JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dezenvolve fatin turizmu iha Munisípiu sira, Governu konsulta ho Autoridade Munisipal

Dezenvolve fatin turizmu iha Munisípiu sira, Governu konsulta ho Autoridade Munisipal

Diresaun Jeral Turizmu realiza enkontru konsultasaun ho Autoridade Munisipal sira oinsa bele halo preparasaun diak hodi dezenvolve fatin turístiku iha Munisípiu sira.  

Ministériu Turizmu, liu husi Diresaun Jeral Turizmu, halibur Administradór Munisipiu walu (8) hodi realiza enkontru  atu halo preparasaun hodi hadia fatin potensial iha Munisípiu sira.

76631530

Enkontru ne’e ho tema, konsultasaun planu estratéjiku nasionál turismu Timor-Leste ba tinan 2030.

Diretur Jeral Turizmu José Quintas hatete, polítika Governu tinan 2020 sei tau osan ba setór turizmu hodi hadia fatin potensial iha Munisípiu sira, hodi hasa’e kresimentu ekonomia.

“Enkontru konsultasaun ho Administradór Munisípiu sira ne’e, hanesan kontinuasaun ida ne’ebé halo ho Munisípiu sira seluk, atu partilla informasaun ba Administradór Munisípiu sira atu oinsa bele halo preparasaun diak hodi implementa estrateziku nasionál turizmu Timor-Leste ba tinan 2030 atu hadia fatin potensial sira iha Timor laran tomak”, hatete José Quintas ba GMN iha Munisípiu Liquiça, Sesta (08/11).

Nia haktuir,  tinan 2020, ministériu turizmu sei tau osan hamutuk miliaun USD 2 atu hadia potensial turizmu iha fatin Ramelau, Cristu-Rei no Lospalos Com, nune’e vizitante sira vizita karik bele hatama reseitas ba Estadu.

Entretantu, Administradór Munisípiu Covalima, Afonso Nuguera Nahak, husu ba Governu liu husi ministériu turizmu atu dezenvolve fatin turizmu sira ne’ebé avandona hela.

“Parte Munisípiu Covalima prontu atu kolabora ho Governu nasionál  hodi dezenvolve fatin turizmu ho diak, tanba Munisípiu Covalima,  fatin turizmu kultural no fatin sira ne’ebé beiala sira husik mós sei avandona hela”, katak Afonso.

Administradór Munisípiu Covalima ne’e mós,  husu ba Diretúr Jeral Ministériu turizmu nian atu tau fokal poin ministériu turizmu nian atu destaka iha Munisípiu sira, nune’e bele identifika no halo koordenasaun diak ho nasionál hodi hadia fatin potensial sira iha Munisípiu sira.

Lee hotu :   Governu sei hato’o relatóriu implementa PAN RKSNU ba SekJer ONU

Iha fatin hanesan,  reprezentante parseiru dezenvolvimentu USAID, Piter Sem Mone hatete,  setór turizmu iha Timor-Leste atu la’o presiza kontribuisaun husi entidades sira hotu.

Partisipa iha enkontru ne’e, Prezidente Autoridade Bobonaro, Ermera Liquiça, Manufahi, Ainaro, Covalima, Aileu ho RAEOA,  inklui sosiedade sivíl no estudante sira.

Enkuantu enkontru konsultasaun ne’e antes ne’e hala’o ona iha Munisípiu Baucau Lospalos Viqueque ho Manatuto.aba

 

Add to Comments Here!!!!

error: Content is protected.
Secured By miniOrange
You might also like:
Timor-oan ne’ebé lakon iha tempu funu hasoru malu ho PR

Timor-oan sira ne’ebé lakon iha funu...

TR estuda hela LAP-LFP

Prezidente Tribunal Rekursu (PTR) informa, Tribunal...

PR Lú Olo husu Lugu servisu ho reponsabilidade ba povu RAEOA

Prezidente Repúblika, Francisco Guterres Lú Olo,...

Close