GMN TV Capital Isu virus corona tama TL, Élia : Povu labele pániku, tanba seidauk eziste iha Timor

Isu virus corona tama TL, Élia : Povu labele pániku, tanba seidauk eziste iha Timor

0 views

Vise Ministra Saúde interina, Élia dos Reis Amaral, husu ba povu atu labele pániku ho informasaun ne’ebé espalla iha Média Sosiál (MedSos) katak, Timoroan ida iha Fatuhada-Díli kona ona virus Corona, ne’e laloos, tanba virus refere seidauk tama ou eziste iha Timor-Leste (TL).

“Imi hetan informasaun husi ne’ebé, sé mak ko’alia ida ne’e, informasaun ne’e laloos, lalika terlalu, tanba ita iha Timor virus corona ne’e seidauk tama, tanba ne’e komunidade sira labele pániku ba informasaun ne’ebé espalla iha públiku”, Vise MS interina ne’e ba jornalista sira iha Palaçio das Cinzas, Caicoli-Díli, Segunda (27-01-2020).

Governante ne’e informa, dau-daun ne’e MS mós monta ona ekipamentu ho pesoál saúde sira iha pontu entrada sira, atu bele halo triajen ba pasajeiru sira ne’ebé tama sai TL pontu de entrada sira hanesan Batugade-Bobonaro, aeroportu internasionál Nicolao Lobato, no mós portu Díli.

“Ita nia pesoál saúde sira halo ona screening ba ita-nia pasajeiru sira iha aeroportu, no mós monta ona mákina Termo focus, hodi bele haree pasajeiru sira ne’ebé mak tama sai TL, tanba husi ekipamentu ne’ebé monta ona, bele halo triajen ba sira”, tenik Élia.

Iha fatin hanesan, Diretora Jeral Prestasaun Saúde, Odete Viegas, husu ba komunidade sira labele pániku, tanba sintoma ne’e bai-bain, maibé karik hela fatin besik ho ema sira ne’ebé hala’o viajen husi nasaun Xina Wuhan no nasaun sira seluk, ema ruma ho sintoma hanesan ne’e labele besik.

“Sintoma husi moras ne’e mak isin-manas, me’ar, susar dada ís, ulun-moras, kakorok sente to’os, liman-ain kolen no mamar, maibé atu prevene virus refere MS sei hala’o enkontru ho entidade hotu-hotu atu bele haree asuntu ida ne’e”, katak Odete.

Entretantu dau-daun ne’e MS orienta ona tékniku sira, liu-liu iha aeroportu, portu no liña fronteira Mota-Ain Bobonaro, para bele haree turista sira ne’ebé tama sai TL, liu-liu sidadaun Xina sira. eni


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker