GMN TV Capital PN hahú ona audiénsia ho Governu diskute OJE 2020

PN hahú ona audiénsia ho Governu diskute OJE 2020

0 views

Hafoin feriadu loron natál no tinan foun, iha Segunda  (06/01/2020),  Parlamentu Nasionál, (PN) kinta lejislatura, iha kada komisaun  espesilizada, hahú halo ona audiénsia públika  ho Governu konstitusional da-ualu, hodi diskute kona-bá proposta Orsamentu Jerál Estadu (OJE) tinan 2020 nian.

Iha audiensia ne’e, governante sira mós aprezenta nia proseseu ezekusaun Orsamentu Jerál Estadu tinan 2019, no planu programa ne’ebé traxa  iha proposta Orsamentu Jerál Estadu tinan 2020 nian.

Komisaun ne’ebé halo audiénsia ho Governu mak hanesan, komisaun C ho Ministra Finansas interina, komisaun G ho ministériu ensinu superior ho Sekretáriu Estadu Arte Kultura, inklui komisau E audiénsia ho Ministru Obras Públikas, no Komisaun A ho Gabinete Prezidensia da Repúblika ho Gabinete Primeiru Ministru Taur Matan Ruak.

Alende ne’e, Komisaun B ne’ebé trata asuntu Defeza Seguransa no Negósiu Estranjeiru, audiénsia ho Ministru Negósiu Estranjeiru ho Servisu Nasionál Investigasaun, no komisaun D ho Ministru Agrikultura e Peskas ho Ministru Interinu Petroleo no Minerais, inklui komisuan F ho Ministru Saúde HNGV, SAMES no Laboratóriu Nasionál.

Tuir ajenda, audiénsia públika ne’e sei hala’o durante loron 5, inklui loron ida ba apresiasaun relatóriu, husi loron 06 to’o loron 10 fulan Janeiru ne’e, no husi loron 10 to’o 14 fulan ne’e, aprovasaun no elaborasaun relatóriu husi komisaun C ne’ebé trata asuntu finansa públika.

Hafoin ne’e, sei kontinua hikas diskusaun no votasaun iha faze jeneralidade, durante loron tolu, husi loron 15 to’o 17, no loron 10 ba diskusaun faze espesialidade, husi loron 20 to’o 30 fulan Janeiru tinan ne’e, loron 31 fulan Janeiru ne’e sei iha redasaun final no envia ba Prezidente Repúblika.say


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker