GMN TV Capital PM orienta ekipa interministerial uza Fundu Kontijensia apoia vítima dezastre naturál

PM orienta ekipa interministerial uza Fundu Kontijensia apoia vítima dezastre naturál

0 views

Primeiru Ministru (PM), Taur Matan Ruak, fó orientasaun ba ekipa interministerial sira atu halibur dadus vítima dezastre naturál iha semana liu ba ne’e atu nune’e foti fundu kontijensia hodi fo apoiu ba vítima hirak ne’e.

Sekretáriu Estadu Protesaun Sivil, Alexandrino de Araújo, hato’o lia hirak nee ba Jornalista sira, Kuarta (08/01) hafoin hasoru malu ho Primeiru Ministru, Taur Matan Ruak iha Palasiu Governu.

“PM bolu ami atu halo koordenasaun konaba situasaun dezastre ne’ebé foin dadauk ita nia povu hasoru no halo koordenasaun interministerial MOP,ESTATAL no Protesaun Sivil atu fo apoiu emerjensia no atu normaliza hikas ponte dalan hirak ne’ebé hetan estragus”,dehan Alexandrino.

Iha sorumutu ne’e Xefe Governu ,orienta ekipa interministerial atu halibur didiak dadus ba populasaun sira ne’eb’e hetan dezastre naturais iha Timor laran tomak atu nune’e Governu prepara orsamentu kontijensia hodi fó apoiu emerjensia no rekoperasaun ba vítima sira.

Ekipa interministerial ne’ebé mak kompostu husi Ministeriu ESTATAL,Ministeriu Obras Públikas (MOP),Sekretariu Estadu Protesaun Sivil no Ministériu Solidaridade Sosiál no Inkluzaun (MSSI).

“Atu responde ne’e iha orsamentu planu annual atu responde ba orsamentu ne’ebé mak iha ona ,maibe dezastre ne’ebé akontese fali ne’e mak orsamentu la to’o ,tamba ne’e ami koalia ho Primeiru Ministru fó orientasaun baa mi atu hare dadus hirak ne’eb’e iha depois haruka karta mai depois koordena ho finansas karik bele iha apoiu kontijensia”,dehan Governante.

Tuir dadus ekipa interministerial katak, hahú iha fulan Janieru to’o Agustu tinan 2019, komunidade ne’ebé hetan Dezastre Naturais iha Timor laran tomak hamutuk 3698 . Nune’e mós akontese dezastre naturais iha fulan Outubru tinan 2019  hamutuk 717 no mós  akontesementu ne’ebé foin dadauk akontese iha loron 29 fulan Dezembru no 31 iha Manleuana iha xefe familia 225 .

Total orsamentu ne’ebé  ekipa interministerial gasta hodi fó apoiu ba vítima dezastre naturál husi fulan Janeiru to’o Dezembru tinan 2019 hamutuk USD 600.000.Tos


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker