GMN TV Capital Orsamentu ba atende situasaun emerjénsia iha TL la sufisiente

Orsamentu ba atende situasaun emerjénsia iha TL la sufisiente

0 views

Sekretáriu Estadu Protesaun Sivíl,   hateten, orsamentu rekoperasaun ba situasaun emerjénsia tinan 2020 iha Timor-Leste (TL) la sufisiente, tanba dadaun ne’e uza hela orsamentu tinan 2019 nian.

“Orsamentu protesaun Sivíl la sufisiente atu atende situasaun emerjénsia, maibé maske iha difikuldade kona bá orsamentu, maibé bainhira iha situasaun emerjénsia ruma, sei halo proposta ba Primeiru Ministru hodi bele responde situasaun emerjénsia sira, alende ne’e atu antisipa situasaun emerjénsia ba futuru, Primeiru Ministru, Taur Matan Ruak fó ona orientasaun  atu tau orsamentu ketak, hodi responde situasaun emerjénsia sira”,  hateten Alexandrino de Araújo ba GMN iha Ministériu Finansas Aitarak Laran Díli, Segunda ( 06/01).

Governante ne’e informa, atu antisipa situasaun emerjénsia iha rai laran, hanesan dezastre naturais afeta komunidade sira-nia hela fatin, Governu sei halo kordenasaun diak ho Autoridade lokal sira iha teritóriu tomak, atu halo preparasaun diak ba situasaun emerjénsia ne’ebé atu mosu iha tempu oin mai.

 “Dadaun ne’e ekipa dezastre husi Sekretáriu Estadu Protesaun Civíl, Ministériu Solidariedade Sosial, servisu hamutuk ho Autoridade lokal,  kontinua halo preparasaun hodi antisipa situasaun emerjénsia ruma  bele fó apoiu komunidade sira ne’ebé hasoru dezastre ruma iha Timor-Leste,  maibé tipu apoiu emerjénsia ne’ebé Governu fó ba vítima sira nee’, tuir kriteria governu nian ne’ebé traxa ona”, hateten Alexandrino

Antes ne’e Governu liu husi Sekretáriu Estadu Protesaun Civíl, Ministériu Solidariedade Sosial no Inkluzaun, inklui Ministériu Administrasaun Estatal halo ona kordenasaun diak ho Autoridade Lokal sira hodi apoiu vítima dezastre naturais iha Díli no Munisípiu balun.

Antes ne’e mós, Diresaun Nasional Meterolojia ho jeofízika alerta ba komunidade atu toma atensaun ba rísku temporál ajitasaun violenta husi anin bo’ot akompaña ho udan Tuir previzaun husi Diresaun Nasional Meteorolojia ho jeofízika ne’ebé fó sai iha semana ne’e nia laran  hateten, iha loron hat to’o  loron neen  fulan janeiru tinan ne’e,  sei mosu udan ne’ebé akompaña ho anin bo’ot ne’ebé  ho intensidade  vária husi moderadu to´o forte.aba


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker