Aviaun Sriwijaya Air ho númeru SJ270 ne’ebé dezloka husi Indonézia mai Díli labele tún (Landing) iha Aeroportu Internasionál Comoro, Díli, tanba problema ho estabilizadór.
Insidente ne´e akontese Segunda (07/01/19), mais ou menus tuku 1 ho balun meudia oras Timor-Leste, wainhira aviaun Sriwijaya transporta pasajeirus husi Denpasar Bali-Indonézia la konsege tun iha Aeroportu Internasional Nicolau Lobato Díli, Comoro.
Tanba ne´e aviaun ne´e ténki lori fila pasajeirus 109 fila fali ba Makasar Indonézia hodi hatun pasajeirus sira, nune´e kompaña Sriwijaya desidi tula fali pasajeirus ho aviaun Sriwijaya ho makra PK-CMT fila-fali mai Díli Aeroportu Internasionál Nicolau Lobato Díli , mais ou menus tuku 05:54 loraik oras Timor-Leste.
Pasajeirus 109 mak iha aviaun laran kompostu husi ema boot 103, labarik iha nain 6, no restu seluk bebe. husi numeru refere Timor oan iha nain 17, restu seluk ema estranzeiru.
Manajer estasaun Sriwijaya iha Díli Dirham Wahyudi, rekoñese aviaun labele tun tanba problema tékniku iha estabilizador ne´ebé afeita mós ba flaps aviaun nian no presija pista kilometru rua, enkuantu medida Aeroportu Komoro ho nia pista naruk 1850.
``Ha´u atu informa katak, ne´e la fó paniku, no la´os emerjensia lending, ita mós hetan informasaun husi Tower katak, iha problema tekniku iha aviaun ne´e, tanba pista iha Aeroportu Internasionál Nicolau Lobato ho nia naruk 1850. tanba ne´e mak aviaun labele tun ho ida ne´e mak kapten desidi semo fali Makasar``,esplika Manajer estasaun Sriwijaya iha Díli Dirham Wahyudi, ba GMN Segunda (07/01/19) iha Aeroportu Internasional Nicolau Lobato Díli.
``Tuir lolos aviaun ne´e bele tun, maibé problema estabilizador afeita ba flaps aviaun nian no presija pista kilometru rua, enkuantu medida Aeroportu Komoro iha deit kilometru ida resin. Tanba ne’e aviaun ténke fila-fali ba Makasar Indonézia, maibe ha´u hakarak dehan laiha ameasa seriu ruma, maibe problema teknika no pista badak``,dehan Romualdo António Soares Da Silva.avi
