Foto fontes Facebook SEFOPE
Governu liu husi Ministériu Negósiu Estranjeiru no Kooperasaun (MNEK), no Sekretaria Estadu Formasaun Profisional no Empregu (SEFOPE), sei servisu hamutuk hodi tau matan ba traballador Timor-oan sira ne’ebé dadauk ne’e servisu hela iha estranjeiru hanesan, Korea, Australia, Inglaterra, Irlanda no nasaun seluk tan.
Sekretariu Estadu SEFOPE, Julião da Silva, hateten, iha enkontru ho Ministru Negosiu Estranjeiru no Kooperasaun, Dionísio Babo, ne’e mekanizmu servisu hamutuk hodi prepara traballador Timor-oan iha programa Pacific lever skill, antes Timor-oan sira atu aranka ba servisu iha estranjeiru.
“Ohin mai enkontru ho Ministru Negosiu Estaranjeirus no Kooperasaun ne’e, ko’alia atu haree oinsa planu estratejia atu bele servisu hamutuk iha future, hodi prepara traballador Timor-oan sira hodi bele ba servisu iha rai liur, no koopera malu hodi tau matan ba traballador Timor-oan sira ne’ebé servisu iha Australia, Korea, Inglatera, Irlandia no seluk tan”, informa Julião da Silva ba Jornalista sira salaun enkontru MNEK Praia osququeiros Dili, Kinta (10/01).
Julião mós esklarese, Governu sei esforsu atu hadia Sistema, nune’e bele halo kontrolu di’ak liutan trabalador sira, tanba iha grupu illegal balu halo fali kobransa illegal ba traballador sira iha rai liur.
Nune’e mós Ministru Negosiu Estranjeirus no Kooperasaun, Dionisio Babo hateten, Governu Australia mós konkorda ba formasaun programa Pasifik Lever Skill, hodi prepara traballador 1500 ba servisu iha Australia durante tinan tolu.
antes ne’e, Ministra negosius Estranjeirus Australia, Julia Bishop no Asistente Ministra Kooperasaun Pasifik vizita Timor Leste, hodi ko’alia kona ba kooperasaun bilateral entre nasaun rua nian ba futuru.aba
