GMN TV Capital Parokia Katedral Dili halo tinan ba 25

Parokia Katedral Dili halo tinan ba 25

Parokia Katedral  Nossa Senhora Imaculada da Conceição Dili selebra nia ezistensia ba tinan 25 iha Kapital Dili.

Aniversáriu ne’e, selebra ho  misa ne’ebé preside husi Bispu Dioseze Dili,  Dom Virgilio do Carmo da Silva.

Iha nia homilia, Dom Virgilio husu ba  Sarani hotu tenke buka atu moris tuir Maromak nia hakarak,  hodi hadomi malu hanesan hadomi a’an rasik.

“Maromak la haree ema bo’ot ka ki’ik, no la haree  rikusoin mundu nian, maibé  haree ema hotu hanesan nu’udar Ninia illas rasik,” dehan Dom Virgilio iha nia homelia iha misa selebrasaun ne’ebé hala’o iha Domingu, (14/01)

Alende ne’e, Amu Leandro Maria Alves mós hateten, Igreja Katedral Dili sai nudar parokia ho nia pardoira  Nossa Senhora Imaculada da Conceição iha loron 10 fulan Janeiru tinan 1993.

“Lolos ne’e halo misa iha loron 10 kuarta feira halo ba tinan 25, maibé tanba aproveita atu troka mós Vigáriu foun, nune’e muda fali halo misa iha loron 14 Domingu, tanba atu troka mos Vigáriu Parokia tuan, Padre João Soares  entrega Padre Leandro Maria Alves,” hateten Amu Leandro.

Iha Misa selebrasaun ne’e Bispo Dioseze Dili mós fó Sakramentu Krizma ba sarani atus rua resin.

Nune’e mós Virgina Yohana Piter de Jesus senti kontenti, tanba simu sakramentu krisma iha loron importante ne’e.

“Ha’u kontenti tanba iha selebrasaun tinan 25 Parokia Katedral ne’e, ami bele simu Sakramentu Krisma, loron ne’e importante ba ami sarani Parokia Katedral no sarani Khatolik hotu,” katak Virgina.

Entertantu Iha selebrasaun ne'e Padre Leandro Maria Alves  ofisilamente  simu provizaun foun nu’udar vigário parokia  hodi troka Padre Joao Soares ne’ebé durante ne’e lidera Parokia Nossa Senhora Imaculada da Conceição.aba


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker