GMN TV Capital Antisipa virus corona tama TL, MS distribui mákina Termo Focus iha pontu Entrada sira

Antisipa virus corona tama TL, MS distribui mákina Termo Focus iha pontu Entrada sira

0 views

Atu antisipa virus corona da’et mai Timor-Leste, dau-daun ne’e Ministériu Saúde (MS) hala’o ona distribuisaun mákina Termo Focus ba pontu de entrada sira hanesan Batugade-Bobonaro, aeroportu internasionál Nicolao Lobato, no mós portu Díli, hodi bele halo triajen ba pasajeiru sira ne’ebé tama no sai husi nasaun Timor-Leste (TL).

“Ita iha Termo Focus ne’ebé que iha kuantidade 5, ami sei distribui ba pontu sira hanesan aeroportu ho pontu entrada sira seluk, atu nune’e pesoál saúde sira bele utiliza lai atu halo screening ba pasajeiru sira ne’ebé tama sai iha ita-nia nasaun ida ne’e”, Xefe Departamentu Kontrolu Moras Hada’et husi MS, Merita Monteiro ba jornalista sira iha ninia kna’ar fatin, Lahane-Díli, Segunda (27-01-2020).

Merita Monteiro hatete katak, oras ne’e dadaun mákina termu Scanner, ne’ebé instala iha aeroportu Nicolau Lobato avaria, maibé MS iha ona mákina Termo Focus hodi monta iha pontu entrada sira.

“ Kona-bá rekursu ne’ebé mak MS iha pontu de entrada sira, ita tenke ko’alia loloos katak, rekursu ne’ebé iha menus, bele dehan seidauk sufisiente di’ak para responde situasaun sira ne’e, tanba buat barak sei falta porezemplu hanesan mákina Termo Scanner ida ne’ebé que dau-daun ne’e ita instala iha aereportu Nicolao Lobato, agora dau-daun avaria hela, maibé Vise Ministra MS promote ona katak, iha tempu badak nia laran sei buka oinsa bele hetan fali Termo Scanner ne’e”, tenik Xefe Departamentu Kontrolu Moras Hada’et husi MS ne’e.

Merita informa katak, MS prepara mós kartaun triajen, atu haruka pasajeiru sira hakerek informasaun klaru, hodi hatene katak pasajeiru hela iha área ne’ebé, atu nune’e kuandu sira dezenvolve sinal ruma, bele kontaktu deretamente ho pesoál saúde sira.

“Ita sei haree ho sira-nia screening card ida ne’ebé que ita fahe ba sira, tanba propous husi screening card ne’e atu ema bele hateten ema nia distinasaun ne’e mai husi área ida ne’ebé, karik nia iha sinál no sintoma ruma ne’ebé que ita suspeita, ita bele halo screening ba sira ou sira ruma ne’ebé que mai ho ona flu, ho difikuldade para respirar ne’e ita bele haree mós“, tenik nia.

Vise Ministra Saúde interina, Élia dos Reis Amaral, rekoñese, mákina Termo Scanner, ne’ebé instala iha aeroportu avaria iha tinan kotuk liu ba, maibé dau-daun ne’e embaxaida Xina sei apoiu tan ekipamentu, hodi bele tau iha pontu entrada sira.

 “Ita mós agora atu apoiu husi embaixada Xina husi Brigade Médiku Xina sira, atu bele sirkula ba iha aeroportu nini’an, no mós ba iha Mota-Ain nini’an, ita hein saída mak sira bele apoiu mai ita, em prinsípiu ami husu sira atu apoiu mákina Termo Scanner, maibé dau-daun ne’e Termo Focus ne’ebé haree ba ita-nia pasajeiru tama sai no haree mós ba sira-nia suhu badan”, katak governante ne’e.

Sintoma ne’ebé iha relasaun ho infesaun ne’e, kauza husi vírus corona foun ne’ebé provizoriamente ho naran 2019-ncov ne’ebé forte liu gripe, inklui isin-manas maka’as, sente moras injerál, difikuldade respiratória no lakon ís derepente. eni


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker