GMN TV Capital Estrutura INSS simu pose, MSSI Armanda: Tenki leal no disiplina

Estrutura INSS simu pose, MSSI Armanda: Tenki leal no disiplina

0 views

Estrutura Institutu Nasionál Seguransa Sosial (INSS) hamutuk nain 4  simu pose hodi servisu ba jere orsamentu seguransa sosial funsionáriu no traballador sira nian ne’ebé ko’a kada fulan.

Estrutura INSS ne’e, kompostu husi Prezidenti INSS, Longuinhos Armando Leto,  Vocal  ba Konsellu Administrasaun INSS, Azevedo Marçal, Cornelio Barros no reprezentante  empregadores ba Konsellu Administrasaun INSS,  Alberto Carvallo Araújo.

Prezidenti INSS hateten, sira sei esforsa aan atu servisu hodi jere institutu ne’e hodi bele ajuda garante asegura funsionáriu sira-nia moris iha  futuru.

“Instituisaun ne’e la’o ona, maibé nia orgaun ne’e mak foin hamriik, tanba ne’e planu importante ne’ebé ha’u ho ha’u nia membru konsellu sira, primeiru ami tenki hili uluk lai ami nia diretur ezekutivu, segundu ami tenki sosializa instituisaun ida ne’e ba iha teritóriu tomak, tanba funsionáriu barak mak seidauk komprende  konaba wainhira ko’a sira nia osan, tanba ita bo’ot sira hatene katak, instituisaun  ne’e  hari’i 4% husi funsionáriu públiku,  no Governu ajuda 6%, no ba emprezariu privadu sira mós hanesan, funsionáriu 4% no husi kompañia sira ajuda mós 6%”, hateten Longuinhos Armando Leto ba Jornalista sira Teras lorokraik (22-01-2019).

Longuinhos haktuir,   instituisaun  ne’e hamrik  atu garantia traballador sira, liu liu funsionáriu públiku nomós funsionáriu  empreza públiku nian.

Tanba ne’e mak Governu hanoin ona, oinsa kria instituisaun ne’e hodi bele ajuda tan funsionáriu sira, para aban bain rua bele asegura moris funsionáriu sira nian.

“Hanesan  Timor-oan bele diriji instituisaun bo’ot ida ne’e hanesan previlejiu ida, ne’ebe hetan fiar husi Governu , liu-liu Ministériu Solidariedade Sosial no Ikluzaun, bele fó fiar ha’u hodi jere instituisaun ida ne’e. Tanba ne’e hanesan Timor oan, ita hakarak servisu hamutuk, oinsa ita bele lori instituisaun ne’e la’o ba oin”, relata Longuinhos.

Iha okaziaun ne’e, Ministra Solidaridade Sosial no Inkluzaun (MSSI), Armanda Berta dos  Santos hato’o parabens ba Prezidenti no Konsellu Administrasaun ne’ebe simu ona posse,  no espera katak, sira sei ezerse sira nia kna’ar ho responsabilidade,  ajusta no adapta imediatamente situasaun no kondisaun iha servisu fatin foun, nune’e hahú nomeia  diretur ezekutiva, atu ezekutivamente bele funsiona Instituto Nasional Seguransa Sosial (INSS) atu bele responde ona ba nesessidade públiku .

“Hanesan Ministra tutela, ha’u hakarak hato’o pontu importante balun ba Prezidenti no membru Konsellu Administrasaun no diresaun ezekutivu Institutu Nasional Seguransa Sosial (INSS)  sira hotu, atu  hala’o  imi nia funsaun, tenki mantein integridade, lealdade, disiplina, kompromisu ba deveres no responsabilidade”,katak Armanda.oly

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker