JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS deside Zebra Metan halo tratamentu saúde iha Singapura

MS deside Zebra Metan halo tratamentu saúde iha Singapura

Ministériu Saúde (MS), liu husi Junta Médiku Nasionál (JMN), iha loron 15, fulan ne’e, deklara katak pasiente Julião Mausiri “Zebra Metan” sei aranka ba Singapura iha semana oin, hodi kontinua tratamentu saúde.

“Iha Sesta Feira, loron ikus desizaun husi Junta médiku sira deklara ona katak, sei hala’o referal iha semana ida ne’e nia laran, asuntu ida ne’e lori  to’o iha Konsellu Diresaun MS no MS tau ida ne’e ba konsiderasaun ás, asuntu ida ne’e mós sai hanesan ajenda importante iha Konsellu Diresaun nini’an”, família pasiente, Manuel Mausiri ba GMN iha salaun Very Important Person (VIP), Hospital Nacional Guido Valadares (HNGV), Díli, Sábadu (16-11-2019).

Manuel esplika, ospital liu husi Departamentu Veteranus hato’o ona ba família pasiente no iha Segunda, loron 18, fulan ne’e, sei lori ba Diresaun Ambulánsia atu asina dokumentu.

Maski nune’e, nia parte husu nafatin ba MS atu aselera prosesu ne’e tuir desizaun ne’ebé maka fó sai ona.

“Tuir desizaun ikus husi ospital ba iha Departamente Veteranus, horiseik, ha’u hasoru malu ho sira no sira informa katak, prosesu hotu-hotu hahú ona no aban sei lori ba Diresaun Ambulánsia, tanba Diresaun Ambulánsia ne’e iha kbi’it atu asina dokumentu, hafoin ida ne’e hotu tiha sei liu ba iha Vise MS na’in rua atu bele asina, depois envia ba iha Ministériu Finansas, para hodi hetan ninia orsamentu atu aloka ba. Ami mós agradese ba ospital mesmo que situasaun hanesan ne’e sira rona, ida ne’e desizaun ida ne’ebé mak tama hotu iha ema hotu nia hakarak no ami hanoin katak, tanba prosesu ida ne’e sai prosesu ida ne’ebé boot tiha ona, entaun fó hanoin mós ba ami nia autoridade iha leten, sei prosesu la-lais atu iha semana ne’e nia laran bele aranka tuir desizaun sira ne’ebé mak sira hola ona”, tenik família pasiente ne’e.

Lee hotu :   CEFTEC kapasita FP iha área komunikasaun, relasaun publikas no protokolu

Ho rezultadu ida ne’e, família pasiente hato’o agradesementu ba komite orientadór 25 no Komite 12 Novembru, inklui média sira, tanba ho sira nian esforsu tomak ohin loron bele hetan duni rezultadu. eni

Add to Comments Here!!!!

error: Content is protected.
Secured By miniOrange
You might also like:
CNRT promete sei apoia LUGU durante mandatu iha RAEOA

Kuadru partidu CNRT, promete sei fó...

Impaktu husi ahi mate, Aviaun Citilink ho Sriwijaya semo tarde

Aviaun Citilink ho Sriwijaya  semo  tarde...

PNTL sei halo destroisaun ba motorizada ilegal

Komando Polísia Nasionál Timor-Leste (PNTL) munisípiu...

Close