JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana hala’o diálogu ho komunidade ■ Konkorda implementa planta LNG iha Beasu

Xanana hala’o diálogu ho komunidade ■ Konkorda implementa planta LNG iha Beasu

Xefe  Negosiadór Prinsipal  Fronteira Maritíma no Terrestre, Kay Rala Xanana Gusmão, iha Kuarta (07/11/19),  hala’o sorumutu  ho komunidade Suku  Maluru- Beasu,  Postu Administrativu Uatolari, Munisípiu Viqueque,  ho  objetivu atu halo sensibilizasaun ba rai no propriedade  ba área plantasan Liquefied Natural Gas (LNG)  ne’ebé mak atu implementa  iha Beasu.

vizita   Kay Rala  Xanana Gusmão iha Beasu, simu  husi komunidade  Beasu ho antusiazmu no tara mós tais ba Xanana hafoin tama  fatin diálogu,   akompaña  husi Ministru  Petróleu Minerais  indijitadu Alfredo Pires no Prezidente Timor GAP (Gas And Petroleum), Francisco Minteiro no funsionáriu sira.

Liu husi vizita ne’e, Xanana Gusmão, lee  sai  proposta komunidade nian  ne’ebé mak husu atu fó  kompesesaun millau $ 500 ba uma kain afetadu hamutuk  447.

“Ha’u   husu ba  Timor GAP konsulta  ho komunidade  oinsá,  ne’e mak sira  fó  proposta ida  ne’e,  ha’u lee  hotu tiha, ha’u atu dehan katak,  ha’u-nia laran todan tebes, todan los la signifika la  respeita  ita boot sira  nia direitu  iha,  ita boot sira ténki defende, ami mak laiha kbiit atu selu  imi, problema ida  ne’e de’it ami mak laiha kbiit atu selu buat sira ne’ebé mak ita boot sira ejize iha ne’e”,esplika kay Rala Xanana Gusmão, liu  husi diskursu ba komunidade Beasu.

Xanana kompara estrada  husi Baukau mai Viqueque  gastu ba orsamentu millaun 5 to’o 7 dollar amerikanu  nune’e Estrada husi Viqueque ba Uatucarbau.

“Ne’e mós   ita laiha osan atu selu, osan iha karik  ita hadia tiha ona  estrada sira ne’e atu nune’e bis sira bele halai ba mai lalais”,dehan Xanana Gusmão.

Alende  ne’e Xefe Suku Maluru  Francisco Amaral, reprezenta nia komunidade  deklara iha fatin diálogu hodi retira hikas proposta ne’ebé mak aprezenta ba Kay Rala Xanana Gusmão, kona-ba sira-nia rai no uma ne’ebé mak afeta  plantasauan LNG.

Lee hotu :   Arão Noe : Atu estende mandatu prezidente autoridade RAEOA kompetensia governu

“Ha’u-nia komunidade sira koalia ona, ha’u so deklara de’it hodi retita  proposta”,dehan Francisco  Amaral.

Nune’e mós  reprezentante Lia-Nain Suku Maluru no juventude  sira konkorda apoiu  implementasaun planta LNG iha Beasu no sira  prontu muda  ba  bairu foun Nova Beasu, ne’ebé mak  governu sei harii uma ba komunidade sira.

Wainhira Xefe Suku Maluru Francisco Amaral, deklara retira  sira-nia proposta no  konkorda ba implementasaun  projetu LNG iha Beasu,  wainhira rona lia hirak ne’e, Kay Rala Xanana Gusmão, ho kontente bolu Xefe Suku hodi hakuak no hamonu matan-ben (tania) ba públiku.

Nune’e   rai ne’ebé mak sei  utiliza ba implementasaun ba plantasaun LNG ho nian luan 650  hektaris. Durante diálogu hetan seguransa másimu husi Polísia munisípiu Viqueque.avi

Add to Comments Here!!!!

error: Content is protected.
Secured By miniOrange
You might also like:
Governu imkompletu implika ezekusaun, CNRT sei fó kartaun mean ba OJE 2020

Xefe bankada CNRT, deputadu Duarte Nunes,...

FRETILIN konsidera LuGu lidera RAEOA la tuir méritu ■ PM Taur: LuGu ema ida esperiénsia

Reprezentante povu iha uma fukun Parlamentu...

Lere: Jerasaun foun labele arogánte

Xefe Estadu Maior Jeneral F-FDTL, Maijor...

Close