GMN TV Capital MAP monta GPS identifika peskadór no ró ilegál iha Tasi Mane

MAP monta GPS identifika peskadór no ró ilegál iha Tasi Mane

0 views

Ministru Agrikultura no Peska (MAP), Joaquin José Gusmão dos Reis Martins, hateten, atu dentifika peskadór ho ró ilegál ne’ebé tama iha tasi mane nian, MAP monta ona  GPS (Global Policy and Strategy) hodi akompaña. 

Liu-liu ba ró sira ne’ebé mak la identifikadu maibé halo hela operasaun iha tasi laran.

“Ministériu Agrikultura no Peskas (MAP), monta ona GPS (Global Policy and Strategy), ba peskador sira ne’ebé iha costa sul, no husu ba sira atu halo relatoriu ba MAP konaba, ró sira ne’ebé mak la identifikadu maibé halo hela operasaun iha tasi laran, ne’e hanesan relatoriu deit maibe atu kombate no intervensaun labele tamba ita seidauk iha rekursu ne’ebé adekuadu hodi bele hatan ba preokupasaun publiku nian,” dehan, Joaquin José Gusmão Dos Reis Martins Ministru Agrikultura no Peskas ba jornalista sira iha Ministériu Finansas, Segunda (13/01/2020)

Nia haktuir, kona-ba peska ilegal to’o agora MAP,  iha deit mak monitorizasaun, iha tasi hodi bele identifika ró hirak ne’ebé peska ilegal, maibé seidauk iha rekursu ne’ebé adekuadu hodi bele hatan ba preokupasaun publiku nian.

Maibe, Governante ne’e dehan, agora dadaun MAP forma hela autoridade maritima, ne’ebé lidera husi Minsiteriu Defeza hodi bele redus peskas ilegal.

“Peskas ilegal ita atu kombate, ita presiza ró patroliamentu atu nune’e bele kontrola ita nia tasi, ró patroliamentu ne’ebé mak Polisia Maritima no F-FDTL komponenti naval, iha maibé la konsege  atu halo fiskalizasaun ba iha ita nia tasi mane, tamba peskas ilegal barak liu iha ita nia tasi mane parte costa sul, MAPmós iha komprimisiu foun ne’ebé aprezenta ba Primeiru Ministru, atu sosa ró foun tolu, maibe ho redusaun Orsamentu Jeral Estadu Tinan 2020 foun, ne’e ita elimina tia    hodi la sosa ro foun ne’e,”subliña nia.

Entretantu, Ministru Reforma Lejizlativa no asuntu Parlamentar Fidelis Leite Magalhães afirma, agora dadaun Ministériu Defeza no Interior, proposta orsamentu ba tinan ida ne’e refleta prioridade ida, atu asegura espasu tasi nian, laos atu tau matan deit ba mina no plataforma ne’ebé Timor-Leste iha, maibe mós tau matan oinsa mak atu redus peska ilegal ne’ebé iha.

“Ha’u hanoin ministériu sira hotu liu liu defeza no interior, agrikultura no peskas halo servisu ne’ebé mak makas, ho parseiru sira hotu atu hare konaba asuntu refere (peskas ilegal-red), ita nia rikeza iha tasi bot tebes laos deit mak mina rai, por enkuantu ofesor iha ita nia tasi laran mina no gás, maibe mós rikureja sira seluk hanesan ikan, no rekursus tasi nian seluk, ne’e potensia bot ba dezenvolvimentu ekonomia iha futuru” tenik Fidelis. Cin


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker