GMN TV Capital Dom Virgílio: Joven tenke onestu no iha responsabilidade

Dom Virgílio: Joven tenke onestu no iha responsabilidade

0 views

Arcebispo Arquediocese Metropolitano Dili, Virgílio do Carmo da Silva, husu joven sira tenke kontinua moris ho honestidade, responsabilidade no optimista atu bele sai ai-rin diak ba nasaun.

“Joven mós nu’udar protagonista ba desenvolvimentu ita nia rai doben ida ne’e liu husi asaun konkretu oin-oin tulun malu iha solidaridade hodi harii rai basa ukun aan laos mehi ida maibé asaun konkreta joven sira nian, maske nune’e ha’u mós labele taka matan ba realidade ne’ebé la hatudu ita nia domin uluk nanai ba inan aman sira hodi la fó folin ba valor familia, la rona inan aman no komprende sala liberdade,  iha ita nia sosiedade, foinsae presija harii familia hodi koeñese honestidade, responsabilidade no optimista,” dehan, Arcebispo Virgílio do Carmo, iha ambitu kongresu nasionál CNJTL ba dala V, iha Centro Convenções de Díli, Sabadu (18/01/2020).

Arcebispo Virgílio hateten, Timor-Leste maioria sarani no kreda mós rekoñese papel juventude nian desde uluk, mai to’o iha momentu ida ne’e, kreda hadomi foinsae sira tanbá sira mak fo kontribuisaun ba kreda, ne’ebé haree iha organizasaun sira halo no tulun iha parókia to’o dioseze.

“Imi ne’e nu’udar ai-rin nasaun ba tempu agora basa imi nia moris no saida mak imi halo maske lá bolu atensaun maibé, fo ona buat diak ba ema barak, ksolok nuudar aimoruk katak imi bele hamutuk iha paz no hakmatek, kbiit juventude bele hadomi ho laran, nu’udar hadomi malu nu’udar maun alin, no laran luak hari’i komunidade,” esplika, Arcebispo Virgílio.

Arcebispo Virgílio mós husu ba kongresista sira ne’eb’e partisipa iha kongresu refere bele sai lalenok hodi hatudu sira nia hahalok diak ba ema hotu  nu’udar juventude ida ne’ebé bele kontribui ba nasaun no sosiedade.

PR Lú Olo: Juventude sira mak motór ba dezenvolvimentu

Prezidente Repúblika (PR), Francisco Guterres Lú Olo hato’o deklarasaun apoiu ba  Konselhu Nasionál Juventude Timor- Leste (CNJTL-sigla Portugés)  katak, Juventude sira mak motór ba dezenvolvimentu Nasaun Timor-Leste.

“Ita nia País kiik ne’e, presiza tebes Juventude nia partisipasaun ativa iha dezenvolvimentu nasionál, atu afirma ita nia ezistensia hametin unidade nasionál no rekonstrui, defende no dezenvolve ita nia país, ita tenki valoriza ita nia identidade, ho  identidade rasik mak sei  manan iha kontekstu rejional no  internasionál,”dehan Lú Olo iha nia diskursu ba Kongresu dalima CNJTL iha Centro Convenções de Díli, Sábadu (18/01/2020).

Xefi Estadu ne’e hakrak rekoñese no fó parabens ba  joven sira hotu ho knaar lideransa, atu haka’as an halo buat ruma liu husi inisiativa  individual nu’udar organizasaun rezistensia ida-idak,  no husi tinan1999 nu’udar Juventude loriku aaswain, no husi tinan 2002 to’o ohin loron nudar Konsellu Nasionál Juventude Timor Leste.

Lú Olo,  salienta tan, hahalok diak kiik ka bo’ot importante  hotu, iha kompetisaun ne’ebé deit iha lakon no iha manan,  kompetisaun ba lideransa CNJTL , importante tebes tanba promove demokrasia  iha organizasaun nia laran.

“Ha’u hakarak fo hanoin ba kongresista sira hotu,  la iha maioria no minoria iha Konsellu Nasionál Juventude Timor Leste nian, ha’u fiar lideransa tuan CNJTL sei fo liman ba lideransa foun CNJTL, ha’u hakarak  atu hatete tan, dala ida deit ba imi Juventude loriku aaswain, mak sai hanesan motór ba dezenvolvimentu Timor-Leste nian, ha’u husu ba imi hotu para iha korajen nafatin, ho matenek hateke ba oin, atu ita hamutuk ultrapasa situasaun sira hotu, atu lori ita-nia rai no povu ida ne’e ba diak”,katak Lú Olo.Ida/Oly


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker