GMN TV Capital Komunidade ne’ebé hela iha rai protejidu prontu koopera ho Governu

Komunidade ne’ebé hela iha rai protejidu prontu koopera ho Governu

0 views

Komunidade sira ne’ebé dadaun ne’e konstroe uma iha ponte no mota ninin Komoro prontu atu sai husi fatin ne’e, maibé governu tenke kria uluk kondisaun atu sira kontinua hela iha sidade Díli, hodi halo atividade atu buka osan hodi sustenta moris.

Habitante Grasela da Costa, promete atu hamamuk fatin protezidu mota ninin Komoro ne’e iha kualker tempu, maibé Governu presiza halo diálogu ho sira hodi buka solusaun.

“Ami prontu atu sai husi mota laran no ponte okos, tanba ne’e desizaun Governu nian, maibé Governu mós tenke haree didiak antes atu hasai ami husi fatin ne’e, presiza prepara fatin,  nune’e kontinua hela iha sidade hodi bele hala’o  ami-nia atividade hanesan pinera rai henek, tanba Governu seidauk loke kampu servisu ba nia povu”, hateten Graciela da Costa ba GMN iha mota Comoro, Díli, Segunda (13/01).

Komunidade sira ne’e mós deskorda ho  deklarasaun Sekretáriu Estadu Terras no Propropriedade ne’ebé hatete, bainhira hasai komunidade sira ne’ebé okupa rai protezidu, sei la hetan indeminizasaun husi governu.

“Ha’u lamenta tebes deklarasaun Sekretáriu Estadu Terras Propriedade nian, ne’ebé hateten, bainhira Governu hasai komunidade sira sei la fó indeminizasaun, maibé Estadu mos tenke hanoin didiak lai, tanba uma ne’ebé ami konstroe iha mota ninin no ponte okos ne’e, hodi osan mak hari, la’os uma ne’e hamrik mesak”, katak Graciela

Iha fatin hanesan komunidade Armando Martins  rekuñese, antes ne’e sira simu ona imformasaun husi Autoridade Lokal sira Suku Komoro nian ne’ebé bandu atu halo uma iha ponte ninin no mota ninin, maibé seidauk halo diálogu ho sira tanba komunidade  sira ne’ebé hela iha fatin refere maioria servisu pinera rai henek iha mota laran.

“Iha tinan hirak liuba, ami nia Autoridade Suku Komoro mai ona iha fatin ne’e, hodi partilla imformasaun atu labele halo tan uma iha mota ninin no ponte okos,  tanba ne’e ami hein deit bainhira mak autoridade lokal ho governu mai halo diálogu ho ami hodi bele buka solusaun”, imforma Armando.

Antes ne’e mos Sekretáriu Estadu Terras no Propriedade, Mário Ximenes, hateten, sei hasai obrigatóriu komunidade sira ne’ebé hela iha fatin protejidu sira

Enkuantu iha tinan 2019, governu liu husi Sekretaria Estadu Terras Propriedade hasai obrigatóriu komunidade balu ne’ebé hela iha área Lagoa, Tasi Tolu.aba


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker