JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Foos Globus tein tasak sai fali plástiku, PN husu AIFAESA halo teste ba ai-han importasaun

Foos Globus tein tasak sai fali plástiku, PN husu AIFAESA halo teste ba ai-han importasaun

Dadaun ne’e, públiku komesa preokupa maka’as ho foos importasaun husi rai liur, li-liu foos, tanba foos plástiku  komesa eziste ona iha Timor-Leste (TL).

Konsumidor  Jõse do Carmo, preokupa ho foos marka Globus, tanba foos refere bainhira tein tasak tiha, etu sai fali plástiku.

 “Ha’u ema komsumidor, durante ne’e ha’u sempre sosa foos Globus hodi tein han maibé, iha momentu antes finadu ne’e, ami ba sosa foos iha kios sira parte Bebonuk, tein tiha sai etu, maibé  iha momentu ne’ebá, etu ben balun soe hela iha raga laran, tanba sai ho ansi ba Munisípiu Baucau loron hat nia laran, entaun fila mai haree etu ben iha raga laran ne’e tun ba meja leten hodi belit metin tiha, lori hena mós hamos ladiak, tanba sai ona plástiku, nune’e hodi tudik mak sukit sai, ha’u posting kedas iha média sosial para públiku sira bele hatene”, hatete Jose do Carmo ba GMN iha Jardim 5  de Maiu Díli, Kuarta (06/11).

Tanba ne’e, José do Carmo husu ba Governu atu tau konsiderasaun ba situasaun ne’e,  no ezije Governu atu halo kontrolu makas liu tan ba foos ne’ebé importa husi rai liur.

 “Ami nu’udar komsumidór, husu ba Governu liu-liu orgaun Estadu nian hanesan AIFAESA atu halo kontrolu sai tama loja hodi haree didiak, tanba dala ruma ita la hatene foos globus ne’e ita haree husi liur  foos diak, tanba ninia karon nabilan maibé, foos balun ita la hatene iha laran ne’e falsu ka lae”, katak José.

Iha parte seluk,  Prezidente Sentru Lojístiku Nasionál, Agostu Junior Trindade hatete, relasiona ho foos plástiku ne’e, sira  sei koordena ho AIFAESA atu Kontrola didiak hodi bele identifika lolos foos refere.

Lee hotu :   MNEK kontinua buka labarik sira nebe lakon iha funu

Nune’e mós maneger Loja Perisos Grosir, Leoneto da Silva informa, relasiona ho foos globus ne’ebé tein sai fali plástiku ne’e, AIFAESA  tu’un direta ona mai loja Prisos grosir hodi halo teste iha laboratóriu ba foos sira ne’ebé loja Prissos fa’an, no rezultadu hatudu foos ne’ebé Prisos fa’an la’os plástiku.

PN husu AIFAESA halo teste ba ai-han importasaun

Komisaun D ne’ebé trata asuntu ekonomia no dezenvolvimentu iha Parlamentu Nasionál (PN), kestiona efisienisa Autoridade Inspesaun no Fiskalizasaun ba Atividade Ekonomia Sanitária Alimentár (AIFAESA), atu bele halo teste laboratóriu ba ai-han sira ne’ebé importa husi rai liur, antes distribui ba merkadu sira, nune’e labele afeita ba sidadaun nia saúde, bainhira konsumu ai-han refere.

Deputadu sira hato’o kestaun ne’e, relasiona ho informasaun ne’ebé viral iha média sosial, kona-bá foos falsu, ne’ebé halo husi plástiku.

Hatán ba asuntu ne’e, Ministru Estadu Koordenadór Asuntu Ekonómia (MEKAE), ho Ministru Turizmu Komersiu Industria (MTKI)  interinu, Fidelis Magalhães apoia hanoin deputadu sira nian atu halo mudansa orsamentu husi item seluk ba item ne’ebé bele iha laboratóriu no armajen ba AIFAESA.

“Ita hatúr ona iha orsamentu jerál, atu servisu hamutuk ho parseiru balun, para ita hotu servisu hamutuk garante kualidade iha ita-nia rai laran. Relasaun ho AIFAESA, ha’u konkorda deputadu sira bele halo proposta para tau laboratóriu. Antes ne’e iha duni diskusaun balun hanesan ne’e maibé, ikus mai la tau iha deskrisaun final maibé, bele iha dalan atu muda fali husi item  seluk hodi aloka ba ida ne’e, halo laboratóriu ho armajen ba AIFAESA.

Aifaesa ne’e foin hamriik tinan tolu ne’ebé nurak demais, tanba ne’e, ita presiza luta maka’as, atu dudu nia para bo’ot liutan, nune’e nia bele la’o di’ak liu”,afirma governante ne’e.

Lee hotu :   ARCTEL-ANCTL organiza forum komunikasaun CPLP ba dala 9

Iha semana ne’e, mosu informasaun ne’ebé relasiona ho foos falsu, espalla iha média sosial, no viral tebes, ne’ebé deskonfia iha foos falsu ne’ebé importa husi rai liur.aba/say

Add to Comments Here!!!!

error: Content is protected.
Secured By miniOrange
You might also like:
CNRT vota kontra OJE 2020, Tilman: Governu monu, lei fó dalan ba EA

Jurista Timor-Oan, Manuel Tilman, hateten, konstituisaun...

Governu fó konfiansa ba José Luis Guterres lidera RAEOA-ZEESM

Oitavu Governu Konsititusional fó konfiansa ba...

Antesipa hamlaha, CLN ho Setór Privadu sei prepara stock foos ba povu

Centro Lojístika Nacional (CLN), realiza enkontru...

Close