JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo : Juventude jerasaun foun tenke hamosu mentalidade foun

PR Lú Olo : Juventude jerasaun foun tenke hamosu mentalidade foun

Prezidente Repúblika (PR), Francisco Guterres Lú Olo hatete, komorasaun masakre Santa Cruz 12 Novembru ba dala 28 tinan ne’e, fanun juventude  jerasaun foun sira hotu atu hamosu hanoin no menatilidade foun ba nasaun Timor-Leste (TL), hodi valoriza juventude jerasaun tuan loriku asuwain sira ne’ebé luta no mate ona ba TL nia independensia.

“Ita halibur malu iha fatin históriku ida ne’e, hodi hanoin hikas juvnetude loriku asuwain, joven liu  atus rua ne’ebé mate iha loron 12 fulan novembru tinan 1991, lakon sira-nia vida, ita hanoin hikas sira ho  sentimentu klean, nu’udar referensia ba korajen no dedikasaun ba ita-nia liberdade no independensia”,afirma PR Lú Olo  liu husi nia intervensaun ba komemorasaun loron 12 Novembru ba 28 iha Santa Cruz Díli Tersa (12/11/2019).

Lú Olo akresenta, iha Timor-Leste juventude sempre iha kna’ar ne’ebé importante no desizivu tebes, jerasaun 1974 no 1975 sira iha tempu ne’ebá, simu kna’ar ida ne’ebé todan tebes hodi  funu atu ema hotu liberdade no ukun rasik aan, durante tinan 24 nia laran, ema hotu partisipa iha luta libertasaun nasionál hatene sa difikuldade no sa obstákulu mak hasoru ona.

“Ba foinsae sira agora labele lakon konfiansa ba sira-nia aan rasik,  foinsae juventude sira agora tenke kontinua hakbiit aan nafatin atu konkretiza mehi nasaun ida ne’e, foin sae tenke hamosu hanoin no mentalidade foun hodi hatene saida mak moris diak, muda hanoin importante tebes, molok hanoin ne’e nakfilak ba realidade, dalan ida ne’e mak diak liu hodi ita hotu  valoriza lolos juventude loriku asuwain no maluk sira seluk ne’ebé fó sira-nia moris hodi ohin ita bele moris livre no independente”,subliña Lú Olo.

Lee hotu :   PN kongratula KI atribui Karteira Profesional ba Jornalista ''Horta preokupa salariu Jornalista''

PR Lú Olo troka opiniaun ho Embaixador Brazil kona bá  impase Polítika iha TL

Alende ne’e, Prezidente Repúblika, Francisco Guterres Lú Olo, rezeita ho deklarasaun husi Embaixador Brazil, Aldemo Serafin Garcia Junior kona bá Xefe Estadu husu embaixadór ne’e nia opiniaun ka fó solusaun ba impase polítika ne’ebé la’o iha rai laran.

“La’e, ha’u la husu opiniaun públika impase polítika ba iha embaixadór ida hatene katak, Prezidente Repúblika hanesn Xefe diplomasia, entaun ha’u tenke ko’alia ho embaixadór hotu kona bá situasaun rai laran nian, hodi fó konfiansa nafatin ba sira no ba sira-nia nasaun para bele hametin diak liu taan relasaun amizade kooperasaun nafatin ho Timor-Leste” dehan Lú Olo Tersa (12/11/2019) iha Santa Cruz Díli.

Xefe Estadu ne’e afirma, diálogu sei iha nafatin tempu para halo diálogu, ukun na’in sira sei bele tu’ur hamutuk liu husi diálogu  atu bele ultrapasa situasaun ne’e para bele halo dezenvolvimentu ba povu Timor-Leste.

Entertantu iha loron 11 fulan Novembru tinan ne’e, Embaixador  Brazil, Aldemo Serafin Garcia Junior deklara katak, Xefe Estadu Lú Olo hasoru malu ho nia hodi rona nia opiniaun husi nasaun sira ne’ebé akreditadu iha Timor-Leste kona bá impase polítika iha rai laran.

“Prezidente Lú Olo ohin konvida ha’u mai iha ne’e atu halo konversa uitoan  hanesan mós ho embaixadór  husi nasaun sira seluk, ne’ebé akreditadu iha Timor-Leste atu fó sira-nia opiniaun kona bá situasaun polítika Timor-Leste nian, kona bá impasse polítika  ne’ebé mak agora dadaun ita haree iha polítika  Timorense. Ha’u  agradese ba enkontru ida ne’e no louva inisiativa diak ida ne’e.  Durante ami-nia konversa, ami troka ideia no opiniaun relasionadu  ho situasaun polítika atual nasaun nian. Liu-liu tentativa atu buka solusaun nune’e hodi resolve kestaun ida ne’e”, fundamenta  Embaixador Brazil.oly 

Add to Comments Here!!!!

error: Content is protected.
Secured By miniOrange
You might also like:
PNTL prontu fó seguransa ba komemorasaun 12 Novembru

Membru Polísia Nasionál Timor-Lorosa’e (PNTL) munisípiu...

PNSIK identifika ema nain 60 konsumu droga

Polisía Nasionál Servisu Investigasaun Kriminal (PNSIK),...

PNTL iha regra uza kamera CCTV ■Bandu fó sai iha públiku

Segundu  Komandante Polísia Nasionál Timor-Lorosa’e (PNTL) ...

Close