JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Viola lei traballu, Traballadór halo asaun greve hasoru kompañia Mira-Mar Block

Viola lei traballu, Traballadór halo asaun greve hasoru kompañia Mira-Mar Block

Traballadór  hamutuk na’in 60 resin, Tersa  (25/06),  hala’o asaun greve hasoru kompañia Mira-Mar Block, tanba empreza refere viola lei traballu númeru 4/2012.

Portavoz traballadór sira ne’ebé halo greve ne’e,  Idelino de Araújo hateten, asaun greve ne’e, hetan apoiu husi Ohin Sindikatu traballadór Timor-Leste,  tanba empreza refere la halo tuir nia responsabilidade tuir lei nú 4/2012,  hanesan laiha kontratu servisu, direitu ba saláriu désimu terseiru no direitu férias annual ba traballadór sira laiha, maske sira servisu tinan barak ona.

“Ohin ami mai halo asaun greve hasoru kompañia Mira-Mar Block ne’e, tanba empreza ne’e viola lei do traballu númeru 4/2012, tanba  ne’e ami organiza malu hodi ezije ami nia direitu nu’udar traballadór tuir lei haruka.  Asaun greve ne’e sei ezije urjentimente ba kompañia Mira-Mar atu tu’ur hamutuk hodi buka solusaun,  bainhira ezijensia ne’e laiha solusaun, sei kontinua halo asaun greve ne’e lor-loron tuir oras ne’ebé determina to’o hetan solusaun ne’ebé justu tuir lei númeru 4/2012”, hateten    Idelino de Araújo ba Jornalista  sira iha Mira-Mar Block Fomentu Díli.

Idelino haktuir, durante ne’e bainhira ekipamentus hanesan, mákina, kareta no buat seluk tan mak aat ou iha failansu ruma, traballadór sira ne’ebé mak servisu iha Mira-Mar Block ne’e mak sempre sala hela de’it, maske failansu ka sala ne’e la’os funsionáriu sira mak komete.

“Ami traballadóres sira mak sempre sala hela de’it, laos ne’e de’it, durante ne’e mós kompañia Mira-Mar Block nia ne’e trata ami la ho  dignu hanesan empreza sira seluk, maibé durante ne’e ami kumpri regras ne’ebé empreza ne’e iha, maibé kompañia mak viola fali lei traballu, hodi viola traballadór sira-nia direitu”, informa Idelino.

Lee hotu :   PNTL la autoriza MUTL halo manifestasaun kontra PN

Nune’e mós portavoz  Advokasia Sindikatu Traballadór Timor-Leste, Guiomar Madeira informa, asaun greve ne’ebé sira halo ne’e, bazea ba konstituisaun Repúblika Demokrátiku Timor-Leste, artigu 51 no lei númeru 4/2012 ne’ebé konsagrada ona kona ba direitu ba greve.

“Nu’udar Sindikatu Traballadór Timor-Leste, hamutuk ho traballadór sira hakarak defende direitu traballadór sira nian, tanba ne’e husu ba empreza Mira-Mar Block atu finaliza kontratu servisu ba traballadór hotu, inklui sira ne’ebé seidauk iha kontratu servisu, no husu ba empreza na’in atu fó subsídiu annual ba  traballadór sira hotu ne’ebé durante tinan 6 nia laran lahetan subsídiu annual, no husu mós ba empreza atu fó direitu lisensa annual, tanba durante hala’o kna’ar traballadór sira hotu lahetan direitu ba lisensa annual, no bainhira traballadór ida la hetan cuti annual, bele selu ho osan”, relata  Guiomar.

Mezmu traballadór  sira halo asaun greve hasoru patraun kompañia Mira-Mar Block, maibé patraun laiha fatin tanba moras.

Iha asaun pasífika ne’e, Komando PNTL Munisípiu Díli, koloka membru PNTL unidade Task Force hodi asegura asaun greve ne’e bele la’o ho paz.

Entretantu, bainhira Jornalista GMN tenta atu halo komfirmasaun ho patraun Empreza Mira-Mar Block, António da Conceicão Lobato liu husi nia oan feto, maibé nia lakohi fó komentáriu.

PNTL hapara asaun greve

Nune’e mos, Polísia Nasionál Timor-Leste (PNTL) munisípiu Díli hapara asaun greve, ne’ebé mak organiza husi Sindikatu  Traballadór Timor-Leste, no traballadór sira, hasoru responsavel kompañia Mira Mar Block (MMB), António da Conceição Lobato

Asaun greve ne’e, hala’o  Tersa (25/06/19), iha Fomento  Suku Komoro  Postu Aministrativu Dom Alexio Munisípiu Díli.

