JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Vendedor Kampung Alor la aseita muda ba Golgota

Vendedor Kampung Alor la aseita muda ba Golgota

Governu liu husi Ministério Turismo, Comerçio e Industria (MTCI) no Ministério Administração Estatal (MAE) planeia muda vendedor Indoneziu iha Kampung Alor ba Golgota-Comoro, ho razaun Kampung Alor hanesan fatin estratéjiku no sentru iha Díli, besik edifisiu boboot sira, nune’e labele iha konsentrasaun aktividade negósiu.

Maibé vendedor sidadaun Indonesia sira ne’e la aseita ho desizaun governu Timor-Leste atu muda ba área Golgota-Comoro, tanba konsidera distánsia fatin foun ne’e do’ok husi estrada públiku, nune’e sai preokupasaun ba sira atu hetan rendimentu loro-loron.

“Horiseik (29/9) ha’u hateten ba sira ita boot sira prontu atu ba iha ne’ebá ka la’e, ami la prontu atu ba, entaun ho osan USD1500 ne’ebé selu tiha ona ba Golgota oinsa, ami nia osan nabeen deit mós laiha buat ida, importante ami sei hela iha ne’e lai, governu hadi’a di-diak lai Golgota, sé bele fatin misa ni’an masjid governu ou Estadu bele halo ka la’e, ami prontu kontribui atu halo saída deit ba dezenvolvimentu rai ida ne’e, ami hotu apoiu, maibé tenki preparadu buat ne’ebé mak di’ak, labele ami hela iha fatin ida, ba ami fan fali sasan iha fatin ida”, Xefi suku Kampung Alor, Alcina Carvalho dos Santos ba GMN iha ninia kna’ar fatin Kampung Alor Díli, Segunda (30-09-2019).

Autoridade lokal ne’e informa, hanesan lider lokal nia aviza ona ba sidadaun Indonesia sira ne’ebé fa’an sasan iha estrada ninin Kampung Alor, maibé sira la prontu no la aseita atu muda ba Golgota, maski sira selu ona USD 1500 ba governu.

“Karik Estadu mak halo duni konstrusaun ba fatin iha Golgota ne’e tenki trata ho kondisaun di’ak, nune’e sira ba ne’ebá ho laran kma’an, ita mós hakarak hadi’a ita nia rai, hau hanesan sidadaun hakarak dezenvolve rai ida ne’e, maibé governu tenki kria buat ne’ebé di’ak, labele kria fali problema entre nasaun rua”, salienta Alcina.

Lee hotu :   Kompañia 48 asina kontratu ba projetu estrada rural MOP Salvador: “Laiha kualidade governu sei la selu”

Husi sorin seluk, Reprezentante vendedor Kampung Alor, Rusdi hateten, wainhira governu Timor-Leste muda sira ba Golgota-Comoro tenki prepara fatin hodi fa’an sasan no tuir sira nia observasaun fatin ne’ebé maka preparadu ona iha Gologota-Comoro ne’e aluga ho folin karun teb-tebes no fatin refere bele uza ba fa’an deit sasan (hela fatin laiha).

“Ami nia problema  mak ami barak laiha kapasidade atu aluga fatin ne’ebé mak karun tebes, fatin iha Golgota ne’e mós bele uza fa’an deit sasan no labele hela, ne’e duni bazeia ba enkontru ne’ebé ami halo ona no ami foti desizaun la aseita atu muda ba iha Golgota, maibé ami sei tetu ho razaun primeiru lokalizasaun Meskita iha kampung Alor no wainhira ami muda ba iha Golgota ami difisil atu halo ami nia orasaun ou reza, tanba ita hatene katak relijiaun islam reza loron ida dala lima, ne’e duni wainhira ami muda ba Golgota ami difisil atu reza”, subliña Rusdi.

Entretantu vendedor sidadaun Indonesia ne’ebé durante ne’e hala’o atividade negósiu no hela iha Kampung Alor hamutuk uma ka’in 207, husi total uma kain ne’e kuaze 50 mak hili ba iha Golgota no aseita atu selu USD 500 fulan-fulan.

Durante ne’e vendedor husi nasaun Indonesia hirak ne’e fa’an ropa, sapatu no mós atributu dapur ni’an iha estrada ninin Kampung Alor. mya

Add to Comments Here!!!!

error: Content is protected.
Secured By miniOrange
You might also like:
Kansela viajen PR la fó impaktu negativu ba relasaun internasional

Dekanu Fakuldade Siensia Politika Universidade Dili,...

Pasiente mate bebeik iha sala operasaun, PN husu governu muda jestaun servisu HNGV

Reprezentante povu iha Parlamentu Nasionál (PN),...

PNTL la autoriza MUTL halo manifestasaun kontra PN

Komando Polísia Nasionál Timor-Leste (PNTL) Munisípiu...

Close