazu oho ne’ebé ikus-ikus ne’e kontinua akontese iha nasaun ne’e.

“Buat ne’e ha’u rona katak, husi arte-marsiais sira tebes mak ne’e ka lae? Maibé informasaun ne’ebé to’o ha’u nia tilun ne’e dehan kuandu labarik ida tama iha grupu arte-marsiais nia obedese liu arte-marsiais do que obedese ba nia inan-aman”,Dom Basílio do Nascimento, hato’o asuntu ne’e hafoin selebra nia aniversáriu ba dala 69 iha parókia Santu António Manatuto, Sesta (14/06/2019).

Lee hotu :   Xanana hala’o diálogu ho komunidade ■ Konkorda implementa planta LNG iha Beasu

Amu lulik ne’e mós observa katak, konsekuensia husi situasaun ne’e la’os inan aman mak manda oan, maibé oan mak manda fali inan-aman entaun husi kotuk ne’e sobu família ne’e hanesan “ita les surat tahan no ohin loron familia la folin.”

“Ohin loron halo ha’u triste mak ne’e, ema nia vida hanesan folin laiha tiha, hasai ema ida ne’e nia vida, hasai ema ida ne’eba nia vida, halo ida ne’e ain tohar, halo ida ne’eba liman ain tohar, maibé ema nia moris, ema nia dignidade, ha’u la dehan ona hanesan maromak nia illas, maibé dignidade hanesan ema ne’e ohin loron ita la fó valor,”haklaken Dom Basílio.

Iha sorin seluk Komandante Jerál Polisia Nasionál Timor Leste (PNTL) Komisáriu Faustino da Costa rekoñese atuasaun PNTL nian ba konfrotu ruma sempre tarde, tamba problema transporte no kobustivel.

“Paz ho hakmatek ne’e tenke responsabilideda máximu, komandu rekoñese, komandu hatene dezafiu sira ne’ebé sira hasoru iha Munisípiu, iha Eskuadra sira ita mós hato’o ba governu kona-ba limitasoens transporte, problema konbustivel ida ne’e mak sempre atraza PNTL nia atendimentu iha terenu”.dehan Faustino.

Faustino afirma tan katak, ho situasaun ne’e la hamate espiritu servisu  PNTL ho garante paz no estabilidade ba sidadaun hotu, no polisia kontinua matein nafatin nia firmeza hodi garante estabilidade iha nasaun ne’e. say/Aes

Add to Comments Here!!!!

error: Content is protected.
Secured By miniOrange
You might also like:
Jorge Serrano: GMN halo tinan rua tanba kontribuisaun husi telespetadór sira

Prezidente Konsellu Administarsaun Grupo Média Naciona...

DIA 16/06/19 || GMNTV LIVE STREAM || JORNAL AS 12

DIA 16/06/19 || GMNTV LIVE STREAM || JORNAL NASIONAL KALAN

Close