JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deputadu Gilman hakotu iis tanba atake kardíaku, PN kansela debate OJE 2020 ba loron dahuluk

Deputadu Gilman hakotu iis tanba atake kardíaku, PN kansela debate OJE 2020 ba loron dahuluk

Parlamentu Nasionál (PN) kansela ajenda diskuasaun Orsamentu Jeral Estadu tinan 2020 iha faze jeneralidade ba loron dahuluk, hafoin simu novidade tristeza, tanba lakon Xefe Bankada UDT/Frente-Mudança, Gilman dos Santos Exposto, ne’ebé hakotu iis iha Segunda (25/11) dader iha Hospital Nacional Guido Valadares, Díli, tanba sofre moras atake kardíaku ka fuan.

“Plenária ohin nian suspende ba aban (ohin-red), tanba ami-nia maluk deputadu ida, ohin dadersan hakotu nia iis iha HNGV, tanba ne’e mak ami suspende plenária ne’e ba Tersa, tanba ami hotu sei ba haree deputadu Gilman nia mate isin. Moras ne’ebé nia sofre ne’e, ha’u hanesan nia deputadu maluk, seidauk hatene, maibé ami rona derepente katak, nia iis kotu tiha ona,  tanba ne’e, ami sente lakon tebes ema di’ak ida, nu’udar membru PN ne’ebé ativu hela, maibe ita la espera ida ne’e akontese, tanba ne’e ami sente lakon tebes”, hateten Segundu Vise PPN, Luis Roberto da Silva ba jornalista sira, iha PN, Segunda (25/11/2019).

Luis Roberto  afirma, meja PN hala’o ona enkontru urjensia ida ho Sekretaria PN, atu oinsa kontaktu ho matebian nia kuadrus partidu UDT nian, atu bele iha tempu badak bele aprezenta substituisaun hodi substitui  matebian nia fatin iha PN, tanba dadaun ne’e  iha hela faze diskusaun Orsamentu Jerál Estadu ba tinan 2020 nian, bankada labele lakon nia votus.

Iha fatin hanesan, deputadu bankada PD, Mariano Asanami Sabino mós espresa nia sentimentu triste, tanba lakon figura di’ak ida ne’ebé kalma, professional, no ativu tebes.

“Ita hotu sente lakon, tanba Prezidente partidu UDT, partidu istóriku ida ne’ebé ita hein katak, loloos nia lidernasa ne’e atu la’o ba oin,  maibé ida ne’e mós reflete katak, ita tenke hadi’a kualidade ita-nia ospitál, atu nune’e oinsa mak salva no haree ema, tanba ne’e mak ita ko’alaia bebeik katak, ita-nia ospitál ne’e labele iha karakter emerjensia hela de’it, bele harí ona ospitál ida ne’ebé loloos para programa sira ne’ebé bele antesipa para bele detekta moras antes ba sidadaun hotu-hotu, la’os ema bo’ot ka deputadu de’it, sidadaun hotu-hotu ne’e tenke iha tratamentu ne’ebé dignu, tanba ita iha de’it 1 millaun e tal de’it, loloos ne’e ita bele halo sasán sira ne’e ho didi’ak. Tanba lor-loron deputadu ne’e hala’o nia funsaun ativu hela, ami la nota nia moras saida, derpente mak rona dehan deputadu ne’e hakotu ona iis, tanba ita presiza jestaun di’ak iha ospitál para bele salva Timor-oan sira-nia vida”, tenik Prezidente Partidu Demokrátiku ne’e.

Lee hotu :   2020, Governu sei sosa bis ba estudante sira

Tuir ajenda ne’ebé aprova iha konferensia líder bankada iha semana kotuk, ajenda diskusaun OJE 2020 iha faze jeneralidade ne’e, loron tolu, hahú iha Segunda loron 25 to’o loron 27 fulan ne’e.

Sofre atake Kardíaku

Xefi Departamentu Banco de Urgência Hospital Nacional Guido Valadares (HNGV), Nilton da  Silva, hateten, matebian Gilman Asunҫão Exposto dos Santos mate, tanba sofre moras fuan ou ataque Kardíaku.

“ Matebian mai ho kondisaun ida ne’ebé mak ita bele dehan, ho ancosion ou la sadar, tanba tuir loloos kuandu ita mai ne’e ho kesadaran 15, maibé matebian mai to’o iha ne’e ho 3 deit, ne’e signifika to’o mai, matebian nia  korpu no  funsaun injeral kuaze laiha no matebian ataque Kardíaku”, Xefi Departamentu Banco de Urgência HNGV ne’e ba jornalista sira, iha sala Emerjénsia HNGV, Díli, Segunga (25-11-2019).

Xefi Departamentu Banco de Urgência ne’e akresenta, husi dadus ne’ebé médiku ho pesoal saúde sira rekolla, matebian nia sinal vital isin kuaze la responde hotu, nune’e sira koko primeiru sokoru to’o minutu 35 laiha resposta, nune’e difísil atu hetan salvasaun.

Família sira lori matebian ba HNGV iha tuku 07:15 no hakotu ís iha tuku 07:48, matebian mate ho idade 63 no husik hela oan na’in 6, kompostu husi mane 4 feto 2 no iha fulan Setembru, tinan 2019, matebian hala’o tratamentu privadu iha Singapura.

Entretantu Gilman Exposto hanesan Prezidenti partidu UDT, hahú husi tinan 2010 to’o hakotu ís no antes ne’e, matebian asumi kargu hanesan Diretor iha Organizasaun Naun Govermental (ONG) ETADEP, hahú husi tinan 2001 to’o 2012, matebian hanesan mós Xefi bankada UDT/Frente Mudansa iha Parlamentu Nasionál.

Lee hotu :   OJE ba PR millaun US$3.5, Barak liu ba viajen estranjeiru

Dau-daun ne’e, mate-isin lori ona ba ninia rezidénsia Taibessi, hodi hala’o prosesu funebre.say/eni

Add to Comments Here!!!!

error: Content is protected.
Secured By miniOrange
You might also like:
Estudante Malang Indonézia halo limpeza jeral iha Lecidere

Eis estudante Malang Indonézia,  halibur malu...

PN apoia umanitária ba vítima inséndiu iha Ermera no Liquiça

Parlamentu Nasionál (PN), liu husi Komisaun...

Veteranu Ossu la konkorda kritéria verifikasaun husi Komisaun Veteranu

Veteranu no veterana sira husi Postu...

Close