Sindikatu Jerál Traballadór Timor-Leste, hatama karta lisensa ba Komando PNTL Munisípiu Díli, husu atu halo asaun greve ne’e,  iha Segunda (24/06/19),  no kartea ne’e  PNTL ténki estuda uluk tiha lai antes loron tolu foin mak halo  asaun greve, maibe  seidauk  liu  loron tolu antes, maibe  foin mak loron Tersa (25/06//19), sindikatu ho traballadór sira inklui  traballadór nain 10 ne’ebé mak kompañia refere hapara  halo ona asaun greve hasoru responsavel masimu kompañia António da Conceição Lobato iha Fomento Díli.

Lee hotu :   Governu fó foos dodok ba Paroquia Nossa Senhora do Rosário de Fátima Iliomar

Tanba  Komandante Munisípiu Díli Superintendente Xefe Armando Monteiro, hatun ordém ba  membru Polísia Eskuadra Dom Alexio, tun  halo  kedas intervensaun hodi hapara asaun ne’e.

Wainhira hapara tiha asaun ne’e, Advogado Privadu   Manuel  Goncalves,  husi Kompana Mira Mar Block,  ho Sekretariu Jerál sindikatu  Traballadór Timor Leste,  Almeiro Vila-Nova,  ho traballadór balun  hasoru Komandante PNTL Munisípiu Díli hodi solusiona problema ne’e.

“Ami mai hasoru Komandante PNTL Munisípiu Díli, ho razaun Sindikatu Traballadór hasai karta  hodi organiza  asaun greve, maibe sira tun ba terrenu halo asaun laiha koñesimentu ruma husi PNTL, entaun sira ba hanesan ilegal, entaun greve ne’e ténki para”,esplika   Advogado Privadu   Manuel  Goncalves,  husi Kompana Mira Mar Block, ba jornalista sira, hafoin enkontru ho Komandante PNTL Munisípiu Superintendente Xefe Armando Monteiro, iha Kuartel PNTL  Kaikoli Díli.

Nia hatutan,  total traballadór Kompañia Mira Mar Block, hamutuk 200, maibe problema ne’e individual, lori  problema ne’e to’o Sindikatu, to’o ikus hodi lori mai  to’o Komando PNTL Díli.

Nia akresenta, desizaun Kompañia Mira Mar Block, la’os hasai traballadór sira,  tanba nia sei kontinua nafatin servisu, maibe falta de’it komunikasaun mak sai hanesan ne’e.

Enkuantu kona-ba traballadór sira ninia dereitu, kada fulan kompañia iha nia dever mak selu ninia traballadór sira, la’os la selu ida ne’e laiha.

Alende ne’e, Sekretariu jerál sindikatu  Traballadór Timor Leste,  Almeiro Vila-Nova,   agreadese Komandante  PNTL Munisípiu Díli, Armando Monteiro, tanba halibur parte sindikatu no parte kompañia Mira-Mar  Block,  hodi solusiona problema traballadór sira nian.

Problema sira mak hanesan iha parte kontratu ba traballladór sira,  lisensa annual, salariu desimu terseru, nomós traballadór nain 10 ne’ebé mak kompañia Mira Mar Block, seidauk bolu fila-fali, hodi kontinua servisu.

Lee hotu :   Rezultadu avaliasaun projetu 143 sei fó sai iha tempu badak

Nia  akresenta, traballadór  nain 10 la servisu,  tanba ho razaun  katak, mesin  ne’ebé mak produs batako a’at. Tanba  ne’e mak patraun kompañia refere haruka ninia traballadór sira deskansa iha uma.

“Maibe  iha ita nia lei traballu artigu 15 koalia kona-ba  suspensaun de servisu, sé karik  iha problema situasaun ekonomia kompañia ninian. Tanba akontese mesin produs  batako a’at, kompañia ténki halo suspensaun ba kontratu ka halo redusaun ba oras servisu ou sé lae suspende ba sira nia servisu, maibe sira iha dereitu ba  remunirasaun  ne’e 50% , la’o nafatin kada fulan, maibe kompañia la fó ida ne’e, ne’e mak  ami ijize  ba kompañia atu kumpri produsura legal ne’ebé mak iha hakerek iha artgu 15 ne’e”,dehan Almeiro Vila-Nova.

Wainhira la hetan solusaun,  sindikatu  Traballadór Timor Leste, sei organiza nafatin traballadór sira hodi ijize sira ninia dereitu to’o hetan rezultadu.

Relasiona ho kazu ne’e refere, GMN tenta atu konfirma, komandante PNTL Munisípiu Díli, Superintendente Xefe Armando Monteiro, maibe nia parte la fó komentáriu.aba/avi

 

Add to Comments Here!!!!

error: Content is protected.
Secured By miniOrange
You might also like:
Filomeno Paixao husu UEP kontinua hala’o operasaun iha tempu kalan

Ministru Defeza no Interior Interinu, Filomeno...

UEP detein suspeitu ida lori sasan kro’at

Unidade Espesial  Polísia (UEP) detein tan...

Governu tenki kria lei espesial ba ZEESM

Reitor Universidade da Paz (UNPAZ), Lucas...

Close