GMN TV Capital Vise MOP: Lei la forte, kapital Díli dezorganizadu

Vise MOP: Lei la forte, kapital Díli dezorganizadu

0 views

Vise Ministru Obras Públikas (MOP), Nicolau Lino Freitas, hatete, kapitál Díli sei kontinua dezorganizadu, tanba lei seidauk forte atu regula populasaun sira nune’e komunidade to’o ohin loron halo uma iha fatin-fatin tuir ida-idak nia hakarak.

“Lei seidauk forte atu regula populasaun nune’e populasaun sira kontinua halo uma iha foho leten, mota-ninin inklui tasi-ibun, no bainhira tempu udan sempre mosu inundasaun tanba bee dalan laiha. Maibe ita tenke iha preparasaun legál no oinsa iha preparasaun hasoru komunidade tamba sidadaun hotu iha direitu atu moris ho dignu”, deklara Vise Ministru Obras Públikas, Nicolau Lino Freitas, ba JN-Diário, Segunda (27/01/2020) iha Mandarin Díli.

Tanba ne’e nia dehan, governu esforsu hodi haforsa lei para bele regula populasaun sira nune’e labele konstroe uma iha mota-ninin, tasi-ibun inklui trotoar leten.

“VIII governu liu hosi MOP esforsu hela hodi kria lei 3 hanesan, rejime legál ba planu espasiál, rejime edefikasaun urbanizasaun no tuir mai mak rejime klasifikasaun no kualifikasaun do solo. Prosesu ida ne’e oras ne’e dau-daun iha ona Ministériu Reforma Lejislativa Asuntu Parlamentares (MRLAP) hodi lori ba Konselhu Ministru (KM) nune’e bele hetan aprovasaun iha tinan ne’e”, afirma vise MOP.

Tanba ho lei mak bele regula populasaun sira no fó biban ba tékniku hosi Diresaun Planeamentu Urbanu no Habitasaun (DPUH) wainhira muda komunidade ruma ne’ebé hela iha mota ibun ka tasi ibun hasai sira bazeia ba lei.

Governante ne’e subliña, Timor-Leste iha ona lei ne’ebé hatete, komunidade ne’ebé atu konstroe uma iha tasi-ibun no mota-ninin tenke do’ok ho distansia 50 kílometru, inklui bandu atu labele hela maibé realidade dadaun ne’e maioria komunidade sira hela iha tasi-ibun no mota-ninin.

“Realidade hatudu katak, oras ne’e sidade Díli desorganizadu, entaun ho lei  ne’ebé oras ne’e iha hela MRLAP hodi hein atu lori KM atu hetan aprovasaun mak sai hanesan baze ida ba polítika VIII governu nian bainhira hakarak muda komunidade sira ne’ebé hela iha tasi-ibun, mota-ninin, foho leten inklui trotoar leten”, tenik nia.

Nia dehan, iha tinan 2019 MOP halo ona levantamentu dadus hodi identifika fatin 3, ne’ebé governu planea atu konstroe uma rihun 4 ba komunidade, bainhira governu hakarak halo dezenvolvimentu ruma iha kapitál Díli, governu prepara ona kondisaun no fatin 3 mak iha Hera, Bekora no Merkadu Komoro.

“Iha fatin 3 ne’e ami hakarak halo revitalizasaun bairu, nune’e bainhira governu hanoin muda komunidade sira kondisaun iha ona, tanba ita atu hasoru komunidade la’ós fasil”haktuir vise MOP.Fel


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker